Mateo 7:2 - Dios Rimashca Shimicunami

² Ima shinami shujtajta juchachingui, chashnallatajmi juchachishca cangui. Imahuanmi shujtajta medingui, chai shinallatajmi medishca cangui.

Mushuj Testamento Diospaj Shimi

² Shujtajcunata juchachijpica, Diospish cancunataca juchachingami. Shujtajcunata cancuna imatami ruranguichij, cancunatapish shinallatajmi ruranga.

Mateo 7:2 Iomraidhean Croise

2 SAMUEL 21:5

Shina nijpi paicunaca jatun mandajtaca: –Tucui Israel llajtapi ñucanchij ama tiyachun nishpa ñucanchijta p'iñashpa chingachinatami yuyarca.

SALMOS 109:17

Imapish tucushca canman nij canatami c'uyaj carca. Chaica paipaj jahuallapitajmi urmarca. Alli cashca cachun nij canataca mana munarcachu. Chaimantami alli cashca cachun nij canaca paimantaca tucui anchurirca.

ÉXODO 21:24

Ñahuita llujshichijtaca paitapish ñahuita llujshichichun. Quiruta llujshichijtaca paitapish quiruta llujshichichun. Maquita p'aquijtaca paitapish maquita p'aquichun. Chaquita p'aquijtaca paitapish chaquita p'aquichun.

ISAÍAS 33:1

¡Aij, pitapish quichuj runalla, cantaca nunca pi manaraj quichunchu! Aij, huashalla llaquichij runalla cantaca pi manaraj huashalla llaquichinchu. Shujtajcunata quichunata can ña tucui tucuchijpica, cantapish tucui quichushcami cangui. Huashalla llaquichishpa tucuchijpica canpish huashalla llaquichishcami cangui.

JEREMÍAS 34:17

Cancuna chashna rurashcamantami, Mandaj Diosca cashna nin: “Cancunaca ñucata mana cazushpami, cancunapaj familiacunataca servichicushcamanta mana cacharishpa cachanguichij. Chaimantami ñucapish espadahuan huañuchijcunatapish, jatun yaricaitapish, ungüitapish cancunata llaquichichun cachagrini. Chai jatun llaquihuanmi cancunataca, tucui cai pacha llajtacunapaj chaupipi jatunta pingachigrini. Ñuca, Mandaj Diostajmi chashna nini.

JEREMÍAS 51:24

Mandaj Diosca cashnami nin: “Babiloniapi causajcunatapish, tucui Caldea llajtapi causajcunatapish Siónpi tucui laya llaquicunata rurashcamantami, cancuna ricucujllapitaj llaquichigrini” ninmi.

ABDÍAS 1:15

Tucui llajtacunata Mandaj Dios jatunta llaquichina punllaca, ñamari quichquiyamucun. Ima shinami shujtajcunata jatunta llaquichircangui, chashnallatajmi cantapish llaquichinga. Can japina cashcataca, apanallatajmi cangui.

Mateo 6:14

Shujtajcuna cancunata ima mana allita rurajpi cancuna paicunata perdonajpica, jahua pachapi caj cancunapaj Yayapish cancunapaj juchacunata perdonangami.

Marcos 4:24

Cashnapishmi nirca: “Imata uyashcataca yuyaipi chariranguichij. Shujtajcunapaj allita rurajpica, ima shina rurashca shinallatajmi cancunamanca cunga. Cai nishcata yachajcunamancarin ashtahuan yallitami cunga.

Lucas 6:38

Shujtajcunaman cuichij, Taita Diospish cancunamanca jatun jatunpi tushuchishpa, llapishpa talliricujtami cunga. Cancuna ima shinami shujtajcunaman jatun jatunpi cunguichij, chashnallatajmi cancunamanpish cunga” nircami.

2 Corintios 9:6

Ashallata tarpujca, ashallatami tandanga. Achcata tarpujca, achcatami tandanga nishcata yuyarichigari.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

Apocalipsis 18:6

Chai huarmimanca pai cushca shinallataj tigrachichij. Imalla rurashcamantaca chaupihuan yallita paimanca tigrachichij. Chagrushpa calizpi ubyachishcamantaca chaupihuan yallita chagrushpa paimancarin ubyachichij.

JUECES 1:7

Adoni-bezecca cashnami nirca: “Ñaupaca ñucamari canchis chunga jatun mandajcunata paicunapaj maquicunamantapish, chaquicunamantapish mama dedocunata p'itichircani. Paicunaca ñuca micucushpa urmachishcallatami meza ucumanta japishpa micujcuna carca. Ñuca imashinami paicunata llaquichircani, chai shinallatajmari ñucatapish Diosca llaquichin” nircami. Chai q'uipaca paitaca Jerusalenman apajpimi chaipi huañurca.

JUECES 5:27

Sísara runaca Jaelpaj ñaupajpimi nanaihuan curpayaricurca. Chashna curpayarishpaca Jaelpaj ñaupajpimi urmarca. Pai urmashca pamballapitajmi huañurca.

1 SAMUEL 15:33

Samuelca Agagtaca: –Ima shinami canpish cambaj espadahuan mamacunataca huahuacuna illajta saquircangui. Chai shinallatajmi cambaj mamapish huarmicunapurapica huahua illajlla saquiringa– nishcahuanmi, Samuelca Gilgalpi Mandaj Diospaj ñaupajpi Agagtaca, mirga mirgapi p'itirca.