Mateo 3:6 - Dios Rimashca Shimicunami

⁶ Paicunapaj juchacunata huillajpimi, Juanca Jordán yacupi bautizarca.

Mushuj Testamento Diospaj Shimi

⁶ Paicuna juchacunata huillajpimi, Juanca Jordán yacupi bautiźaj carca.

Mateo 3:6 Iomraidhean Croise

ESDRAS 10:1

Diospaj huasi ñaupajpi cungurishpa, huacashpa tucuicunapaj juchata Diosman huillashpa Esdras mañacujpica, yallitaj achca israelcunami paipaj muyundijta tandanacurcacuna. Chaipica c'aricunapish, huarmicunapish, huahuacunapish tucuicunami yallitaj huacarcacuna.

SALMOS 32:5

Mandaj Dios ñuca juchataca tucuitami quiquinman huillarcani. Millaita rurashcacunataca imata mana pacarcanichu. “Ñuca mana cazushcacunataca Mandaj Diosmanmi” huillarcani. Mandaj Dios, millaita rurashpa ñuca juchallishcataca perdonarcanguimi. Selah

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

DANIEL 9:4

Mandaj ñuca Taita Diosta mañashpa, paiman tucuita huillashpaca cashnami nircani: “Jatun Dios quiquinca manchashca cana jatun Taita Diosmi cangui. Quiquinta c'uyajcunata, quiquinpaj mandashcacunata huaquichijcunapajca, paicunapaj imata rurasha nishpa ari nishcatapish, llaquij canatapish pajtachijmi cangui.

LEVÍTICO 16:21

Chai causaj chivopaj uma jahuapica Aarón paipaj ishqui maquita churashpa tucui israelcuna millaita rurashcacunata, paicuna c'ariyashcacunata, paicuna juchallishcacunata chai chivopaj jahuapi huillachun. Chai chivopaj uma jahuapi paipaj maquita churashpaca shitashca pambapi chivota cacharigringapaj caj runaman cacharishpa cachanaman cachachun.

LEVÍTICO 26:40

Chaipimi paicuna millaita rurashcatapish, paicunapaj ñaupa yayacuna millaita rurashcatapish, ima shinalla rurashpa ñucata c'ariyashcatapish, imamanta ñucata mana cazushcatapish ñucaman huillangacuna.

NÚMEROS 5:7

Chai juchallijca pai juchallishcataca cashna rijsirichun. Maijanpajta imata llaquichishcataca tucuimanta pagachun. Chai jahua pichcahuan pagachun.

Mateo 3:11

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Marcos 1:5

Chaipica Judeapi, Jerusalenpi tucui causajcunapish paipajman shamushpa, juchacunata huillashpa Jordán jatun yacupi Juan bautizajpimi bautizarircacuna.

Lucas 1:16

Achca israelcunatami, paicunapaj Jatun Dios, Taita Diospajman tigrachinga.

Lucas 3:16

Chaipimi Juanca, tucuicunaman cashna nishpa cutichirca: –Cancunataca ñucaca yacullapimi bautizani. Ashtahuanpish ñucapaj q'uipa shamujmi Espirituhuan ninahuanpish bautizanga. Paica ñucata yalli poderyujmi. Ñucaca paipaj pargatellatapish mana pascaipajmi cani.

Hechos 1:5

Juanca yacullahuanmi bautizarca. Ashtahuanpish cancunaca jucha illaj Espirituhuanmi asha punllacuna q'uipaca, bautizashca canguichij– nircami.

Hechos 11:16

Chaimantami Mandaj Jesusca: “Juanca yacullapimi bautizarca, ashtahuanpish cancunaca jucha illaj Espiritupimi bautizashca canguichij” nishcata yuyarircani.

Hechos 19:18

Chaita ricushpaca crijcunapish taucacuna shamushpami paicuna ñaupa imalla mana allita rurashcata huillarcacuna.

Hechos 22:16

Chaimanta cunanca imata ama shuyashpa jatarishpa bautizari. Jesuspaj shutipi rogashpa cambaj juchacunata maillachi” nircami.

1 Corintios 10:2

Moiseshuan tandalla cangapajca tucuicunami p'uyupi, mama cuchapipish bautizarircacuna.

Colosenses 2:12

Cancunaca Cristopaj bautizmopimi, paihuan pambashca carcanguichij. Huañushcacunapaj chaupimanta Diospaj poderhuan causachishcata crishcamantami, paihuan causarircanguichij.

Hebreos 6:2

bautizarinapaj yachachinatapish, crijcunapaj jahuapi maquita churanatapish, huañushcacuna causarinatapish, huiñaita jatun llaquiman cachanatapish, chaicunallamanta yachanataca ama yuyashunchij.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

1 Pedro 3:21

Chai bautismoca cunan punlla quishpirinatami ricuchin. (Mana cuerpomanta mapatachu anchuchin. Ashtahuanpish alli yuyaihuan Diosman c'uchuyajtami ruran). Chaica Jesucristo causarishcamantami.

1 Juan 1:9

Shina cajpipish ñucanchij juchacunata huillajpica, Diosca imatapish pajtachij, cashcata ruraj cashcamantaca ñucanchij juchacunata perdonangami. Tucui millaimantapish p'ichangami.