Mateo 3:4 - Dios Rimashca Shimicunami

⁴ Juanca, camello millma churanata churarishca, carahuan chumbillirishcami carca. Pai micunaca langostacuna, sacha chuspipaj mishquimi carca.

Mushuj Testamento Diospaj Shimi

⁴ Juanca camello millma churanata churashca, cara chumbihuan chumbillishcami purij carca. Paica langosta cʼurucunata, abeja mishquitami micuj carca.

Mateo 3:4 Iomraidhean Croise

2 REYES 1:8

Shina nijpi paicunaca: –Chai runaca millmayuj churanata churashca, carahuan chumbillirishcami carca– nijpimi, jatun mandajca: –Tisbita Eliasmari cashca canga– nirca.

ISAÍAS 20:2

Chai punllacunapimi Mandaj Diosca, Amozpaj churi Isaiastaca: “Can churashca cañamazuta llujshichi, cambaj chaquicunamantapish pargatecunata llujshichi” nijpimi, Isaiasca tucuita llujshichishpa lluchulla, pargatecuna illajlla purirca.

LEVÍTICO 11:22

Chaicunamantaca caicunatami micuna canguichij: Tucui laya langostacunata, langostín, grillo, saltamonte nishcacunataca micunguichijlla.

ZACARÍAS 13:4

Chai punllacunapica, cashnapishmi tucunga: Llulla huillajcunaca, paicuna muscuipi shina ricushcata huillacushpapish, tucuicunami pingaringacuna. Ña mana millmayuj jatun churanata churarishpa, ashtahuan llullangacunachu.

MALAQUÍAS 4:5

Riquichij, Mandaj Dios llaquichingapaj shamuna jatun llaqui punllacuna manaraj shamujpimi, ñuca ima nishcata huillaj Eliastaca cancunapajman cachani.

Mateo 11:18

Juan shamushpaca, mana micurcachu. Mana ubyarcachu. Chaimanta paitaca: “Supaitami charin” nincunami.

Mateo 11:8

Mana cashpaca ¿Shuj runa sumaj churanacunata churarishcatachu ricugrircanguichij? Sumajta churarishcacunaca, jatun mandajcunapaj huasicunallapimi tiyan.

Marcos 1:6

Juanca, camello millma churanata churarishca, carahuan chumbillirishcami carca. Pai micunaca langostacuna, sacha chuspipaj mishquimi carca.

Lucas 1:17

Juanca Eliaspaj espirituhuan, Elías charishca poderllahuantajmi Quishpichijta ñaupashpa ringa. Yayacunapaj shungutaca, huahuacunata c'uyaj cachun tigrachingapaj, mana cazujcunatapish, cashcata rurajcuna shina cachun rurangapajmi chashna canga. Gentecunataca Mandaj Jesusta chasquinallata rurangapajmi chashna canga– nircami.

DEUTERONOMIO 32:13

Jahua llajtacunamanmi huichiyachirca. Cai allpacunapi p'ucushca granocunatami cararca. Peñamantami sacha chuspipaj mishquitapish cararca. Rumilla sinchi allpacunamantami aceiteta cararca.

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.