Mateo 7:6 - Dios Rimashca Shimicunami

⁶ Taita Diospajlla cajtaca, allcucunamanca ama cuichijchu. Ñataj tigrarishpa c'utsa c'utsata ruranman. Cancunapaj perlacunatapish, c'uchicunapaj ñaupajpica ama shitaichijchu. Paicunaca sarungallacunami.

Mushuj Testamento Diospaj Shimi

⁶ Diospaj cashcataca ama allcucunaman shitaichijchu, ñataj pʼiñarishpa cancunata llaquichinman. Shinallataj cancunapaj sumaj perlastapish, cuchicunamanca ama shitaichijchu, chaicunataca sarushpa tucuchingallami.

Mateo 7:6 Iomraidhean Croise

PROVERBIOS 11:22

Sumaj ñahui cashpapish, yuyai illaj huarmica, curi sarcillota c'uchi singapi apachishca shinallami.

PROVERBIOS 23:9

Rumi shungu runataca, ama imata rimanguichu. Can cushca alli yuyaicunataca, yangata rurashpa asingallami.

PROVERBIOS 26:11

Allcuca pai shungu tigrashcallatataj cutin tigrachishpa micunllami. Rumi shungu runapish paipaj rumi shungu yuyashcataca cutin cutin ruranllami.

PROVERBIOS 26:4

Rumi shungu runa shinallataj cashca ama ricuringapajca, rumi shungu runa imata nijpipish, ama allimi nishpa cutichinguichu.

Mateo 15:26

Jesusca: –Quiquin huahuacuna micucushcata quichushpa, allcucunamanraj caranaca mana allichu– nirca.

Mateo 24:10

Chaipica achcacunami ñucata caticushcamanta saquirishpa huañuchijcunaman caishuj chaishuj japichingacuna, caishujmanta chaishujmantapishmi p'iñanacungacuna.

Mateo 7:5

¡Mishqui shimi, jayaj shungu! Cambaj quiquin ñahuimanta jatun caspitaraj anchuchiyari. Chashna cashpamari, cambaj huauquipaj ñahuipi tiyacuj ujshataca alli ricushpa anchuchingui.

2 Corintios 11:26

Tauca cutinmi ñancunapi, jatun yacucunapi, shuhuacuna manchai, ñuca llajtapi causajcuna manchai, mana judiocuna manchai, pueblocunapipish, shitashca pambacunapipish huañuchina manchai, mama cucha yacupi huañuna manchai, crij canchij nij tucujllacuna manchaipishmi carcani.

Filipenses 3:2

Allcu shinacunamanta huaquichirichij. Pandata yachachij millaicunamanta huaquichirichij. Cuerpota p'itirijcunamanta huaquichirichij.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 6:6

Chashna cai tucuita yachashca jahua, ña mana catishachu nishpa saquirishpaca, cutin alli tucungapajca Diospajmanca, ña mana cutinca tigrari tucunchu. Chashna tucushpaca, paicunallatajmari Diospaj Churitaca, tucuicunapaj ñaupajpi pugllashpa cutin chacatacuj shina rurancuna.

2 Pedro 2:22

Ashtahuanpish chashna tucujcunaca: “Allcuca, pai shungu tigrashcatami tigra micun. Armachishca c'uchipish, cutinllatajmi guzupi singurin” nishcami pajtan.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.