Mateo 3:12 - Dios Rimashca Shimicunami

¹² Granota chuyanapaj palaca ñami paipaj maquipi. Paipaj trigotaca huaquichinapimi churanga. Ujshataca manataj huañuj ninapimi rupachinga” nircami.

Mushuj Testamento Diospaj Shimi

¹² Paica, cai pachapi causajcunataca, ñallami huairachishpa, trigomanta ujshata anchuchij shina chʼicanyachinga. Allicunataca trigota huasipi huaquichij shinami quishpichinga. Millaicunataca, ujshata shinami mana huañuj ninapi rupachinga» nircami.

Mateo 3:12 Iomraidhean Croise

JOB 21:18

Paicunaca huairapi rij ujsha shinami cangacuna. Jatun acapana t'amuta tsirapashca shinami tucungacuna.

SALMOS 1:4

Ashtahuanpish millaicunaca mana chashnachu, paicunaca huaira apana t'amo shinallami.

SALMOS 35:5

Mandaj Diospaj ángel callpachichun. T'amuta huaira ñaupachishpa rij shina callpachichun.

ISAÍAS 1:31

C'ari c'aricunaca caspita cuchushca jantsi shinami saquiringa. Paicuna rurashcacunaca nina chispa shinami canga. Ishquindij tandallami lunyashpa rupanga. Chai ninataca, pi mana huañuchi tucungachu” ninmi.

ISAÍAS 17:13

Pueblocunaca caparinacungami. Achca yacucuna huajiaj shinami caparinacunga. Ashtahuanpish Dios paicunata sinchita rimajpica, carutami miticushpa ringacuna. Urcumanta t'amuta huaira ñaupachishpa rij shinami ringa. Acapana ñutu allpata apashca shinami ringa.

ISAÍAS 27:4

Ñucapica p'iñarinaca mana tiyanchu. Ñuca macanacuita jarcangapajca ¿pitaj cashata, casha q'uihuata churangari? Tucui chaicunataca ñucami sarusha. Tandachishpami tucuita rupachisha.

ISAÍAS 28:28

Trigotaca trillanmi, grano urmancamallami trillan. Carreta ruedahuan trillashpapish mana saruchicunllachu. Trillana quirucunahuanpish tucui chingaringacamaca mana trillacunllachu.

ISAÍAS 30:24

Cancunapaj yapuj huagracunapish, burrocunapish palahuan aventashca jarnerohuan shushushca chuya granotami micunga.

ISAÍAS 41:16

Chaicunataca aventanguichijmi, huairami apanga. Acapanami caita chaita apanga. Ashtahuanpish canca Mandaj Diospimi jatunta cushicungui. Israelcunapaj jucha illaj Diospimi sumajyaringui.

ISAÍAS 5:24

Nina lunyacuj c'allucunami rastrojo ujshata shina tucuchinga. Ujshata nina tucuchij shinami tucuchinga. Chashnami sapi ismushca yura shina chingaringa. Paicuna sumaj sisacuna shina cashcapish ñutu allpa shinami chingaringa. Tucuita Mandaj Diospaj mandashcata yanganchishcamantami chashna tucunga. Israelcunapaj jucha illaj Diospaj shimita millashcamantami chashna tucunga.

ISAÍAS 66:24

“Paicuna llujshishpaca, ñucata p'iñashpa c'ariyajcunapaj huañushca aichacuna siricujtami ricungacuna. Paicunapi caj c'urucunaca nunca mana huañungachu. Paicunapi rupacuj ninapish, nunca mana huañungachu. Chaica pi mana munaipaj yallitaj llaquimi canga”.

JEREMÍAS 15:7

Ñuca agllashcacunaca llajtamanta llujshijta huairachishpa caita chaita cachajpipish, huahuacuna illajta saquijpipish, millaita ruranataca manataj saquincunachu.

JEREMÍAS 17:27

Ashtahuanpish samana punlla huaquichichun ñuca mandashcata mana cazushpa, chai punllapi ima cargatapish apamushpa, cai Jerusalén puebloman yaicuchijpica, jatun ninahuanmi cai pungucunataca rupachisha. Chai ninaca, Jerusalén pueblopi caj mandana huasicunandijmi tucui rupachinga, pi mana huañuchi tucungachu” ninmi.

JEREMÍAS 4:11

Chai llaqui punllacunapica, tucui cai Judá runacunapish, Jerusalenpi causajcunapish cashnami nishca cangacuna: “Ñuca agllashcacunapajmanca, shitashca pamba lomacunata purij huairamari shamushca. Chai huairaca ñucullata apashpa, chuya granota saquingapajca, mana shamunchu.

JEREMÍAS 51:2

Trillashpa huairachijcuna shina, chushaj llajtata saquichunmi, Babiloniamanca paicunata p'iñajcunata cachagrini. Paipaj jatun llaqui chayamui punllapica, tucui ladomantami paita llaquichingapaj jataringacuna.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

OSEAS 13:3

Chaimantami tutamantapi caj p'uyu shinalla chingaringa. Tutamantapi caj shulla shinallami chingaringa. Trillashca ujshata jatun acapana apashca shinami chingaringa. Huasimanta llujshicuj cushni shinallami chingaringa.

AMÓS 9:9

Israelcunataca, ajichupi trigota shushushca shina cachunmi shujtaj llajtacunapi llaquita apachun cachasha. Chaipimi paicunaca, racu granolla ajichupi saquirij shina saquiringacuna. Shuj granollapish allpamanca mana urmangachu.

MALAQUÍAS 4:1

Tucuita Mandaj Diosca cashnami nin: “Riquichij, hornopi nina lunyacuj shina punllaca ñallami chayamugrin. Chai punllapimi jatun tucushcacunapish, millaita rurajcunapish ujsha shina tucui rupangacuna. Chaipica sapillapish, shuj ramallapish mana saquiringachu.

Mateo 13:30

Tandana punllacama ishquindijtaj huiñachun saquichijlla. Tandana punllapimi tandajcunataca: Cizañataraj tandashpa huataichij rupachingapaj. Trigotaca ñuca huasipi huaquichichij” nircami” nishpami parlarca.

Mateo 13:41

Runa Aichayujca pai mandacui punllacunapi ñitcachishpalla causajcunata, millaita rurachijcunataca paipaj angelcunata cachashpa tandachichishpami,

Mateo 13:42

nina rupacun hornopi shitanga. Chaipica jatunta huacana, quirucuna canirinami canga.

Mateo 13:43

Ashtahuanpish cashcata rurajcunaca, paicunapaj Yaya mandacunpimi inti shina achij nicungacuna. Maijanpish uyanapaj rinrinta charijca uyaichigari.

Lucas 3:16

Chaipimi Juanca, tucuicunaman cashna nishpa cutichirca: –Cancunataca ñucaca yacullapimi bautizani. Ashtahuanpish ñucapaj q'uipa shamujmi Espirituhuan ninahuanpish bautizanga. Paica ñucata yalli poderyujmi. Ñucaca paipaj pargatellatapish mana pascaipajmi cani.

Lucas 3:17

Trigo montonta chuyanapajca palaca ñami paipaj maquipi. Paipaj trigota tandashpaca huaquichinapimi churanga. Ujshataca manataj huañuj ninapimi rupachinga– nircami.

Juan 15:2

Ñucapi caj ramacuna maijanpish mana p'ucujpica anchuchingami. Maijanpish p'ucujpica, ashtahuan p'ucuchun mana allita anchuchirangami.