Mateo 4:9 - Dios Rimashca Shimicunami

⁹ cashna nirca: –Ñucata cungurishpa adorajpica, tucui caicunatami cusha– nirca.

Mushuj Testamento Diospaj Shimi

⁹ Chaicunata ricuchishpaca: —Pambaman cumurishpa ñucata adorajpica, tucui caicunatami canman cusha— nircami.

Mateo 4:9 Iomraidhean Croise

SALMOS 72:11

Tucui jatun mandajcunami paipaj ñaupajpi cumuringacuna. Tucui llajtacunami paipajta rurangacuna.

PROVERBIOS 8:15

Ñucamantami jatun mandajcunapish, llajtacunata mandacuncuna. Ñucamantami mandajcunapish imatapish cashcata rurashpa allichincuna.

DANIEL 4:32

Gentecunapuramanta anchuchishpa animalcunahuan chagrutami churanga. Paicunahuanmi causangui. Huagrata shinami michingacuna. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacama canchis huatacunacamami chashna causangui” nircami.

Mateo 26:15

“Jesusta huañuchichun ñuca entregajpica ¿imatataj cusha ninguichij?” nijpi paicunaca, quimsa chunga cullquitami cushun nishpa curcacuna.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

1 Timoteo 3:6

Cunanlla crijca ama cachun. Ñataj jatun tucushpa, diablo urmashca shina urmanman.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.