Mateo 8:11 - Dios Rimashca Shimicunami

¹¹ Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Mushuj Testamento Diospaj Shimi

¹¹ Cancunaman huillanimi: Inti llujshin, inti yaicun ladomanta achcacuna shamushpami, jahua pacha Dios mandacunpica yaicungacuna. Paicunami Abrahamhuan, Isaac-huan, Jacobohuan tiyarishpa micungacuna.

Mateo 8:11 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

SALMOS 22:27

Tucui pachapi causajcunami, Mandaj Diosta yuyarishpa paiman cutiringacuna. Tucui laya aillucunami, paipaj ñaupajpi adorangacuna.

SALMOS 98:3

Israelcunapajca llaquij cashcatapish, mana llulla cashcatapishmi yuyarirca. Tucui cai pachapi causajcunamari ñucanchij Taita Dios quishpichinataca ricushcacuna.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

ISAÍAS 49:12

Riqui, caicunaca carumantami shamungacuna. Shujcunaca janaj ladomanta, chaishujcunaca inti huashicuna ladomantami shamungacuna. Shujtajcunaca Sinim llajtamantami shamungacuna.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 52:10

Mandaj Diosca tucui llajtacunapaj ñaupajpimi paipaj jucha illaj rigra camizata huichiman pillushca. Ñucanchij Taita Dios quishpichishcataca tucui cai pachapi tiyaj llajtacunapi causajcunami ricungacuna.

ISAÍAS 59:19

Paica Mandaj Dios p'ucujpica jatun yacu huajiashpa shamuj shinami shamunga. Chaipica Mandaj Diospaj shutitaca inti huashicunmanta callarishpami manchangacuna. Inti llujshin ladomanta callarishpami pai sumaj cashcataca alli ningacuna.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

Mateo 21:41

Chaimi paicunaca: –Chashna millaicunataca, mana llaquishpami huañuchinga. Uvas chagratapish p'ucunca chaupishpa cuj shujtaj chagrajcunamanmi arrendachinga– nircacunami.

Mateo 24:31

Paipaj angelcunatami cachanga. Paicunami trompetapi sinchita tocashcahuan, cai pachapi tiyaj tucui llajtacunamantaca Runa Aichayujpaj agllashcacunataca uramanta janajmanta tucuicunata tandachingacuna.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 8:10

Chaita uyashpa Jesusca mancharishpami, paita caticujcunataca: –Pai shina yallitaj crijtaca, israelcunapurapipish manataj ricushcanichu. Chaica chashnatajmi.

Lucas 12:37

Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Lucas 16:22

Mañashpalla causaj runa huañujpica, angelcuna shamushpami Abrahampaj c'uchuman aparca. Charij runapish huañujpica pambarcacunami.

Hechos 10:45

Circuncisionta rurashca crijcunami Pedrohuanca shamushcacuna carca. Paicunaca mana judiocunapaj jahuamanpish, jucha illaj Espíritu shamujta ricushpaca yallitaj mancharircacuna.

Hechos 11:18

Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna: –¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

Hechos 14:27

Chaiman chayashpaca, tandanacushca crijcunata tandachishpami, Taita Diosca jatun allicunata paicunahuan rurashcata, mana judiocuna crichun punguta pascaj shina paicunapaj yuyaita pascashcatapish parlarcacuna.

1 Corintios 15:20

Ashtahuanpish cunanca, huañushcacunapaj chaupimanta Cristoca causarishcami. Paica huañushcacuna causarinata ricuchishpa punta causarijmi.

1 Corintios 6:9

Millaita rurajcunaca, Dios mandanapica imata mana japina cashcataca ¿manachu yachanguichij? Ama umarichijchu: Apanacushpa causajcuna, rurashcalla dioscunata adorajcuna, huainayajcuna, huarmi shina casha nijcuna, c'aripurallataj siririjcuna,

Efesios 3:6

Chaica cashnami: Alli huillaimantaca mana judiocunaca, judiocunahuan herenciata japijcuna, ishquindijtaj chai cuerpopajlla miembrocuna, Cristo Jesusmanta Dios cusha nishcatapish paicunahuan japijcuna canami.

Colosenses 3:11

Chaimanta griegopish, judiopish, circunsicionta rurachishcapish, mana rurachishcapish, urcu runapish, shujtaj llajtamanta cajpish, amopajta rurajpish, amopajta mana rurajpish mana tiyanchu. Ashtahuanpish Cristoca tucuicunapajmi, tucui paipi crijcunapimi.

2 Tesalonicenses 1:5

Cancuna chashna llaquicunata apashpaca, Taita Dios cashcata rurashpa paicunata llaquichina cashcatami ricuchicunguichij. Cancunaca Taita Dios mandanapi yaicunalla cashcamantami chashna llaquicunataca apacunguichij.

Apocalipsis 7:6

Aserpaj aillumantapish 12.000mi sellashca carca. Neftalipaj aillumantapish 12.000mi sellashca carca. Manasespaj aillumantapish 12.000mi sellashca carca.