Mateo 5:5 - Dios Rimashca Shimicunami

⁵ Manso shungucunaca, cushichishcami. Japina cashca allpataca paicunami chasquingacuna.

Mushuj Testamento Diospaj Shimi

⁵ Cushicuichij, mana jatun tucushcacuna, cancunamanmi Diosca cai pachata cunga.

Mateo 5:5 Iomraidhean Croise

SALMOS 147:6

Mandaj Diosca mana jatun tucushcacunataca jatun canapi churajmi. Millaicunataca pambacama cumurichijmi.

SALMOS 149:4

Mandaj Diosca paipaj cajcunahuanmi cushicun. Mana jatun tucushcacunata quishpichishpamari sumajyachinga.

SALMOS 22:26

Mana jatun tucushcacunaca micungacunami. Mana nijtami micungacuna. Mandaj Diosta mashcajcunaca paita alabangacunami. Paicunaca unitami causangacuna.

SALMOS 25:13

Taita Dios cushcacunapica paimi cushicunga. Paipaj huahua huahuacunami Dios cushca allpataca japinga.

SALMOS 25:9

Mana jatun tucushcacunataca, paipaj cashcata ruranapi purinatami yachachinga. Alli shungucunataca, paipaj callpanapi callpanatami yachachinga.

SALMOS 37:11

Alli shungucunami, Dios cusha nishca allpataca japingacuna. Yallitaj sumaj causaipimi cushicungacuna.

SALMOS 37:22

Mandaj Dios alli nishcacunallami Dios cusha nishca allpataca japingacuna. Ashtahuanpish Mandaj Dios mana alli nishcacunaca ñutuchishcacunami canga.

SALMOS 37:29

Cashcata rurajcunallami Dios cusha nishca llajtata japingacuna. Tucui causaipimi chai llajtapi causangacuna.

SALMOS 37:34

Mandaj Diospi shunguta churailla. Paipaj ñanpi purilla. Paica jatun canapi churangami. Pai cusha nishca allpatapish cungami. Juchayujcunata ña ñutushca cajpimi, canca ricungui.

SALMOS 37:9

Millaicunaca chingachishcami cangacuna. Ashtahuanpish Mandaj Diospi shunguta churajcunaca Dios cusha nishca llajtatami japingacuna.

SALMOS 69:32

Mana jatun tucushcacuna chaita ricushpaca cushicungacunami. Taita Diosta mashcaichij, quiquin shungupi causaita charinguichijmi.

ISAÍAS 11:4

Ashtahuanpish paica piman mana tucushpami, huajchacunataca cashcata rurashpa allichinga. Llajtapi causaj mana mitsari tucucujcunataca piman mana tucushpami allichinga. Cai pachapi causajcunataca paipaj shimimanta llujshij caspihuanmi llaquichinga. Mandaj Diosta mana rijsijcunataca paipaj shimimanta llujshij espirituhuanmi huañuchinga.

ISAÍAS 29:19

Mana jatun tucushcacunaca Mandaj Diospi cushicungapajmi tigrangacuna. Tucuicunamanta yallitaj huajchacunapish, israelcunapaj jucha illaj Diospimi cushicungacuna.

ISAÍAS 60:21

Tucui canpi causajcunami tucui paicunami cashcata rurajcuna canga. Paicunaca huiñaipajmi paicuna japina cashca allpataca japingacuna. Paicunataca ñuca cutin mushujta tarpushcacunami canga. Ñuca jatun cashcata ricuchingapaj, ñuca maquihuan rurashca chagrami.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

SOFONÍAS 2:3

Cai llajtapi causaj alli shungu runacuna, cancunaca Mandaj Dios imallata rurashcata yuyarishpa paita mashcaichigari. Cashcata ruranata mashcaichigari. Chashna cancuna allita ruranata mashcajpica, Mandaj Dios jatunta p'iñarishpa llaquichicui punllaca huaquichingapishchari.

NÚMEROS 12:3

Moisesca tucui cai pachapi causaj c'aricunamantaca, paillami yalli alli shungu carca.

Mateo 11:29

Ñucataca manso, mana jatun tucushca shungu cashcata ñuca yugota aparishpa yachaichij. Chashnami cancunapaj alma samarinata japinguichij.

Mateo 21:5

“Sionpi causajcunamanca: Cancunapaj jatun Mandajca, manso shungumi. Burropi tiyarishcami cancunapajman shamucun. Aparij burropaj huahua burropi tiyarishcami shamucun nichij” nishcami carca.

Romanos 4:13

Abrahamman, paipaj huahua huahuacunamanca cai pachata japij cachunmi, Diosca cusha nirca. Chaitaca Mandashcapi nishcata pajtachijpimi cusha mana nircachu. Ashtahuanpish crijpi justificashcamantami chashna nirca.

Gálatas 5:23

manso shungumi, quiquinllataj jarcarijpishmi. Chaicunataca, Mandashcaca mana imata ni tucunchu.

Efesios 4:2

Ama jatun tucushpa, manso shunguhuan, c'uyaimantaca caishujmanta chaishujmanta ama p'iñarishpa llaquicunata apaichijlla.

Colosenses 3:12

Dios agllashca jucha illajcuna, pai c'uyashcacuna cashcamanta shungumanta llaquij canata, cuj canata, mana jatun tucushca canata, manso shungu canata, mana p'iñarij canata churarichij.

1 Timoteo 6:11

Ashtahuanpish Taita Diospaj runalla, canca chaicunamanta anchurishpa cashcata ruranapi, Taita Dios yuyailla canapi, alli crij canapi, c'uyanapi, mana p'iñarinapi, manso shungu canapi catirai.

2 Timoteo 2:25

Can huillashcata mana allichu nijcunapish, mana llullata rijsingapaj Diosman cutirichun Dios yuyaita cuna cashca yuyaihuan manso shunguhuan yuyachingui.

Tito 3:2

Pitapish ama mana alli nishpa rimaj, p'iñanacuicunata mana munaj, ashtahuanpish c'uyanacujcuna, tucuicunahuan alli shungu cashcata ricuchichun yuyachi.

Santiago 1:21

Chaimanta millanana yuyaita, millai ruranacunatapish tucui saquishpa, Diospaj Shimita cancunaman huillashcataca alli shunguhuan chasquichij. Chaimi cancunataca quishpichi tucun.

Santiago 3:13

¿Maijantaj cancunapuramantaca yachaisapa, yuyaisapa canguichij? Yachaj, manso shungu cashcataca, alli causashpa, allicunata rurashpa ricuchingui.

1 Pedro 3:15

Chaipaj randica, cancunapaj shungupica Mandaj Taita Diosca jucha illajmi nichij. Cancunata imapajtaj Cristo yuyailla canguichij nishpa tapujpica, manso shunguhuan tucuicunaman sumajta huillangapaj allichirishca huillanalla,

1 Pedro 3:4

Chaipaj randica, ucu shungu yuyaita allichichij. Chashna cashpami mana p'iñarij alli shungu, mana ismuchij yuyaiyuj canguichij. Chaitami Diosca yallitaj munan.