Mateo 5:4 - Dios Rimashca Shimicunami

⁴ Huacajcunaca cushichishcami. Paicunami cushicuita chasquingacuna.

Mushuj Testamento Diospaj Shimi

⁴ Cushicuichij, cunan huacacujcuna, cancunataca Diosmi cushichinga.

Mateo 5:4 Iomraidhean Croise

ISAÍAS 12:1

Chai punllapica cashnami ningui: “Mandaj Dios, quiquintami cantasha. Quiquinca ñucahuan p'iñarishca p'iña cashca cashpapish, quiquin p'iñarishcaca ñami quiquinmanta anchushca. Ñucataca ñami cushichishcangui.

ISAÍAS 25:8

Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

ISAÍAS 30:19

Siónpi caj Jerusalenpi causajcunataca Jatun Dios llaquishpa, cancuna caparishpa mañashcata uyaihuan cutichishcamantaca ña manataj huacangacunachu.

ISAÍAS 35:10

Mandaj Dios quishpichishcacunaca Sionmanca cushicushpami tigrangacuna. Paicunapaj uma jahuapica manataj tucurij cushicuimi tiyanga. Paicuna cushicuihuan yallitaj cushicuihuan cajpica llaquipish, aij nicunapish miticushpami ringa.

ISAÍAS 57:18

Paicuna ima shinalla ruracujta ima shinalla puricujta ricunimi. Chashna cajpipish ñallami alliyachisha. Ñallami michisha. Paimanpish, paihuan llaquilla cajcunamanpish cushicuita cushami.

ISAÍAS 66:10

Jerusalenhuan cushicuichigari. Tucui paita c'uyajcuna paihuan cushicuichigari. Pai llaquilla cajpi llaquihuan cajcunaca paihuan cushicuihuan junda tucuichigari.

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

EZEQUIEL 7:16

Chai tucui llaquicunamanta quishpirishpa saquirijcunaca, pugru pambapi causaj palomacuna shinami urcucunapi miticugringacuna. Paicunaca millaita rurashcamantami, tucuicunallataj huacashpa ringacuna.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Lucas 16:25

Ashtahuanpish Abrahamca: “Huahua, yuyariyari, canca causaipirajmi cambaj charishcacunahuan sumajta cushicurcangui. Lazaroca causaipica llaquitami aparca. Paica cunanca caipimi cushicucun. Ashtahuanpish canca llaquitami apacungui.

Lucas 6:21

Cunan yaricaihuan cajcunaca, cushichishcami canguichij. Mana nijtami micunguichij. Cunan huacacujcunaca, cushichishcami canguichij, yallitajmi asinguichij.

Lucas 6:25

Aij, cunan mana nijta micucujcunalla q'uipataca yaricaihuan ¡imachari tucunguichij! ¡Aij, cunan asicujcunalla! Q'uipataca achcata llaquirishpami huacanguichij.

Lucas 7:38

Paica Jesuspaj huasha ladota shamushpami paipaj chaquiman cumurishpa achcata huacashpa chaquipi huiquita shutuchi callarirca. Chaitaca paipaj ajchahuan chaquichishpami, chaquita muchashpa pai apashca mishquijllata ashnacujtapish Jesuspaj chaquipi tallirca.

Lucas 7:50

Ashtahuanpish Jesusca chai huarmitaca: –Canca crishcamantami quishpichishca cangui, sumajta causagrilla– nirca.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Apocalipsis 21:4

Diosca paicunapaj ñahuicunamantaca, tucui huiquitami p'ichanga. Ñaupa tucui imalla tiyajcunaca, ña mana tiyashcamanta huañuipish, huacaipish, llaquipish, nanaipish ña mana ashtahuan tiyangachu” nircami.