Mateo 3:7 - Dios Rimashca Shimicunami

⁷ Achca fariseocunapish, saduceocunapish bautizachun nishpa shamujta Juan ricushpaca, cashnami nirca: “¡Culebrapaj huahua huahuacuna! Taita Dios p'iñarishpa llaquichina punllamanta quishpirisha nichunca ¿pitaj huillarca?

Mushuj Testamento Diospaj Shimi

⁷ Tauca fariseocunapish, saduceocunapish bautiźachun nishpa paipajman shamujpimi, Juanca cashna nirca: «¡Culebra shina millai runacuna! Ñallamari Diosca pʼiñarishpa jatunta llaquichigrin. ¿Pitaj cancunataca, ‘Quishpiringuichijmi’ nircari?

Mateo 3:7 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

PROVERBIOS 28:4

Mandashcata shitajcunaca, Diosta mana manchajcunatarajmi alli nincuna. Ashtahuanpish mandashcata pajtachijcunaca, paicunata jarcancunami.

ISAÍAS 59:5

Culebra luluncunatami ugllancuna. Pitapish urmachingapajca araña shinami ahuancuna. Maijanpish chai luluncunata micushpaca huañungami. Chai lulunta tugyachijpica, culebracunami llujshinga.

JEREMÍAS 51:6

Babiloniamanta llujshishpa callpaichigari. Cancunapaj causaillatapish quishpichichigari. Chai llajta runacuna millaita rurashcamantami, Mandaj Diosca llaquichigrin. Paicunata llaquichina punllamari chayamushca. Paicunaman cuna cashcatamari cugrin.

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

Mateo 12:24

Ashtahuanpish fariseocuna chaita uyashpaca: “Caica, supaicunata mandaj Beelzebú diablohuan cashpamari, supaicunataca llujshichin” nircacunami.

Mateo 12:34

¡Culebrapaj huahua huahuacuna! Cancunallataj millai cashpaca ¿ima shinataj allitaca rimai tucunguichigari? Shungupi junda tiyashcatami shimica riman.

Mateo 15:12

Chashna nicujpi yachacujcuna c'uchuyashpaca: –Cai shimicunata nishcamanta fariseocuna p'iñaricujtaca ¿yachanguichu?– nircacunami.

Mateo 16:1

Fariseocuna, saduceocuna chayamushpaca, Jesús imapi pandarijpica juchachingapaj nishpami, jahua pachamanta cashpaca milagrota rurashpa ricuchi nircacuna.

Mateo 16:6

Jesusca: –Riquichij, fariseocunapaj, saduceocunapaj levaduramanta huaquichiringuichij– nircami.

Mateo 22:15

Chai q'uipami fariseocuna rishpaca, Jesús ima mana allita nijpica, juchachingapaj nishpa parlanacushpaca,

Mateo 22:23

Chai punllallatajmi, huañushcacunaca mana causaringachu nij saduceocuna Jesusta tapunaman shamushpaca:

Mateo 22:34

Jesús cutichishpaca saduceocunata upallachishcata uyashpami fariseocunaca tandanacurcacuna.

Mateo 23:33

¡Culebra shina millaicuna, cancunaca culebracuna causanami canguichij! Cancunaca ucu pacha llaquiman rinamantaca mana quishpiri tucunguichijchu.

Mateo 5:20

Chaimanta cashnami nini: Mandashcata quillcajcunata, fariseocunata yalli cashcata rurashpa mana causashpaca, jahua pachamanta mandacunpica mana yaicunguichu.

Marcos 12:13

Chai q'uipami maijan fariseocunatapish Herodespura caj maijancunatapish Jesusta imata tapujpi ima mana allita nijpica, juchachishun nishpa tapuchun cacharcacuna.

Marcos 12:18

Chai q'uipami huañushcacunaca mana causaringachu nij saduceocuna Jesusta tapunaman shamushpaca:

Marcos 8:15

Jesusca: –Riquichij, fariseocunapaj Herodespaj levaduramantaca huaquichiringuichij– nijpimi,

Lucas 16:14

Chaita uyashpaca, paicunapajlla charinata yuyaj mitsa fariseocunaca Jesustaca asircacunami.

Lucas 18:11

Fariseo shayarishpaca, paillataj alli nirishpami cashna mañarca: “Taita Dioslla, cantami pagui nini. Ñucaca mana shujtaj runacuna shina: Shuhuaj, cashcata mana ruraj, huainayaj mana canichu. Impuestota japij cai runa shinapish mana canichu.

Lucas 7:30

Fariseocunapish, Mandashcacuna ima nisha nishcata yachachijcunapish Juan bautizacujpi mana bautizarijcunaca, Dios ima shina paicunapaj allita ruracushcataca p'iñashpami mana chasquishun nircacuna.

Juan 1:24

Juanta tapunaman cachashcacunaca, fariseocunapurami carca.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Juan 9:40

Shina nijpi paihuan caj fariseocunaca: –Shinashpaca ¿ñucanchijpish mana ricujcunachari canchigari?– nircacunami.

Hechos 15:5

Chaimi fariseocunapuramanta maijan crijcuna shayarishpaca: –Chai mana judiocunapish crij tucujpica circuncisionta rurachinatajmi, Moisés mandashcatapish cazuchun mandanami– nircacuna.

Hechos 20:31

Chaimanta alli yuyaihuan caichij. Quimsa huatatami tutapish, punllapish mana samashpa, huiqui ñahui shujta shujta sinchita cunacurcani. Chaitaca ama cungaringuichij.

Hechos 26:5

Ñucaca uchillamanta pacha fariseo, ñucanchij llajtapi crinataca chaitataj pajtachijcunapuramantami cani. Chaita paicuna huillashun nishpaca huillai tucunmi.

Hechos 5:17

Chaipimi curacunata jatun pushajca paihuan caj saduceocunandij yallitaj p'iñarishpaca,

Romanos 1:18

Taita Diosta mana manchashpa, manapish rurana cashcata rurajcunaca, paicunapaj mana allita rurashcahuanmi mana llullatapish jarcancuna. Paicunata Taita Dios p'iñarishpa llaquichinaca, jahua pachamantami ricurin.

Romanos 5:9

Tucuimanta yallica Cristopaj yahuarhuan justificashcacunami canchij. Chashna cashpami, Dios p'iñarishpa llaquichinamantaca quishpichishca cashun.

1 Tesalonicenses 1:10

Huañushcacunapaj chaupimanta causarishca, paipaj Churi jahua pachamanta shamujta shuyana tucushcatapishmi parlancuna. Shamuj punlla Taita Dios p'iñarishpa llaquichinamantaca, chai Jesusmi ñucanchijta quishpichirca.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.

Hebreos 6:18

Diosca mana llulla cashcata ricuchingapajca ima shina mana shujtajyachipajta nishcaca ishquimi tiyan. Ñucanchij mashcajcunaca, pai cusha nishpa ñucanchij ñaupajpi churashcata japina yuyaita charishcamantaca jatunta cushicushunchijlla.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.