Mateo 7:7 - Dios Rimashca Shimicunami

⁷ Mañaichij, paica cungami. Mashcaichij, japinguichijmi. Huasiyuj nichij, paica pascangami.

Mushuj Testamento Diospaj Shimi

⁷ Diosta mañaichij, Paica cungami. Mashcaichij, japinguichijmi. ‘Huasiyuj’ nichij, Paica punguta pascangami.

Mateo 7:7 Iomraidhean Croise

GÉNESIS 26:32

Chai punllallatajmi Isaacpajta rurajcunaca paipajman shamushpaca, pugyuta rurangapaj allacushcapica: “Ñami yacuta japinchij” nircacuna.

1 REYES 3:5

Gabaonpi Salomón cajpimi Mandaj Diosca shuj tuta muscuipi paiman ricurishpaca: “Can imata nishcata mañailla, ñucaca cushallami” nirca.

SALMOS 10:17

Mandaj Dioslla, mana jatun tucushcacuna mañashcataca uyanguimi. Paicuna mañashcata cushpami cushichingui.

SALMOS 10:4

Uma alzashca millai runaca, Diostaca mana mashcanchu. Paipaj yuyaipica Diosca manataj tiyashcatami yuyan.

SALMOS 119:12

Mandaj Dioslla, quiquinca allimi cangui. Quiquin chaitataj pajtachichun nishcacunata yachachihuayari.

SALMOS 27:8

Ñuca shungupica: “Ñucata mashcai” ninguimari. Chaimanta Mandaj Dioslla ñucaca cantami mashcasha.

SALMOS 34:4

Mandaj Diostami mashcarcani, paica ñucata uyahuarcami. Tucui ñuca manchaimantami ñucataca quishpichirca.

SALMOS 37:4

Mandaj Diosllahuan cushicui. Cambaj shungupi yuyashcataca paimi cunga.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 69:32

Mana jatun tucushcacuna chaita ricushpaca cushicungacunami. Taita Diosta mashcaichij, quiquin shungupi causaita charinguichijmi.

SALMOS 70:4

¡Quiquinta mashcaj tucuicunaca cushicuchun. Quiquinpi cushicuchun! Quiquin quishpichinata c'uyajcunaca tucui causaipi: “Taita Diosca yallitaj jatunyachishca cachun” nichun.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

PROVERBIOS 8:17

Ñucata c'uyajcunataca, ñucapish c'uyanimi. Tutamantaman mashcajcunallami ñucataca japincuna.

CANTARES 3:2

Chaimantaca cashnami nircani: “Cunanca jatarishpa, cai pueblo muyundijta mashcagrishalla. Ñucata c'uyajtaca ñancunapi, plazacunapipish mashcagrishalla” nircanimi. Chashna mashcashpapish paitaca manamari japircanichu.

ISAÍAS 30:19

Siónpi caj Jerusalenpi causajcunataca Jatun Dios llaquishpa, cancuna caparishpa mañashcata uyaihuan cutichishcamantaca ña manataj huacangacunachu.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

AMÓS 5:4

Shina cajpipish Mandaj Diosca, israelcunataca cashnami nin: “Cancuna llaquirishpa ñucata mashcashpaca, mana huañunguichijchu.

Mateo 18:19

Chaimanta cashnami nini: Cai pachapi cancunapuramanta ishquindij shuj yuyailla tucushpa, jahua pachapi caj ñuca Yayata imatapish mañajpica cungallami.

Mateo 21:22

Tucui imatapish crishpa Diosta mañashpaca, chasquinguichijmi– nircami.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

Mateo 7:11

Cancunaca millaicuna cashpapish, cancunapaj huahuacunamanca imatapish allicunata cunatami yachanguichij. Jahua pachapi caj cancunapaj Yayacarin, paita mañajcunamanca ashtahuan yalli allicunatamari cunga.

Mateo 7:8

Mañajcunaca tucuicunami chasquin. Mashcajpish japinmi. Huasiyuj nijpipish yaicuchingami.

Marcos 11:24

Chaimanta cashnami nini: Taita Diosta imata mañashpaca, ña japinataj cashcata crishpa mañaichij, chasquinguichijmi.

Lucas 13:25

Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami.

Lucas 18:1

Taita Diosta mañanataca mana shaicushpa tucui imapipish mañacunallami nishpa yachachingapajca, cai yuyachij parlotami Jesusca,

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Romanos 2:7

Taita Dios allicunata cuj cashcata yachashpa, chaita shuyashpa allicunata rurajman, huiñai causaita charishcamanta allita rurajtaca huiñaita paihuan causachunmi saquinga.

Romanos 3:11

Entendijpish mana tiyanchu, Diosta mashcajpish mana tiyanchu.

Hebreos 11:6

Ashtahuanpish mana crishpaca, Dios munashcataca ima shina mana rurai tucuipajmi. Diospajman maijanpish c'uchuyangapajca pai tiyashcatapish crina, paita mashcajcunamanca ima illashcata cuj cashcatapishmi crinataj can.

Santiago 5:15

Tucui shunguhuan crishpa mañajpica, Mandaj Jesusca chai ungushcataca alliyachishpa jatarichingami. Pai juchallishca cajpipish perdonangami.

1 Juan 3:22

Dios mandashcacunata cazushpa, pai munashcacunata paipaj ñaupajpi ruracushcamantaca, ñucanchijca imata mañashpapish paimantaca chasquishunllami.