Mateo 4:10 - Dios Rimashca Shimicunami

¹⁰ Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Mushuj Testamento Diospaj Shimi

¹⁰ Shina nijpimi, Jesusca cashna nirca: —Satanás, caimanta anchui, Dios Quillcachishcapica: “Canta Mandaj Diosllata cungurishpa adorangui, Pai munashcallata rurangui” ninmi— nircami.

Mateo 4:10 Iomraidhean Croise

1 CRÓNICAS 21:1

Satanasca israelcunata p'iñashpa jatarishpami, Davidmanca israelcuna mashna cashcata yupana yuyaita curca.

JOB 1:12

Shina nijpimi Mandaj Diosca, Satanastaca cashna nirca: –Riqui, pai imalla charishcacunaca cambaj maquipimi, ashtahuanpish paillata ama cambaj maquihuan tuparingui– nijpi Satanasca, Mandaj Diospaj ñaupajmanta llujshishpa rircallami.

JOB 1:6

Shuj punllami, Mandaj Diospaj churicuna pai Diospaj ñaupajpi ricurinaman shamujpica, Satanaspish paicunahuan shamurca.

JOB 2:1

Shujtaj punllami, Mandaj Diospaj churicunaca, pai Diospaj ñaupajpi ricurinaman shamurcacuna. Chai punllapish Satanasca paicunahuan shamushpami, Mandaj Diospaj ñaupajpi ricurirca.

SALMOS 109:6

Paipaj jahuapica Diosta mana rijsij runata churahuai. Paipaj alli maqui ladomanca Satanás cashca cachun.

ÉXODO 23:25

Mandaj cancunapaj Diospajta ruranguichij. Paimi cambaj micunatapish, yacutapish alli cashca cachun ninga. Cancunamantaca ñucami tucui ima ungüicunatapish anchuchisha.

ISAÍAS 30:22

Chashna cashpami labrashpa rurashca dioscunata cullquihuan llihuishcacunatapish, labrashpa rurashca diostajllacunata curihuan llihuishcacunatapish mapa cashcata yuyanguichij. Millanana mapa llachapata shina anchuchishpaca: “¡Caimanta llujshi!” ninguichijmi.

Mateo 16:23

Ashtahuanpish Jesusca tigrarishcahuanmi Pedrotaca: –¡Ñuca ñaupajmanta anchui, Satanás! Ñuca ñitcanami tucungui. Dios imata pajtachisha nicushcataca mana entendi tucunguichu. Ashtahuanpish runacunapaj yuyaillatami entendi tucungui– nircami.

Marcos 1:13

Jesusca chuscu chunga punllacunatami chai shitashca pambapi carca. Jesusca Satanás pandachisha nishcami chaipica carca. Manchanana animalcunahuanpishmi chaipi carca. Angelcunami Jesustaca servircacuna.

Lucas 10:18

Chaimi Jesusca cashna nirca: –Satanastaca, jahua pachamanta rayo shina urmajtami ñucaca ricurcani.

Lucas 11:18

Chai shinallataj Satanaspish paicunapurallataj chaupirinacujpica pai mandacushcaca chingarinmanllami. “Beelzebuhuan cashpamari, supaicunataca llujshichin” nishcamantami chashna nini.

Lucas 13:16

Cai huarmica, Abrahampaj huahua huahuamari. Paitaca, chunga pusaj huatacunatami Satanasca huatashcata charicushca. Samana punlla cajpipish, chai huatashcamantaca cacharichinami cani– nirca.

Lucas 22:3

Paicuna chashna yuyacujpica Judas Iscariotepaj shungupimi, Satanasca yaicurca. Paica Jesuspaj chunga ishqui yachacujcunapuramantami carca.

Lucas 22:31

Mandaj Jesusca caitapishmi nirca: –Simón, Simón, cancunataca trigota shina shushungapajmi Satanasca mañarca.

Lucas 4:8

Chaimi Jesusca: –Anchui caimanta Satanás. Quillcachishcapica: “Mandaj cambaj Taita Diosta adorangui, paipajllata rurangui” ninmi– nirca.

Juan 13:27

Chai tandata japincami Satanasca Judaspi yaicurca. Chaimi Jesusca: –Imata ruracushcataca ña utca ruragrilla– nirca.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

1 Corintios 5:5

Chashna rurajtaca, paipaj aichata jatunta llaquichichun Satanasman cuichij, paipaj espirituca Mandaj Jesuspaj punllapi quishpichishca cachun.

1 Corintios 7:5

Caishujpish chaishujpish ama mitsarinacuichijchu. Tucui yuyaihuan Diosta mañangapajlla, ishquindij shuj yuyailla tucushpa ashacama jarcarichij. Mana unita jarcari tucujpica, mana alli yuyaita Satanás ama cuchun cutin tandanacuichijlla.

2 Corintios 11:14

Chaicunataca, imata mana manchachinchu. Satanasllatajpish, achij nicuj ángel shina tucunllami.

2 Corintios 12:7

Dios ricuchishcacunahuan ama jatun tucuchunca Satanás cachashcamari. Garrochahuan tujsij shina ñuca aichapi jatun nanaita curca. Chaimi ñuca ama yalli jatun tucuchun, ñucataca huajtashpa llaquichicunlla.

2 Corintios 2:11

Satanasca, ñucanchijmanta imata ama cushicuchunmi perdonarcani. Paica ima shinapish millaita ruranata yachaj cashcataca yachanchijmi.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

Santiago 4:7

Chaimanta Diosta cazuichij, diablotaca ama ricunachichijchu. Chashna rurajpica paica miticungallami.

JOSUÉ 24:14

Chashna cashcamanta cunanca Mandaj Diosta manchashpa mana nij tucushpalla tucui shunguhuan paipajta ruraichij. Cancunapaj ñaupa yayacuna Éufrates yacu uripi cashpa shujta dioscunapajta rurashcatapish, Egiptopi cashpa shujta dioscunapajta rurashcatapish cancunapaj chaupimanta anchuchishpa, Mandaj Diospajllata ruranguichij.

1 Pedro 5:9

Cai pachapi tucui crijcunapish cancuna apacushca llaquicunallatataj apacushcata yachashcamanta, crishcapi sinchiyashpa diablotaca mishaichij.

1 SAMUEL 7:3

Chaimi Samuelca tucui israelcunataca: “Cancuna tucui shunguhuan Mandaj Diospajmantaj tigrarishpaca, shujtajcunapaj dioscunata, Astarot huarmi diosta cancunapuramanta anchuchishpa tucui shunguhuan Mandaj Diospajlla tucushpa paipajta ruraichij. Chaimi filisteocunapaj maquimantaca quishpichinga” nirca.