Mateo 4:16 - Dios Rimashca Shimicunami

¹⁶ Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Mushuj Testamento Diospaj Shimi

¹⁶ Amsapi shina canpi causajcunami, achij luzta ricurcacuna. Huañuna manchaihuan amsapi causacuj llajtapimi, luz shamushpa achijyachirca» nishcami.

Mateo 4:16 Iomraidhean Croise

JOB 10:22

Imapish mana allichishca tiyaj, huañuna amsa pachaman, chaipi tiyaj achijpish manchanana amsallataj caj pachamanca amaraj cachahuaichu nircami.

JOB 3:5

Huañuna amsa tucushpa, mana alli punlla cajpichari. Llandulla punllapi shina yana p'uyu tapashpa, manchanana amsata rurajpichari.

JOB 34:22

Millaita rurajcuna miticurinapajca, manchanana amsapish, huañuna amsapish mana tiyanchu.

SALMOS 44:19

¿Ima nishpataj chacalcuna causanaman shitanguiyari? ¿Ima nishpataj huañunalla amsahuan tapanguiyari?

ISAÍAS 9:1

Cunan llaquihuan cajcunaca mana chashna amsallapitajca causacungallacunachu. Zabulón llajtata, Neftalí llajtata punta cutin llaquichicui punllacunapi llaquichishca shinaca mana llaquichicungallachu. Ashtahuanpish Jordán yacu ladopi caj mama cuchaman rina ñanpi causajcunapaj, Diosta mana rijsijcunapajca Galilea llajtapica jatun cushicuimi tiyanga.

ISAÍAS 9:2

Amsapi purijcunaca jatun luztami ricurcacuna. Huañunalla amsapi cajcunataca luzmi lamyachirca.

JEREMÍAS 13:16

Cancunata Mandaj Diosca punllata amsayachigrinca, jatun urcucunahuanmari tsagmarigrinchij. Achijman llujshichichunmi cancunaca shuyacurcanguichij. Chaita ruranapaj randica, huañuna jatun amsa llaquipimari churanga. Amaraj chashna rurajpi, paitaca jatunyachichigari.

AMÓS 5:8

Pléyades, Orión shuti luzerocunatapish ruraj Diosta mashcaichij. Paica tutatapish achijyachinmi, punllatapish tutayachinmi. Paica mama cucha yacutapish mandajmi, paica chai yacutaca allpa jahuapi tsirapajmi. Paica Mandaj Dios shutimi.

MIQUEAS 7:8

Ñucata p'iñajlla, ñuca llaqui tucushcamantaca ama cushicuichu. Urmashpapish jatarishallami. Amsapi causacujpipish, Mandaj Diosmari nina shina ñucataca achijyachinga.

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.