Mateo 6:4 - Dios Rimashca Shimicunami

⁴ Can huajchacunaman pacalla cujpica, pacallatapish ricuj cambaj Yaya can japina cashcata tucuicunapaj ñaupajpi cuchunmi chashna rurana cangui.

Mushuj Testamento Diospaj Shimi

⁴ Can chashna pacalla cushcamantaca, pacallatapish ricuj cambaj Yayami tucuicunapaj ñaupajpi allita cunga.

Mateo 6:4 Iomraidhean Croise

SALMOS 139:12

Amsapipish quiquinpajca mana pacallachu. Tutapish quiquinpajca punlla shinallatajmi. Quiquinpajca amsapish, achijpish chai shinallatajmari.

SALMOS 17:3

Canmi ñuca shungu ima shina cashcataca alli yachangui. Tutamari ricuj shamungui. Imapi pandarijta ricungapaj saquishpapish ima millaita rurajtaca mana japishcanguichu. Ñuca shimihuanca mana allitaca manataj rimashachu nishcanimi.

SALMOS 44:21

Taita Diosca ¿maitataj mana yachanman carcari? Paica shungupi pacalla cajcunatapish yachanmi.

PROVERBIOS 25:22

Can chashna rurajpica, pingarishpa llaquiringami. Mandaj Diospish canman allicunata cungami.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

JEREMÍAS 23:24

Mandaj Diosca cashnapishmi nin: “¿Pitaj ñuca mana ricunapi miticui tucungari? Ñucaca tucui jahua pachapipish, cai pachapipish jundamari cani. Mandaj Diostajmi chashna nini.

Mateo 10:42

Cai imapish mana caj shinaman ñucata caticuj cashcamanta paicunaman vaso chiri yacullatapish cujmanca, Taita Diosca pai japina cashcataca cungatajmi. Chashnatajmi canga.

Mateo 6:18

Chashna ayunashpami, can ayunacushcataca runacunamanca mana ricuchingui. Ashtahuanpish pacallapi caj cambaj Yayallami yachanga. Pacallatapish ricuj cambaj Yayami, tucuicunapaj ñaupajpi can japina cashcata cunga.

Mateo 6:3

Huajchacunaman can llaquishpa cushpaca, alli maqui imata ruracushcata, lluqui maquica ama yachachun.

Mateo 6:6

Ashtahuanpish can mañashpaca, huasiman yaicushpa, punguta huichcari. Chaipi cambaj Yayataca pacallapi mañangui. Can chashna mañashcamantaca pacallatapish ricuj cambaj Yayaca, tucuicunapaj ñaupajpimi can japina cashcata cunga.

Lucas 14:14

Paicuna mana tigrachi tucushcamantaca Taita Diosmi cantaca cushichinga. Ashtahuanpish cashcata rurajcuna causari punllapimi can cushcamantaca Taita Diosca cunga– nircami.

Lucas 8:17

Shina cajpica ima mana pacalla canapajchu. Pi mana yachashcaca mana cangachu. Tucuicunapaj ñaupajpi ricuringatajmi.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.