Biblia Todo Logo
Bìoball air-loidhne

- Sanasan -




Mateo 6:5 - Dios Rimashca Shimicunami

5 Taita Diosta mañacushpaca, mishqui shimi jayaj shungucuna rurashca shinaca ama ruranguichij. Paicunaca runacunapi alli ricuringa raiculla mañacushcamanta sinagogacunapi, ñan muyurincunapi shayarishpa mañanatami munancuna. Chashna rurashcamantaca runacuna alli nishcallatami paicuna japina cashcataca ña japincuna. Chaica chashnatajmi.

Faic an caibideil Dèan lethbhreac

Mushuj Testamento Diospaj Shimi

5 Canca, Diosta mañacushpaca, ama chai mishqui shimi, jayaj shungucuna shina mañangui. Paicunaca, shujtajcuna ricuchun nishpallami, tandanacuna huasicunapi, ñan muyurincunapi shayarishpa Diosta mañancuna. Chashna rurashpaca, caillapitajmi japisha nishcata japincuna. Chashnatajmi tucun.

Faic an caibideil Dèan lethbhreac




Mateo 6:5
34 Iomraidhean Croise  

Ñuca Jatun Mandajlla, ñuca Dioslla, caparishpa ñuca mañashcataca uyarapangui, canllatamari mañani.


Chishipish, tutamantapish, chaupi punllapish, mañashami, caparishami. Paica ñuca caparishcata uyangami.


Mandaj Diosca, paita mana manchajcuna cushpa rupachishcataca manataj ricunachinchu. Ashtahuanpish alli runacuna mañashcataca, cushicushpami uyan.


Mandaj Diosca jatun tucushcacunataca, manataj ricunachinchu. Paicunataca manataj saquishpa llaquichingatajmi.


Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.


Chaipica ñucata mañanguichijllami. Ñucapajman shamushpa mañashcataca ñucapish uyashallami.


Chashna mandashcataca allimi, chashnataj cachun nishpa jatun mandaj firmashcata yachashpami Danielca, paipaj huasiman yaicushpaca, pai ima shina mañaj cashca shinallataj Jerusalén ladoman ricuna ventanata pascashpa, punllapi quimsa cutin paipaj Taita Diospaj ñaupajpi cungurishpa, mañashpa pagui nirca.


Tucui imatapish crishpa Diosta mañashpaca, chasquinguichijmi– nircami.


Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.


Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.


Ima jatun micuicunapipish, sinagogacunapipish puntapi tiyarinatami munancuna.


Runacunapi alli ricuringa raiculla paicunapaj ñaupajpi allita ruraj canamantaca huaquichirichij. Chai raiculla rurashpaca jahua pachapi caj cancunapaj Yayapajta japina cashcataca mana japinguichijchu.


Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.


Cancuna huajchacunaman imata cushpaca mishqui shimi jayaj shungucuna, runacunapaj ñaupajpi alli ricuringa raiculla cushpa sinagogacunapi, ñancunapi tocachij shinaca canca cambaj ñaupajpi trompetapi ama tocachingui. Chashna rurashpaca runacuna alli nishcallatami ña japincuna. Chaica chashnatajmi.


Tandajcunata cachachun, Chagrayuj amota mañaichij” nircami.


Cancuna Taita Diosta mañacushpaca, maijan cancunapaj mana allita rurashca cajpica paitaraj perdonaichij. Chashna rurajpimi, jahua pachapi caj cancunapaj Yayaca, cancunapaj juchacunatapish perdonanga.


Jesús yachachicushpaca cashnami nirca: –“Mandashcacunata quillcajcuna shinaca ama canguichijchu. Paicunaca pambata pichacujta churashpa purinatami munancuna. Plazacunapipish allillachu cangui nishca canatami munancuna.


Fariseocuna ¡aij cancunalla! Sinagogacunapipish, puntapi tiyarinatami munanguichij. Plazacunapipish, allillachu cangui nichunmi munanguichij.


Taita Diosta mañanataca mana shaicushpa tucui imapipish mañacunallami nishpa yachachingapajca, cai yuyachij parlotami Jesusca,


Ashtahuanpish impuestota japijca caruman shayarishpa, mana huichilla ricushpallapish shungupi huajtarishpami: “Taita Dioslla, ñucata llaquihuayari, juchasapamari cani” nirirca.


Paicunaca viudacunapaj huasicunatapish quichushpa millpujcunami. Alli ricuringaraicuca unitami Taita Diosta mañaj tucuncuna. Chashna rurajcunataca yallitaj jatunta llaquichishcami canga– nircami.


Aij, achcata charijcunalla, cancuna charishcahuan ña cushicucushcamanta ¡imachari tucunguichij!


Caicamaca ñuca Yayataca imata mana ñucallamantaca mañashcanguichijchu. Mañaichij chasquinguichijmi. Chashna cashpami cushicuihuantaj canguichij.


Chaipajca, punllanta Diosta mañaichij. Espíritu yuyachishca shina tucuimanta mañashpa rogaichij. Chai yuyai chaparaichij. Jucha illajcunamantapish tucuicunamanta mañaichij.


Taita Diosta mañanataca ama shaicunguichij.


Ashtahuanpish Diosca, mana c'uyaipajta c'uyaj canatami achcata cun. Chaimantami: “Diosca valishca tucujcunataca mana ricunachin. Mana jatun tucujcunamanmi mana c'uyaipajta c'uyaj canata cun” ninmi.


Lean sinn:

Sanasan


Sanasan