Mateo 5:3 - Dios Rimashca Shimicunami

³ Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Mushuj Testamento Diospaj Shimi

³ «Cushicuichij, huajcha shunguhuan Diosta mashcajcuna, jahua pacha Dios mandacunca cancunapajmi.

Mateo 5:3 Iomraidhean Croise

2 CRÓNICAS 33:12

Shina cashpapish llaquita apacushpaca, Manasesca paipaj ñaupa yayacunapaj Diospaj ñaupajpica tucui shunguhuanmi llaquirirca. Chashna llaquirishpami Mandaj Diostaca mañarca.

2 CRÓNICAS 33:19

Taita Diosta pai mañajpi cutichishcapish, Diosta mana cazushpa paimanta anchurishpa millaita rurashpa causashcapish, Dios ima nishcata paiman huillajcuna quillcashcapimi tiyacun. Shinallataj Diospaj ñaupajpi manaraj llaquirishpa, maillapi Asera huarmi diosman rijchajcunata churashcapish, shujtaj dioscunata rurashcapish, lomacunapi altarcunata rurashcapish ima tucunata huillajcuna quillcashcallapitajmi tiyacun.

2 CRÓNICAS 33:23

Chashna rurashpapish, Mandaj Diospaj ñaupajpi paipaj yaya Manasés llaquirishca shinaca, mana llaquirircachu. Ashtahuanpish ashtahuan millaita rurashpami causarca.

2 CRÓNICAS 34:27

Cai llajtatapish, cai llajtapi causajcunatapish, ñuca llaquichina cashcata chai quillcapi huillacushcata uyashpaca, shungu p'aquirishpami ñuca ñaupajpi llaquirircangui. Chashna llaquirishpami tucui shunguhuan chaipi cambaj yuyaita churashpami ñuca ñaupajpica cumurircangui. Chashna llaquirishpami ñucallata cazuna yuyai tucurcangui. Shinallataj can churarishcata lliquirishpami ñuca ñaupajpi cumurishcata ricuchingui. Can chashna llaquirishcataca uyanimi ninmi Mandaj Diosca.

2 CRÓNICAS 7:14

Ñuca agllashcacunamanmi ñuca shutita apachun curcani. Ñuca chai llaquicunata cachashpa llaquichijpica, paicuna mana allita ruracushcata saquishpa tucui shunguhuan nanarishpa ñucata yuyarishpa mañajpica, jahua pachamanta uyashami. Paicunapaj juchacunata perdonashami. Shinallataj paicunapaj allpapi tucui imapish mirachun bendiciashami.

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

SALMOS 1:1

Millaicuna cunashca ñanpi mana purij, juchayujcunapaj ñanpi mana purij, Diosta chanzata rurajcunapaj tiyarinapi mana tiyarijca cushichishcami.

SALMOS 112:1

Mandaj Diosta manchaj runaca cushichishcami. Pai mandashcacunapimi jatunta cushicun.

SALMOS 128:1

Tucui maijanpish Mandaj Diosta manchajca cushichishcami. Pai yachachishca shina causajca cushichishcami.

SALMOS 146:5

Jacobpaj Taita Dios ayudashca runaca cushichishcami. Paica Mandaj Taita Diospimi shunguta churan.

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 34:18

Mandaj Diosca shungupi llaquilla cajcunapaj c'uchullapimi. Espiritupi llaquilla cajcunata quishpichinmi.

SALMOS 41:1

Huajcha runa yuyailla cajca cushichishcami. Paitaca llaqui punllapica Mandaj Diosmi llaquimanta llujshichinga.

SALMOS 51:17

Taita Diosman animalta cushpa rupachina shinaca, shungu p'aquirishca paiman c'uchuyanami. Taita Dioslla, shungu llaquirishca, mana jatun tucushca quiquinpajman c'uchuyajpica mana yanganchinguichu.

SALMOS 84:12

Tucuita Mandaj Taita Dioslla, quiquinpi shunguta churajcunaca cushijllamari.

PROVERBIOS 16:19

Jatun tucushcacunapura tucushpa, imatapish paicunahuan chaupinacunapaj randica, mana jatun tucushcacunahuan apanacuj alli shungu canamari alli.

PROVERBIOS 29:23

Jatun tucujtaca, chaillataj pingaipi churanllami. Ashtahuanpish mana jatun tucushca runataca, pai alli cashcallatajmi huaquichin.

PROVERBIOS 8:32

Chaimanta cunanca ñucata uyahuaichij, huahuacuna. Ñuca ñanta catijcunaca cushicushpami causancuna.

ISAÍAS 30:18

Shina cajpipish Mandaj Diosca cancunata llaquingapaj shuyacunmi. Paica cancunata chashna llaquishpaca c'uyaj cashcatami ricuchinga. Mandaj Diosca cashcata ruraj Diosmi. Paipi shunguta churajcunaca tucuicunami cushichishca canga.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Mateo 11:6

Maijanpish ñucapi mana ñitcarijca cushichishcami canga– nircami.

Mateo 13:16

Ashtahuanpish cancunapaj ñahuica ricuj cashcamanta, cancunapaj rinrinca uyaj cashcamanta cushichishcami canguichij.

Mateo 19:14

Chaimi Jesusca: –Huahuacuna ñucapajman shamuchun saquichij, ama jarcaichijchu. Cai huahuacuna shina tucujcunatami jahua pacha Diosca mandacun– nircami.

Mateo 24:46

Chashna ruracujpi paipaj amo shamushpaca paipajta rurajtaca cushichingami.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 8:11

Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Marcos 10:14

Chaita Jesús ricushpaca, p'iñarishpami: –Huahuacuna ñucapajman shamuchun saquichij, ama jarcaichijchu. Cai huahuacuna shina cajcunami jahua pacha Taita Dios mandacujpica yaicunga.

Lucas 11:28

Shina nijpi Jesusca: –¡Diospaj Shimita uyashpa cazujcunami, ashtahuan cushichishcacuna!– nirca.

Lucas 18:14

Cancunaman huillanimi: Impuestota japij runarajmi huasimanca Taita Dios alli nishca tigrarca. Fariseo mañashcataca mana chasquircachu. Maijanpish jatunmi cani nirijtaca, pingachishcami canga. Mana jatun tucujtaca, jatunyachishcami canga” nircami.

Lucas 22:29

Chaimantami ñuca Yaya mandanata ñucaman cushca shinallataj, ñucapish cancunamanca mandanata cuni.

Lucas 22:30

Chashna cujpimi ñuca mandacujpica, ñucahuan micunguichij, ubyanguichij. Cancunaca mandangapaj tiyarinapi tiyarishpami, chunga ishqui Israel aillucunata paicuna imalla rurashcata ricuchinguichij– nircami.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Juan 20:29

Chaimi Jesusca: –Tomás, ñucataca ricushcallamantami canca cringui. Ñucata mana ricushpapish crijcunaca, cushichishcacunami– nirca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

Santiago 1:10

Maijanpish achcata charijca, Dios quichujpica cushicuchun. Pai charij canaca q'uihua sisa chaquirij shinami tucunga.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.

Apocalipsis 3:17

Canca: Achcatami charini, achcatami charijyashcani ima illaj mana canichu niricunguimi. Ashtahuanpish canca llaqui tucujlla, llaquinayaj, huajcha, mana ricuj, lluchulla cashcataca mana yachanguichu.