Mateo 8:10 - Dios Rimashca Shimicunami

¹⁰ Chaita uyashpa Jesusca mancharishpami, paita caticujcunataca: –Pai shina yallitaj crijtaca, israelcunapurapipish manataj ricushcanichu. Chaica chashnatajmi.

Mushuj Testamento Diospaj Shimi

¹⁰ Chashna nijta Jesús uyashpaca, achcata cushicushpami, Paita catijcunata cashna nirca: —Israelcunapurapica, cai runa shina ñucata alli crijtaca manataj ricushcanichu, chaica chashnatajmi.

Mateo 8:10 Iomraidhean Croise

GÉNESIS 43:33

Joseca paipaj huauquicuna mezapi tiyarichunca, punta huauquimanta q'uipa huauquicamami callarishpa tiyarinata ricuchirca. Chaimi paicuna tiyarishpaca, mancharinacushpa caishuj chaishuj ñahuita ricunacucurcacuna.

Mateo 15:28

Shina nijpi Jesusca: –¡Huarmi, can crishcaca tucuita yalli jatunmi. Can ima shina munashca shina rurarichunlla!– nircami. Jesús chashna nincami paipaj ushushica alliyashcalla carca.

Mateo 8:11

Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Mateo 8:9

Ñucapish mandajpaj ucupimi cani. Chashnallataj soldadocunata mandajmi cani. Maijanta: “Ri” nijpica, rinllami. Shujtajta: “Shamui” nijpipish, shamunllami. Shinallataj ñucapajta rurajta: “Caita rurai” nijpipish, chaita ruranllami– nircami.

Marcos 6:6

Paicuna mana crisha nishcamantami Jesusca achcata llaquirishpaca, chai muyundij llajtacunallapi yachachishpa purirca.

Lucas 5:20

Jesusca paicuna crishcata ricushpami, ungushcataca: –Cambaj juchacunataca ñami perdonani– nijpi,

Lucas 7:50

Ashtahuanpish Jesusca chai huarmitaca: –Canca crishcamantami quishpichishca cangui, sumajta causagrilla– nirca.

Lucas 7:9

Chaita Jesús uyashpaca, mancharishpami caticujcunapajman tigrarishpaca: –Cashnami nini: Cashna yallitaj crijtaca, Israelpipish manataj japishcanichu– nirca.

Hechos 2:7

Musparinacushpa mancharishpami cashna nircacuna: –Riquichij, ¿manachu tucui cai rimacujcunaca galileocunalla?