Mateo 6:2 - Dios Rimashca Shimicunami

² Cancuna huajchacunaman imata cushpaca mishqui shimi jayaj shungucuna, runacunapaj ñaupajpi alli ricuringa raiculla cushpa sinagogacunapi, ñancunapi tocachij shinaca canca cambaj ñaupajpi trompetapi ama tocachingui. Chashna rurashpaca runacuna alli nishcallatami ña japincuna. Chaica chashnatajmi.

Mushuj Testamento Diospaj Shimi

² Chaimanta canca, huajchacunaman imata cushpaca, ama tucuicunaman parlarishpa puringui. Mishqui shimi, jayaj shungucunallami tandanacuna huasicunapi, ñancunapi chaita parlarishpa purincuna. Paicunaca, shujtajcuna alli nichunllami chashna ruran. Paicuna chashna rurashpaca, ña caillapitajmi paicuna japisha nishcata japin, chaica chashnatajmi.

Mateo 6:2 Iomraidhean Croise

SALMOS 112:9

Paica chaupijmi, huajchacunaman cujmi. Paipaj cashcata ruraj canaca huiñaipajmi canga. Pai tucuita rurai tucuj cashcataca yallitaj jatunyachishcami canga.

SALMOS 37:21

Diosta mana rijsijcunaca, piman imata mañashcatapish mana cutichinchu. Ashtahuanpish cashcata rurajca llaquijmi imatapish cujmi.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

PROVERBIOS 20:6

Achcacunami allitami ruranchij nincuna. Shina cashpapish allita ruraipajtaj runataca ¿pitaj japingari?

ECLESIASTÉS 11:2

Canchismanpish, pusajmanpish carailla. Llajtapaj ima llaqui shamucunataca mana yachanguichu.

ISAÍAS 10:6

Mana ñucapajlla causacuj llajtata llaquichichunmi cachasha. Ñuca p'iñashcacunata llaquichichunmi cachasha. Paicuna quichushcacunata quichushpa apachunmi cachasha. Paicunatami ñanpi sirij lodota shina sarujcuna cachun churasha.

ISAÍAS 58:7

Yaricaihuan cajman cambaj micunata caraj cangapaj. Huasita mana charij puricujcunaman pozachij cangapaj. Lluchulla cajta ricushpa churachij cangapaj. Cambaj huauqui ima llaquihuan cajta ricushca jahua, ñahuita ama shujman churaj cangapaj ayunachunmi mandarcani. Chaitaca ¿manachu yuyaringui?

ISAÍAS 9:17

Tucuicunami manapish rimana cajta rimajcuna. Tucuicunami llullacuna, millaicuna. Chaimanta Jatun Diosca, chaipi causaj q'uipa huiñaicunahuanca manataj cushicunchu. Yaya mama illajcunatapish, viudacunatapish manataj llaquingachu. Tucui chaicunata rurashpapish, pai p'iñarishcaca manataj pararingachu. Paicunata llaquichingapajca maquita chutashcarajmi.

OSEAS 8:1

Ñucahuan ari ninacushcata p'aquishcamanta, ñuca mandashcacunata mana cazushpa c'ariyashcamantami Mandaj Diospaj huasi jahuamanca shuj águila shamucun. Chaitaca trompetapi tocashpa huillayari.

Mateo 15:7

¡Mishqui shimi jayaj shungucuna! Profeta Isaiasca, allimi cancunamantaca cashna nishca:

Mateo 16:3

Tutamantaman cielo pucayashca p'uyu tapashca cajpica: “Cunanca tamyangami” ninguichijmi. ¡Mishqui shimi jayaj shungucuna! Cielo ima shina cajta ricushpa, punlla ima tucunataca yachanguichijmi. Ashtahuanpish cai milagrocunaca ima punllapi cashpa ruraricushcataca mana entendi tucunguichijchu.

Mateo 22:18

Jesusca, paicuna millai shunguhuan nicujta yachashpami, cashna nirca: –Mishqui shimi jayaj shungucuna, ¿ima nishpataj ñucataca umashun nicunguichij?

Mateo 23:5

Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.

Mateo 23:6

Ima jatun micuicunapipish, sinagogacunapipish puntapi tiyarinatami munancuna.

Mateo 24:51

Chaipimi paipajta rurajtaca jatunta llaquichishca cachun, mishqui shimi jayaj shungucunahuan churanga. Chaipica jatunta huacana, quirucuna canirinami canga.

Mateo 5:18

Jahua pachapish, cai pachapish manaraj tucurijpimi mandashcacunamanta huillashcacunaca shuj puntollapish, shuj tildellapish mana chingarishpa, chashnataj pajtanga. Chaica chashnatajmi canga.

Mateo 6:16

Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.

Mateo 6:3

Huajchacunaman can llaquishpa cushpaca, alli maqui imata ruracushcata, lluqui maquica ama yachachun.

Mateo 6:5

Taita Diosta mañacushpaca, mishqui shimi jayaj shungucuna rurashca shinaca ama ruranguichij. Paicunaca runacunapi alli ricuringa raiculla mañacushcamanta sinagogacunapi, ñan muyurincunapi shayarishpa mañanatami munancuna. Chashna rurashcamantaca runacuna alli nishcallatami paicuna japina cashcataca ña japincuna. Chaica chashnatajmi.

Mateo 7:5

¡Mishqui shimi, jayaj shungu! Cambaj quiquin ñahuimanta jatun caspitaraj anchuchiyari. Chashna cashpamari, cambaj huauquipaj ñahuipi tiyacuj ujshataca alli ricushpa anchuchingui.

Marcos 12:39

Sinagogacunapi, mai jatun micuicunapipish puntapi tiyarinatami munancuna.

Marcos 7:6

Chaimi Jesusca: –¡Mishqui shimi, jayaj shungucuna! Profeta Isaiasca allimi cancunamantaca cashna nishpa quillcashca: “Cai gentecunaca ñucataca shimillahuanmi allimari cangui nincuna. Ashtahuanpish paicunapaj shunguca, ñucamanta carupimi.

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Lucas 11:43

Fariseocuna ¡aij cancunalla! Sinagogacunapipish, puntapi tiyarinatami munanguichij. Plazacunapipish, allillachu cangui nichunmi munanguichij.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 12:56

¡Mishqui shimi jayaj shungucuna! Punllacuna ima shina tucucujtaca yachanguichijmi. ¿Ima nishpataj ima punllacunapi cashcataca mana yachanguichij?

Lucas 13:15

Mandaj Jesusca cashnami nirca: –¡Mishqui shimi jayaj shungu! ¿Manachu cancunaca, cancunapaj huagrata, burrotaca samana punlla cajpipish, huatashcamanta cacharishpa, yacuta ubyachinaman pushanguichij?

Lucas 20:46

–Mandashcacunata quillcajcuna shina canamanta huaquichiringuichij. Paicunaca pambata p'ichacujta churashpa purinatami munancuna. Plazacunapipish, allillachu cangui nishca canatami munancuna. Sinagogacunapipish, mai jatun micuicunapipish puntapi tiyarinatami munancuna.

Lucas 6:24

Aij, achcata charijcunalla, cancuna charishcahuan ña cushicucushcamanta ¡imachari tucunguichij!

Lucas 6:42

Cambaj ñahuipi jatun caspi tiyacujta mana anchuchishpaca ¿ima shinataj huauquitaca: “Huauqui, cambaj ñahuipi tiyacuj ujshata shuyai llujshichisha” ninguiyari? Mishqui shimi jayaj shungu, cambaj ñahuipi tiyacuj caspitaraj llujshichiyari. Chashnami huauquipaj ñahuipi tiyacuj ujshataca alli ricushpa llujshichingui” nircami.

Juan 13:29

Judasca cullquita huaquichijmi carca. Chaimantami maijancunaca: “Fiestapaj imalla illashcata randigri”, mana cashpaca: “Huajchacunaman ashata cugri” nishpa, Jesús mandashca canata yuyarcacuna.

Juan 5:41

Runacunalla alli nichunca mana munanichu.

Juan 5:44

Caishuj chaishuj alli nishca canallatami cancunaca munanguichij. Shujlla Taita Dios alli nishca canataca mana munanguichijchu. Chashna yuyashpaca ¿ima shinataj ñucataca cri tucunguichigari?

Juan 7:18

Maijanpish paipaj quiquin yuyaillamanta huillajca, shujtajcuna paita alli nichunllami munan. Ashtahuanpish paita cachaj Yayata jatunyachichun huillacujca mana llullachu, mana ñahuita ricushpalla imatapish rurajchu.

Hechos 10:2

Paica paipaj familiandij Taita Diosta yuyarij, Taita Diosta manchaj, Taita Diosta mañaracujmi carca. Israelcunata llaquishpa achcata cujmi carca.

Hechos 10:31

cashna nirca: “Cornelio, can mañashcataca Taita Diosca uyashcami. Huajchacunaman can cushcacunatapish Taita Diosca ricushcami.

Hechos 10:4

Cornelioca manchaihuan ricurashpa: –Amito ¿imatataj nihuangui?– nijpi angelca: –Can mañashcacunapish Taita Diospajman chayashcami, can cushcacunatapish Taita Diosca ricushcami.

Hechos 11:29

Chashna cajpimi Jesusta catij Antioquiapi cajcunaca paicuna imallata cui tucushcata Judeapi causaj crijcunaman ayudashpa cachanata yuyarircacuna.

Hechos 24:17

Tauca huatacunata shujtaj llajtacunapi purishca q'uipami, Taita Diosman cushca cullquita ñuca llajtapi causajcunapaj cungapaj, ñucapish imallatapish Taita Diosman cungapaj Jerusalenman rircani.

Hechos 9:36

Jope pueblopipish Jesusta catij Tabita shuti shuj huarmimi causarca. (Tabita nishcaca griegopica, “Dorcas” nisha ninmi). Paica huajchacunata llaquishpa, imatapish cushpa, allicunata rurashpa causaj huarmimi carca.

Romanos 12:8

Maijanpish yuyachishpa cunajca, yuyachishpa cunanapi cachun. Maijanpish chaupijca, alli ricushpa chaupichun. Maijanpish mandajca, allita rurana yuyaihuan mandachun. Maijanpish llaquishpa cujca, cushicushpa cunapi cachun.

1 Corintios 13:3

Huajchacuna micuchun ñuca imalla charishcacunata tucuita chaupishpapish, ñuca cuerpota rupachichun cushpapish, c'uyaita mana charishpaca, imapish mana canichu.

Gálatas 2:10

Huajchacunata yuyarichunllami ñucanchijtaca mañarcacuna. Chaitaca, chai yuyaillami pajtachij carcani.

Efesios 4:28

Maijan shuhua cashca cashpapish, ama ashtahuan shuhuachun. Chaipaj randica, trabajachun. Ima illajlla cajcunaman chaupinata charinapaj, quiquin maquihuan imatapish allita rurachun.

1 Tesalonicenses 2:6

Runacuna alli nishca canataca cancunamantapish, shujtajcunamantapish mana mashcarcanchijchu. Cristopaj apostolcuna cashcamantaca, japinataj cashca cashpapish mana p'iñachircanchijchu.

1 Timoteo 6:18

Mana mitsacuna, imatapish cujllacuna, allicunata rurashpa chai ruranacunahuan charijcuna cachun mandangui.

Filemón 1:7

Huauqui, canca c'uyaj cashcamantami jucha illajcunapaj shungutaca achcata cushichishcangui. Chaita yachashpami ñucanchijpish achcata cushicushpa imatapish ashtahuan rurashun ninchij.

Hebreos 13:16

Shinallataj allita ruranatapish, caishuj chaishujman ayudanatapish amataj cungaringuichijchu. Chashna sacrificiocunatami Diosca munan.

1 Pedro 4:11

Maijan huillacushpaca, Diospaj shimi nishca shinalla huillachun. Maijan allita rurajca, Dios cushca poderhuan allita rurachun. Jesucristomanta Diostaca, tucuipi jatunyachishca cachun chashna ruraichij. Huiñai huiñaita jatunyachishca canapish, tucuita mandanapish paipajmi. Chashna cachun.

1 SAMUEL 15:30

Saulca: –Ñucaca juchallishcanimari. Shina cajpipish, israelcunata cunaj yuyajcunapaj ñaupajpipish, tucui israelcunapaj ñaupajpipish jatun mandaj cashca shinallatataj ñucataca alli nishpa, canta Mandaj Diosta adorangapaj ñucahuan tigrashunlla– nircami.