Mateo 5:12 - Dios Rimashca Shimicunami

¹² Chashna rurajpipish jatunta cushicushpa contentarichij. Cancuna jahua pachapi japina cashcaca tucuita yalli jatunmari. Cancunapaj ñaupa shamuj profetacunatapish, chashnallatajmi llaquichircacuna.

Mushuj Testamento Diospaj Shimi

¹² Mai jatunta cushicuichij, Diosmi cancunamanca, jahua pachapi jatun allicunata cunga. Cancunapaj ñaupapish, Dios ima nishcata huillajcunataca chashnallatajmi llaquichircacuna.

Mateo 5:12 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

1 REYES 18:13

Mandaj Diospaj profetacunata Jezabel huañuchicujpi, ñuca imallata rurashcataca can ñuca amomanca ¿manachari huillarcacunari? Mandaj Diospaj patsaj profetacunataca ñucamari pichca chungataca shuj jutcupi, caishuj pichca chungataca shujtaj jutcupi pacashpa, micunatapish cararcani, yacutapish curcani.

1 REYES 18:4

Mandaj Diospaj profetacunata Jezabel huarmi huañuchicujpica, Abdiasca patsaj profetacunata japishpami pichca chungataca shuj jutcupi, caishuj pichca chungataca shujtaj jutcupi pacashpa, micunatapish cararca. Yacutapish curca.

1 REYES 19:2

Chaimi Jezabelca, Eliasta cashna nichun shuj huillajta cacharca: “Can chai profetacunata huañuchishca shinallataj cantapish ñuca mana caya cai horaspaj huañuchijpica, ñucataca ñuca dioscuna jatunta llaquichichun” ninmi nichunmi cacharca.

1 REYES 21:20

Acabca Eliastaca: –Ñucata p'iñaj runamari ñucata caipi japinaman shamushcangui– nijpimi Eliasca: –C'aturij shina Mandaj Diospaj ñaupajpi millaita ruracujpimari canhuan tupaj shamuni.

1 REYES 22:8

Josafat chashna nijpimi, israelcunata jatun mandajca: –Imlapaj churi Micaías profeta tiyanrajmi, paitapish Mandaj Dios imata nishcata tapuchinchijmanchari. Paica shuj cutinllapish ima allita manamari huillanchu, ashtahuanpish llaquillatamari huillan. Chaimantami paitaca p'iñani– nijpi Josafatca: –Jatun mandaj ama chashna rimaichu– nirca.

2 REYES 1:9

Chashna nishcahuanmi pichca chunga soldadocunata mandaj shuj soldadotaca, pai mandacun soldadocunandij Eliaspajman cacharca. Paicuna Eliaspajman huichiyanapajca, Eliasca shuj urcu jahuapimi tiyacurca. Chaipimi soldadocunata mandajca: –Diospaj runa, jatun mandajca cantaca uriyamuchun ninmi– nirca.

2 CRÓNICAS 16:10

Chashna nijpica yallitaj p'iñarishpami, Asaca Dios ricuchishcata huillajtaca carcelpi churarca. Asaca chai huatacunaca, Judapi causajcunataca taucacunatami llaquichirca.

2 CRÓNICAS 36:16

Chashna huillajpipish paicunaca, Dios cachashca huillajcunataca asircacunami. Paipaj shimicunata p'iñashpami, pai ima nishcata huillajcunataca chanzata rurashpa asircacuna. Mandaj Diosca, pai agllashcacuna chashna rurashpa yallitaj p'iñachijpimi, mana jarcai tucuipajta p'iñarishpa llaquichirca.

NEHEMÍAS 9:26

Ashtahuanpish paicunaca Diosta mana cazushpami colerachircacuna. Diostaca c'ariyarcacunami. Dios mandashcacunata saquishpami huashata ricuchircacuna. Diospajman cutirichij nishpa huillaj profetacunatapish huañuchircacunami. Chashnami yallitaj millananacunata rurarcacuna.

SALMOS 19:11

Cambajta rurajca chai shimicunahuan cunashcapishmi cani. Chaicunata cazujpajca, sumaj japinami tiyan.

SALMOS 58:11

Chaimi gentecunaca: “Cashcata rurajpajca japinaca tiyashcatajmi. Cai pachapi imalla rurashcacunata ricuchij Taita Diosca tiyashcatajmi” ningacuna.

PROVERBIOS 11:18

Diosta mana manchaj runaca, umarishpami causan. Ashtahuanpish allita tarpucujca, mana tucurij allicunatami japinga.

ISAÍAS 3:10

Cashcata rurajtaca tucui imapipish allimi ringui ni. Quiquin maquihuan rurashcatami micunga.

JEREMÍAS 2:30

Ñucaca yangamari cancunapaj huahuacunataca macashpa llaquichishcani. Manamari alli tucunguichijchu. Cancunapaj espadacunahuanmari ñuca ima nishcata cancunaman huillajcunataca, jatun p'iña león shina tucuchircanguichij.

JEREMÍAS 26:8

Mandaj Dios tucui chaipi cajcunaman imallata huillachun cachashcataca, Jeremías huillajpica, curacunapish, huillajcunapish, tucui chaipi cajcunapishmi paita japircacuna. Chaimantaca tucuicuna huaicashpami, cashna nircacuna: “Huañunami cangui.

JEREMÍAS 37:14

Irías japijpica Jeremiasca: –Pandatami yuyangui, manapish caldeocunapajman ricunichu– nircami. Shina nijpipish Iriasca mana uyashpami, Jeremiastaca mandajcunapaj ñaupajman aparca.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Mateo 6:16

Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Lucas 6:23

Chai punllacunapica, yallitajmi cushicunguichij. Cancuna jahua pachapi japina cashcaca, tucuita yalli jatunmari. Paicunapaj ñaupa yayacunapish, profetacunata chashnallataj llaquichijcunami carca.

Lucas 6:35

Ashtahuanpish cancunata p'iñajcunata c'uyashpa, paicunapaj allita ruraichij. Imata mañachishpaca chaimanta imata japinataca ama yuyaichijchu. Cancuna japinaca tucuimanta alli jatunmi. Jahua pachapi caj Taita Diospaj huahuacunami canguichij. Taita Diosca mana pagui nijcunatapish, mana allicunatapish llaquijmi.

Hechos 16:25

Ashtahuanpish Pabloca Silasndijmi chaupi tutataca Taita Diosta mañashpa cantacurcacuna. Chaipi caj shujtaj prezucunapish chaitaca uyacurcacunami.

Hechos 5:41

Paicunaca mandajcunapuralla tandanacushcacunapaj ñaupajmantaca, Jesucristomanta llaquita apajcunatajmi cashcanchij nishpami cushicushpa llujshircacuna.

Romanos 5:3

Mana chaillachu, ashtahuanpish llaquicunapipishmi cushicucunchij. Llaquicunaca mana p'iñarijta ruraj cashcatami yachanchij.

1 Corintios 3:8

Tarpujpish, yacuta churajpish chai shinallatajmi. Shina cashpapish cada quiquin imata rurashca shinallatajmi japinga.

2 Corintios 4:17

Cunan caipi tucurijlla llaquicunata apanaca, tucuimanta yalli valij huiñai causayuj cashcatami ricuchicun.

Filipenses 1:29

Cancunamanca Cristota crinallataca mana curcachu. Ashtahuanpish paimanta llaquita apanatapishmi curca.

Filipenses 2:17

Cancuna crishcamantaca, ñuca sacrificacushca jahuapi, ñucata huañuchina cajpipish, tucui cancunahuanmi cushicuna shinataj cushicuni.

Colosenses 1:24

Ñucaca, cancunamanta llaquita apacushpapish, cunanca cushicunimi. Chashna rurashpami Cristo paipaj cuerpo caj tandanacushca crijcunamanta, llaquita apashca shinallataj ñucapish ñuca cuerpopi paimanta llaquita apashpa pajtachicuni.

Colosenses 3:24

Chashna rurashcamantaca Mandaj Jesús cushca herenciata chasquina cashcataca yachanguichijmi. Cancunapaj Mandaj Jesusca Cristomi paipajtami ruracunguichij.

1 Tesalonicenses 2:15

Chaicunallatajmi Mandaj Jesustapish, paicunapaj quiquin profetacunatapish huañuchircacuna. Ñucanchijtapish llujshichishpami cacharcacuna. Taita Diostaca mana cushichincunachu, tucui runacunatapish jarcancunami.

Hebreos 10:34

Cancunaca prezu cajcunatapish, llaquijcunami carcanguichij. Cancunapaj imalla charishcacunata quichujpipish, jahua pachapi mana tucurij charinacunata charishcamantaca cushicurcanguichijmi.

Hebreos 11:26

Cristomanta mana alli nishpa rimashca canaca, Egiptopi achcata charij canatapish ashtahuan yalli alli cajpimi, chaitaca agllarca. Dios paiman cuna cashcataca ña ricuracuj shina cashpami, chaitaca agllarca.

Hebreos 11:33

Paicunaca macanacushpa mishanata crishpami llajtacunata quichushpa cashcata rurashpa mandarcacuna. Dios cusha nishcacunatapish japircacunami, leoncunapaj shimicunatapish huichcarcami.

Hebreos 11:6

Ashtahuanpish mana crishpaca, Dios munashcataca ima shina mana rurai tucuipajmi. Diospajman maijanpish c'uchuyangapajca pai tiyashcatapish crina, paita mashcajcunamanca ima illashcata cuj cashcatapishmi crinataj can.

Santiago 1:2

Ñuca huauquicunalla, ch'ican ch'ican llaquicunahuan cashpapish, ucu shungumanta cushicuichij.

Santiago 5:10

Ñuca huauquicunalla, Jatun Diospaj shutimanta huillaj profetacuna mana p'iñarishpa llaquita apashca shinallataj, chaita ricushpa llaquita apaichijlla.

1 Pedro 4:13

Chaipaj randica, Cristo apashca shinallataj llaquicunata apacushcata yuyarishpa cushicuichigari. Chashna llaquita apashcamantaca pai achij nicuj sumaj shamujpica, cancunaca jatuntami cushicunguichij.

RUT 2:12

Can chashna allicunata rurashcamantaca, Mandaj Diosmi canmanca allicunata cunga. Israelcunata Mandaj Dios paipaj alas ucupi canta huaquichichunmi mashcaj shamushcangui. Paimi tucui imalla cuna cashcataca cunga– nirca.