Biblia Todo Logo
Bìoball air-loidhne

- Sanasan -




Mateo 7:12 - Dios Rimashca Shimicunami

12 Shina cajpica, shujtajcuna cancunapaj allita rurachun nishpaca, cancunapish paicunapaj allita ruraichij. Chashnami mandashcacunapipish mandan, profetacuna huillashcapipish huillan.

Faic an caibideil Dèan lethbhreac

Mushuj Testamento Diospaj Shimi

12 Shina cajpica, ima shinami shujtajcuna cancunapaj allita rurachun munanguichij, cancunapish paicunapajca chashnallataj allita ruraichij. Mandashcapish, Dios ima nishcata huillajcuna huillashcapish chaitami yachachin.

Faic an caibideil Dèan lethbhreac




Mateo 7:12
19 Iomraidhean Croise  

Ashtahuanpish ñucata mana manchaj runa cashca cashpapish, cai tucui millaita ruracushcamanta saquirishpa, ñuca quillcachishcacunata cazushpa, ñuca nishca shina allita rurashpa, cashcata rurashpaca causangatajmi, mana huañungachu.


Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.


Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.


Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.


Mandashcacunata anchuchingapaj, profetacuna quillcashcacunata anchuchingapaj shamushca canataca ama yuyaichijchu. Ashtahuanpish chai huillashcacuna pajtachunmi shamurcani.


Ima shinami shujtajcunataca cancunapaj allita rurachun munanguichij, chashnallataj cancunapish shujtajcunapaj allita ruraichij.


Chuya shungumanta llujshishca c'uyaihuan c'uyanacushpa, ima mapata mana yuyashpa, ama nij tucujlla crijcuna cachunmi chashna mandani.


Quillcachishcapica: “Quiquin c'uyarij shinallataj shujtajcunatapish c'uyangui” nishca tucuita yalli jatun mandashcata pajtachishpatajca, allitami ruranguichij.


Lean sinn:

Sanasan


Sanasan