Mateo 6:1 - Dios Rimashca Shimicunami

¹ Runacunapi alli ricuringa raiculla paicunapaj ñaupajpi allita ruraj canamantaca huaquichirichij. Chai raiculla rurashpaca jahua pachapi caj cancunapaj Yayapajta japina cashcataca mana japinguichijchu.

Mushuj Testamento Diospaj Shimi

¹ Runacuna ricuchun nishpalla, ama ima allita ruraj tucunguichijchu. Paicuna ricuchun nishpalla rurajpica, jahua pachapi caj cancunapaj Yayaca cancunaman ima allita mana cungachu.

Mateo 6:1 Iomraidhean Croise

2 REYES 10:16

cashna nirca: –Jacu ñucahuan, ñucahuan rishpami Mandaj Diosta c'uyashcamanta paita mana cazujcunata yallitaj p'iñashpa ñuca imata rurajta cunan ricungui– nishpami, Jehuca Jonadabtaca paipaj carropi pushashpa rirca.

2 REYES 10:31

Chashna nijpipish Jehuca, israelcunata Mandaj Dios mandashcacunataca tucui shunguhuan chaita pajtachina yuyaillaca mana pajtachircachu. Jeroboam juchallishpa israelcunata juchallichishca shina juchallinatapish mana saquircachu.

SALMOS 112:9

Paica chaupijmi, huajchacunaman cujmi. Paipaj cashcata ruraj canaca huiñaipajmi canga. Pai tucuita rurai tucuj cashcataca yallitaj jatunyachishcami canga.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

DANIEL 4:27

Chaimanta jatun mandajlla ñuca cunashcata uyai: Cashcata rurashpa juchata ruracushcamantaca llujshi. Llaquichishca causacujcunata llaquishpa millaita ruracushcamantaca llujshi. Chashna rurashpaca cushi causaita, alli causaita charinguipishchari” nirca.

ZACARÍAS 13:4

Chai punllacunapica, cashnapishmi tucunga: Llulla huillajcunaca, paicuna muscuipi shina ricushcata huillacushpapish, tucuicunami pingaringacuna. Ña mana millmayuj jatun churanata churarishpa, ashtahuan llullangacunachu.

ZACARÍAS 7:5

“Cai llajtapi causajcunatapish, curacunatapish cashna ni: Cancunaca canchis chunga huatacunataca, pichca quillapi, canchis quillapi ayunashca cashpapish, huacashca cashpapish mana ñucata yuyarishpatajchu chashna rurarcanguichij.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Mateo 16:6

Jesusca: –Riquichij, fariseocunapaj, saduceocunapaj levaduramanta huaquichiringuichij– nircami.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Mateo 23:5

Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

Mateo 5:46

Cancunata c'uyajcunallata c'uyashpaca, cancuna japina cashcataca imata mana japinguichijchu. ¿Manachu impuestota japijcunapish paicunata c'uyajcunataca c'uyancuna?

Mateo 5:48

Cancunapaj jahua pacha Yaya, cashcata ruraj caj shinallataj cancunapish cashcata rurajcuna caichij.

Mateo 6:16

Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.

Mateo 6:9

Chaimanta cancunaca cashna mañanguichij: “Jahua pachapi caj ñucanchij Yaya, cambaj jucha illaj shutitaca, alli nishca cachun.

Marcos 8:15

Jesusca: –Riquichij, fariseocunapaj Herodespaj levaduramantaca huaquichiringuichij– nijpimi,

Lucas 11:35

Alli yuyaihuan cangui. Canpi tiyaj luz ñataj amsayanman.

Lucas 12:1

Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca: –Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman.

Lucas 12:15

cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.

Lucas 16:15

Chaimi Jesusca: “Cancunaca runacunapaj ñaupajllapimi, cancunallataj alli ricurishun nijcuna canguichij. Ashtahuanpish Taita Diosca, cancunapaj shungutaca yachanmi. Runacunalla alli nishcacunataca, Taita Diosca mana ricunachinchu” nircami.

Juan 12:43

Paicunaca Taita Dios alli nishca canapaj randica, runacuna alli nishca cangapajmi mana huillashun nircacuna.

Juan 5:44

Caishuj chaishuj alli nishca canallatami cancunaca munanguichij. Shujlla Taita Dios alli nishca canataca mana munanguichijchu. Chashna yuyashpaca ¿ima shinataj ñucataca cri tucunguichigari?

Hechos 3:12

Chaita ricushpami Pedroca: “Israelcuna, ¿ima nishpataj mancharishca canguichij? ¿ima nishpataj ñucanchijta ricuracunguichij? ¿Ñucanchij imatapish rurai tucuj cashcamanta, Taita Diosta cazuj cashcallamanta alliyachishcatachu yuyanguichij?

Gálatas 6:12

Maijanpish aichapi alli ricurishun nijcunami, cancunataca circuncisionta rurachichuntaj munancuna. Cristopaj cruzmanta catirashpa llaquichijpi, ama llaquita apangaraicullami chashna rurancuna.

DEUTERONOMIO 24:13

Mañachishcamanta ima prendata apashcataca manaraj inti huashicujpi tigrachinguichij. Cancuna tigrachijpimi paica chai churanahuan c'atarishpa dormishpaca cancunataca alli cashca cachun ninga. Cancuna chashna rurashpaca Mandaj Dios cancunapaj Taita Diospaj ñaupajpimi cashcata rurajcuna ricuringuichij.

Hebreos 11:26

Cristomanta mana alli nishpa rimashca canaca, Egiptopi achcata charij canatapish ashtahuan yalli alli cajpimi, chaitaca agllarca. Dios paiman cuna cashcataca ña ricuracuj shina cashpami, chaitaca agllarca.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.

Hebreos 6:10

Diosca cashcata ruraj cashcamantaca, cancunapaj rurashcacunata paipaj shutipi c'uyaihuan trabajashpa ricuchishcata, jucha illajcunapajta rurashpa cunancamapish ruracushcamantaca manataj cungaringachu.

2 Juan 1:8

Cancuna trabajashcamanta japina cashcata ñataj mana japinguichijman. Ashtahuanpish tucuitataj japingapajca alli yuyaihuan caichij.