Mateo 7:11 - Dios Rimashca Shimicunami

¹¹ Cancunaca millaicuna cashpapish, cancunapaj huahuacunamanca imatapish allicunata cunatami yachanguichij. Jahua pachapi caj cancunapaj Yayacarin, paita mañajcunamanca ashtahuan yalli allicunatamari cunga.

Mushuj Testamento Diospaj Shimi

¹¹ Cancuna mana alli cashpapish, cancunapaj huahuacunamanca, imatapish allicunatami cunguichij. Jahua pachapi caj cancunapaj Yayacarin Paita mañajcunamanca, ashtahuan yalli allicunatamari cunga.

Mateo 7:11 Iomraidhean Croise

GÉNESIS 6:5

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

2 SAMUEL 7:19

Mandaj Jatun Dios cai tucuita rurashcaca cambajca mana achca shinami cashca. Chai jahuamari cambajta ruraj ñuca huasi ucupuracuna q'uipa punllacunapi ima shina canatapish rimashcangui. Mandaj Jatun Dioslla can rurashcaca mana runacuna rurashca shinallachu.

JOB 15:16

Millaita ruraj, mana cazuj runacarin yacuta ubyaj shinami millaita ruran.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

SALMOS 85:12

Mandaj Diosmi allicunata cunga. Ñucanchij allpacunaca alli granotami p'ucunga.

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

ISAÍAS 49:15

Shuj huarmica pai huachashca huahuataca ¿cungaringachu? Paipaj huijsamanta llujshishca huahuataca ¿manataj llaquingapaj p'iñangachari? Huahuata chai huarmi cungarijpipish ñucaca cantaca manataj cungarishachu.

ISAÍAS 63:7

Mandaj Diospaj jatun c'uyaitami yuyarisha. Mandaj Diosta alabana cashcatami yuyarisha. Mandaj Dios ñucanchijpaj ima shinalla rurashca shinallatajmi yuyarisha. Mandaj Diosca yallitaj c'uyaj cashpa israelcunapaj huahua huahuacunapaj yallitaj jatun allicunata rurashcatami yuyarisha. Pai ima shina c'uyaj cashca shina rurashcatami yuyarisha. Pai ima shina yallitaj llaquij cashca shinallatajmi yuyarisha.

JEREMÍAS 17:9

Runapaj shunguca tucui imatapish yalli, umajlla millai shungumi. Chaitaca pi mana yachai tucunchu.

JEREMÍAS 33:14

Mandaj Diosca caitapishmi nin: “Israelcunapajpish, Judá runacunapajpish ñuca imalla allicunata rurashami nishcata rurashpataj ricuchina punllacuna pajtangatajmi.

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

MALAQUÍAS 1:6

Curacuna, tucuita Mandaj Diosca cashnami nin: “Huahuaca, paipaj yayataca cazunmi. Servij runapish, paipaj amo ima mandashcata ruranmi. Ñuca cancunapaj yaya cajpica, ¿ima nishpataj mana cazunguichigari? Ñuca cancunapaj amo cajpica, ¿ima nishpataj ñuca mandashcataca mana ruranguichigari? Cancunaca ñuca shutita yangapi churashca jahuamari: ¿Ima shinataj cambaj shutitaca yangapi churarcanchigari? ninguichij.

Mateo 23:9

Cai pachapica, cancunaca pitapish ama yaya ninguichij. Cancunapaj Yayaca shujllami tiyan, paica jahua pachapimi.

Mateo 7:10

Chalhuata mañajpipish culebrata cunguichijman.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

Romanos 3:9

Shinashpaca ¿ima nishuntaj? ¿Ñucanchijca mana judiocunata yalli allichu canchij? ¡Manataj chashnachu! Judiocunapish, mana judiocunapish tucuicunami jucha ucupi nishpami ña ricuchircanchij.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

Gálatas 3:22

Ashtahuanpish Jesucristopi crijpi, Dios cusha nishcata crijcunaman cushca cachunmi, Mandashcaca jucha ucupi tucuicunata huichcarca.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

1 Juan 4:10

Mana ñucanchijchu Diostaca c'uyashcanchij, ashtahuanpish paimari ñucanchijta c'uyashpa ñucanchij juchacunamanta huañushpa juchacunata anchuchichun paipaj Churitaca cacharca. Chashnami pai c'uyashcataca ricuchishca.