Mateo 4:2 - Dios Rimashca Shimicunami

² Chuscu chunga punllacunata, chuscu chunga tutacunata ayunashca q'uipaca yaricachircami.

Mushuj Testamento Diospaj Shimi

² Chaipica Jesusca, chuscu chunga punlla, chuscu chunga tutata ayunashpami, yaricaihuan carca.

Mateo 4:2 Iomraidhean Croise

1 REYES 19:8

Shina nijpi jatarishpaca micurcami, yacutapish ubyarcami. Chai micunata micushpaca fuerzayuj tucushpami, chuscu chunga punllacunata, chuscu chunga tutacunata purishpa Diospajlla caj Horeb urcuman chayarca.

ÉXODO 24:18

Moisesca p'uyu chaupita yaicushpami, chai urcuman huichiyarca. Moisesca chai urcupica chuscu chunga punllacunata, chuscu chunga tutacunatami carca.

ÉXODO 34:28

Moisesca chuscu chunga punllata, chuscu chunga tutatami Mandaj Dioshuan chaipi carca. Chai punllacunapica mana micurcachu, yacutapish mana ubyarcachu. Tablajlla rumicunapimi Dioshuan ari ninacushca chunga mandashcacunata quillcarca.

Mateo 21:18

Cayandij tutamanta Jerusalenman tigracushpa yaricachishpami Jesusca,

Mateo 25:35

Cancunaca ñuca yaricaihuan cajpipish, cararcanguichijmi. Ñuca yacunaihuan cajpipish, yacuta curcanguichijmi. Shujtaj llajtamanta shamushpa ñuca puricujpipish, chasquircanguichijmi.

Mateo 25:42

Cancunaca ñuca yaricaihuan cajpipish, mana cararcanguichijchu. Ñuca yacunaihuan cajpipish, mana curcanguichijchu.

Marcos 11:12

Cayandij punlla Betaniamanta llujshishpa ricushpami Jesusca yaricachirca.

Lucas 4:2

Chaipica chuscu chunga punllacunatami carca. Chai punllacunapimi, diabloca pandachisha nirca. Chuscu chunga punllacunata imata mana micushca cashpami Jesusca yaricachirca.

Juan 4:6

Chai allpapica Jacobpaj pugyumi tiyarca. Jesusca shaicuita shamushcamantami chai pugyu c'uchupi tiyarirca. Ña chaupi punlla shinami carca.

DEUTERONOMIO 18:18

Paicunapaj huauquicunapuramanta ñuca ima nishcata huillajtami jatarichisha. Paica can shinallatajmi canga. Ñuca shimicunataca paipaj shimipimi churasha. Tucui ñuca imata mandashcatami paica huillanga.

DEUTERONOMIO 9:18

Chai q'uipaca ñaupaman rurashca shinallatajmi chuscu chunga punllata, chuscu chunga tutata micunata mana micushpa yacuta mana ubyashpa Mandaj Diospaj ñaupajpi cungurishpa mañarcani. Mandaj Diospaj ñaupajpi millaita rurashpa, paita p'iñachishpa cancuna juchallishcamantami chashna mañarcani.

DEUTERONOMIO 9:25

Ñucaca Mandaj Diospaj ñaupajpimi cungurircani. Mandaj Dios cancunata chingachisha nijpimi chuscu chunga punllata, chuscu chunga tutata chashna cungurircani.

DEUTERONOMIO 9:9

Cancunaca Mandaj Dios cancunahuan ari ninacushcata quillcashca tablajlla ishqui rumicunata chasquingapaj chai urcuman ñuca huichiyajpimari chashna tucushca carcanguichij. Chaipica micunata mana micushpa, yacuta mana ubyashpami, ñucaca chuscu chunga punllata chuscu chunga tutata carcani.