Mateo 3:16 - Dios Rimashca Shimicunami

¹⁶ Jesusca ña paita bautizajpi yacumanta llujshishcahuanmi, jahua pacha pascarijpi Taita Diospaj Espirituca paloma shina shamushpa paipaj jahuapi tiyarijta ricurca.

Mushuj Testamento Diospaj Shimi

¹⁶ Juan bautiźajpi yacumanta llujshicushpami Jesusca, ñapish jahua pacha pascarijta ricurca. Pai ricucujllapitajmi, Diospaj Espirituca, paloma shina uriyamushpa, Paipaj jahuapi tiyarirca.

Mateo 3:16 Iomraidhean Croise

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 42:1

Caimi ñucapajta ruraj. Paitaca ñucami charirasha. Paica ñuca agllashcami. Paipimi ñuca almaca cushicun. Ñuca Espiritutaca paipaj jahuapimi churarcani. Paimi llajtacunamanca cashcata ruranata apamunga.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

EZEQUIEL 1:1

Ñucaca, Quebar shuti jatun yacu c'uchupimi, prezu apashcacunapaj chaupipi carcani. Ñucaca, quimsa chunga huatayujmi carcani. Chai huatapaj chuscu quillapimi, jahua pacha pascarijpi, Taita Dios imallata ricuchishca muscuipi shina ricurcani.

Marcos 1:10

Yacumanta Jesús llujshishpaca, jahua pacha pascarijpi, Taita Diospaj Espirituca paloma shina shamushpa paipaj jahuapi tiyarijtami ricurca.

Juan 1:51

Cashnapish nircami: –Cunanmanta pachami cancunaca jahua pacha pascarishcata, Runa Aichayujpajman Taita Diospaj angelcuna huichiyacujta, uriyacujtapish ricunguichij. Chashnatajmi canga– nircami.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

Hechos 1:22

Paicunaca Jesusta Juan bautizacushca punllamanta Jesús jahua pachaman ringacama purijcunami. Jesús causarishcata ñucanchijhuan huillaj cachun, paicunamanta maijantapish shujta agllanatajmi canchij– nircami.

Hechos 7:56

cashna nirca: –¡Riquiyari! Jahua pacha pascarishcata, runa Aichayujpish Taita Diospaj alli ladopi cajtamari ricuni– nirca.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.