Mateo 7:3 - Dios Rimashca Shimicunami

³ Cambaj quiquin ñahuimanta jatun caspita manaraj anchuchishpaca, ¿ima nishpataj cambaj huauquipaj ñahuipi ujsha tiyacujtaraj ricungui?

Mushuj Testamento Diospaj Shimi

³ Cambaj huauquipaj ñahuipi uchilla ujsha tiyacujtaca, ¿ima shinataj ricungui? Cambaj ñahuipicarin, jatun caspimari tiyacun. ¿Chaitaca mana ricunguica?

Mateo 7:3 Iomraidhean Croise

Mateo 7:4

Cambaj ñahuimanta jatun caspita manaraj anchuchishpaca ¿ima shinataj: “Cambaj huauquitaca shuyai cambaj ñahuimanta ujshata anchuchisha” ninguiyari?

Mateo 7:5

¡Mishqui shimi, jayaj shungu! Cambaj quiquin ñahuimanta jatun caspitaraj anchuchiyari. Chashna cashpamari, cambaj huauquipaj ñahuipi tiyacuj ujshataca alli ricushpa anchuchingui.

Lucas 18:11

Fariseo shayarishpaca, paillataj alli nirishpami cashna mañarca: “Taita Dioslla, cantami pagui nini. Ñucaca mana shujtaj runacuna shina: Shuhuaj, cashcata mana ruraj, huainayaj mana canichu. Impuestota japij cai runa shinapish mana canichu.

Romanos 2:1

Chaimanta canca, pi cashpapish shujtajta juchachishpaca, canpish juchachicushca shinallataj ruraj cashcamantaca, ñucaca allimi cani mana ni tucunguichu. Cambaj llaquipajllatajmi chashna juchachingui.

Gálatas 6:1

Huauquicuna, ima juchapi maijan urmashca cajpica, Diospajlla cajcuna manso shunguhuan ayudaichij. Can chashna tucushcata shina yuyashpa ayudangui. Ñataj canpish chashnallataj tucunguiman.