Mateo 3:8 - Dios Rimashca Shimicunami

⁸ Millaita ruracushcata saquishpa cutirishcata ricuchingapajca, allita rurashca p'ucushca granota ricuchichij.

Mushuj Testamento Diospaj Shimi

⁸ Cancuna Diospajman cutirishcataj ricurichunca, allita ruraichij.

Mateo 3:8 Iomraidhean Croise

JEREMÍAS 26:13

Chashna cashcamantaca, cancunata Mandaj Dios rimashcata cazuichij. Millai causaita, millaita ruracushcata saquishpa, ña allichirichij. Chashna rurajpica, pai Mandaj Diosca cancunata ima shinalla llaquichisha nicushcata jarcarishpa, mana llaquichingachu.

JEREMÍAS 36:3

Cai Judá runacunaca, ñuca ima shinalla llaquichisha nishcata uyashpallapish, llaquirishpa paicunapaj millai causaita saquishpa ñucaman cutiringacunapishchari. Cutirijpica, ñucapish paicuna imalla mana allita rurashca juchacunataca, tucuimi perdonasha” nircami.

Mateo 21:32

Juanca cashcata ruraj tucunapaj ñanmanta yachachingapajmi cancunapajmanca shamurca. Pai yachachishcataca mana crircanguichijchu. Ashtahuanpish impuestota japijcuna, huainayashpa causaj huarmicunarajmi crircacuna. Cancunaca chaita ricushpapish Juanca allitami huillacun nishpa mana yuyaita japircanguichijchu. Chaimi mana cutirishpa mana crircanguichij.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Hechos 26:20

Chaimi Damascopi huillai callarishpaca, Jerusalenpipish, tucui Judeapipish huillarcani. Chai q'uipaca mana judiocunamanpishmimana allita ruracushcata saquishpa Taita Diosman cutirichij nishpa huillarcani. Taita Diosman cutirishcata ricuchingapajca allicunata ruraichij nircanimi.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

Efesios 5:9

(Espiritupaj granoca, tucuipi alli cajmi, cashcata rurajmi, mana llulla canapishmi).

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.