Mateo 5:10 - Dios Rimashca Shimicunami

¹⁰ Cashcata ruraj cashcamanta llaquichina yuyailla llaquichishcacunaca cushichishcami. Jahua pachamanta mandanaca ñami paicunapi mandacun.

Mushuj Testamento Diospaj Shimi

¹⁰ Cushicuichij, cashcata ruraj cashcamanta, llaquichishca causacujcuna. Jahua pacha Dios mandanaca cancunapajmi.

Mateo 5:10 Iomraidhean Croise

SALMOS 37:12

Millaicunaca cashcata rurajcunata llaquichinallatami yuyarinacuncuna. Manchanayajta cashturishpami p'iñancuna.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

Mateo 10:23

Shuj pueblopi cancunata llaquichina yuyailla llaquichijpica, shujtaj pueblopi miticugringuichij. Israelpi tiyaj tucui pueblocunapica, Runa Aichayuj tigramungacama manaraj tucui huillanguichijchu. Chashnatajmi canga.

Mateo 19:14

Chaimi Jesusca: –Huahuacuna ñucapajman shamuchun saquichij, ama jarcaichijchu. Cai huahuacuna shina tucujcunatami jahua pacha Diosca mandacun– nircami.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Marcos 10:14

Chaita Jesús ricushpaca, p'iñarishpami: –Huahuacuna ñucapajman shamuchun saquichij, ama jarcaichijchu. Cai huahuacuna shina cajcunami jahua pacha Taita Dios mandacujpica yaicunga.

Marcos 10:30

ñucata caticushcamanta catirashpa llaquichicujpipish, cunan punllacunapi chasquinataca patsaj cutihuanmi huasicunata, huauquicunata, panicunata, mamacunata, huahuacunata, allpacunatapish chasquinga. Shinallataj shamuj punllapicarin, huiñai causaitami chasquinga.

Lucas 21:12

Manaraj chashna tucujpica, cancunataca prezu apangacunami. Catirashpa llaquichingacunami. Sinagogacunaman, carcelcunamanpishmi apangacuna. Ñucata caticushcamantaca jatun mandajcunapajman, llajtata mandajcunapajmanpishmi apangacuna.

Lucas 22:29

Chaimantami ñuca Yaya mandanata ñucaman cushca shinallataj, ñucapish cancunamanca mandanata cuni.

Lucas 6:20

Jesusca, paipaj yachacujcunata ricushpaca cashnami nirca: “Huajchacunaca, cushichishcami canguichij. Taita Dios mandagrinca cancunapajmi.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Hechos 5:40

Gamaliel chashna nishcaca paicunapaj yuyaipica alli yuyachijpimi tucuicuna alli nircacuna. Chaimi apostolcunata cutin cayashpa macashpaca: –Chai Jesusmantaca cutinca ña amataj huillanguichijchu– nishpa mandashpaca cacharishpa cacharcallacunami.

Hechos 8:1

Sauloca, Estebanta huañuchijta ricushpaca allimi nircami. Chai punllacunallatajmi, Jerusalenpi caj tandanacushca crijcunataca llaquichina yuyailla tucushpa jatunta llaquichi callarircacuna. Chaimi tandanacushca crijcunaca tucuicuna caita chaita miticushpa Judea, Samaria llajtacunata rircacuna. Apostolcunallami mana maiman rircacuna.

2 Corintios 4:17

Cunan caipi tucurijlla llaquicunata apanaca, tucuimanta yalli valij huiñai causayuj cashcatami ricuchicun.

Filipenses 1:28

Jarcajcuna manchachichunca, ama saquinguichijchu. Chashna rurashpaca, paicuna chingarinaman ricushcata, cancunaca quishpichishca cashcatami ricuchicunguichij. Chaica Diosmantami shamun.

2 Timoteo 2:12

Llaquicunatapish apashpaca, paihuanmi mandashun. Paita mana rijsinchijchu nijpica, paipish ñucanchijtaca mana rijsinichu ningami.

2 Timoteo 3:11

ñucata shinallataj catirashpa llaquichishca, ñuca shinallataj llaquita apajmi cangui. Antioquiapi, Iconiopi, Listrapi llaquicunata ñuca apashca shinallatajmi apaj cangui. Tucui chaicunamantaca ñucataca Mandaj Jesusmi quishpichirca.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Santiago 5:11

Ñucanchijca llaquita apajcunataca, cushichishcacunami ninchijmi: Job llaquita apashcataca uyashcanguichijmi. Llaquita apashca q'uipa, Jatun Dios imata cushcatapish ricushcanguichijmi. Jatun Diosca yallitaj llaquij, mana p'iñarijmi.

1 Juan 3:12

Ama Caín shina cashunchij. Paica diablopaj cashpami, paipaj huauquitaca huañuchirca. ¿Imamantataj huañuchirca? Pai rurashcacunaca millai cajpi, huauquipaj rurashcacunaca alli cajpimi huañuchirca.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!