Mateo 4:1 - Dios Rimashca Shimicunami

¹ Chai q'uipami Jesustaca, diablo pandachisha nichun Taita Diospaj Espirituca, shitashca pambaman pusharca.

Mushuj Testamento Diospaj Shimi

¹ Ña bautiźashca qʼuipami, Diospaj Espirituca Jesusman diablo imatapish munachishpa ricuchun, shitashca pambaman pusharca.

Mateo 4:1 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

1 REYES 18:12

Ashtahuanpish ñuca caimanta rishpa Acabman huillashpa tigranapajca, Mandaj Diospaj Espiritumi cantaca ñuca mana yachai tucuipaj mai shujtajman apanga. Chaipica canta mana japishpaca ñucatamari huañuchinga. Cambajta ruraj ñucaca, huambramantapachamari Mandaj Diosta tucui shunguhuan manchashpa causani.

2 REYES 2:16

Chaipimi paicunaca: –Mandaj Diospaj Espíritu, canta yachachijta aparishpa ñataj mai urcupi, mai pugru pambapi shitagrishca canman. Cambajta rurajcunapurapica pichca chunga c'ari c'ari runacunami tiyanchij. Paicunata mashcanaman cachai– nijpi Eliseoca: –Pita ama cachaichijchu– nirca.

EZEQUIEL 11:1

Diospaj Espiritumi ñucataca jatarichishpa, Mandaj Diospaj huasi inti llujshin ladoman caj punguman pushashpa rirca. Chai huasi punguca, inti llujshin ladomanmi carca. Chai pungu yaicunllapica, ishqui chunga pichca runacuna shayacujtami ricurcani. Chai runacunapurapica Azurpaj churi Jaazaniastapish, Benaiapaj churi Pelatiastapishmi ricurcani. Paicunaca pueblopi causajcunata pushajcunami carca.

EZEQUIEL 11:24

Chai q'uipami Diospaj Espirituca, ñucata jatarichishpa pusharca. Chaimantaca Diospaj Espiritumi, ñucataca muscuipi shina caldeocuna causana llajtapi caj prezu apashcacunapajman cutinllataj pusharca. Chaimantaca muscuipi shina ricucushcaca, chingarircallami.

EZEQUIEL 3:12

Chaimantaca Diospaj Espiritumi ñucata jatarichirca. Ñapish huashamantaca sinchita caparishpa cashna nishcami uyarirca: “Mandaj Dios sumaj cashcataca, pai causacunmantataj alli nishca cachun” nishpa rimashcami uyarirca.

EZEQUIEL 3:14

Diospaj Espiritumi ñucataca japishpa jatarichirca. Chaimantaca ñucaca huacashpami rircani. Ñucaca achcatami p'iñarircani. Chashna cajpipish Mandaj Diosca, paipaj maquihuanmi ñucataca sinchita charirashpa pusharca.

EZEQUIEL 40:2

Taita Diosmi ñucataca muscuipi shina Israel llajtaman pushashpa, chai llajtapi tiyaj jatun urcu jahuapi churarca. Chai urcu ura ladomanca, jatun pueblo vali shuj huasimi tiyashca carca.

EZEQUIEL 43:5

Ñucataca Diospaj Espiritumi, Diospaj huasi canllaman pusharca. Chaipica Mandaj Diospaj achij nicuj p'uyu, paipaj huasi ucupi jundashcatami ricurcani.

EZEQUIEL 8:3

Chai runaman rijchajca maquita chutashpami, ñucataca uma ajchamanta japirca. Chaimantami Dios cushca muscuipica, Diospaj Espirituca jahuata alzashpa ñucataca Jerusalenman pusharca. Chaiman pushashpaca janaj ladoman caj ucu punguman yaicunllapimi shayachirca. Chaipica Mandaj Dios mana ricunachishca rurashcalla diosmi tiyacushca carca.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Hechos 8:39

Yacumanta ña llujshijpica, Jatun Diospaj Espíritu Felipeta apajpimi, eunuco runaca paitaca mana ashtahuan ricurca. Chashna cajpipish cushicushpa ñanta rircallami.

Romanos 8:14

Diospaj Espíritu pushashca causajcunaca, tucuicunami Diospaj huahuacuna.

Hebreos 2:18

Paita umasha nij llaquicunata apaj cashcamantami, umasha nij llaquicunahuan cajcunamanca mishachun poderta cui tucun.

Santiago 1:14

Ashtahuanpish imapish millaita rurana yuyaica quiquinllapitaj tiyashpami, pita cashpapish chashna mana allitaca rurachin.