Mateo 3:11 - Dios Rimashca Shimicunami

¹¹ Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Mushuj Testamento Diospaj Shimi

¹¹ Cancunataca Diospajman cutirijpimi yacupi bautiźani. Ashtahuanpish ñucapaj qʼuipa Shamujca, Diospaj jucha illaj Espirituhuan, ninahuanmi cancunataca bautiźanga. Ñucapaj qʼuipa shamujca, ñucata yalli imatapish rurai tucujmi. Chashna cajpi ñucaca, paipaj pargateta apaipajllapish mana canichu.

Mateo 3:11 Iomraidhean Croise

ISAÍAS 4:4

Jatun Dios Sionpi causaj huarmicunata tucui mapata p'ichashcacuna, Jerusalén yahuarlla cajta llaquichij espirituhuan, tucuchij espirituhuan maillashcacunami chashna nishca cangacuna.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Mateo 3:6

Paicunapaj juchacunata huillajpimi, Juanca Jordán yacupi bautizarca.

Marcos 1:4

Chai nishca shinallatajmi Bautizaj Juan shitashca pambapi ricurishpaca, juchacunata perdonachun mana allita ruracushcata saquishpa cutirichij nishpa bautizacurca.

Lucas 1:17

Juanca Eliaspaj espirituhuan, Elías charishca poderllahuantajmi Quishpichijta ñaupashpa ringa. Yayacunapaj shungutaca, huahuacunata c'uyaj cachun tigrachingapaj, mana cazujcunatapish, cashcata rurajcuna shina cachun rurangapajmi chashna canga. Gentecunataca Mandaj Jesusta chasquinallata rurangapajmi chashna canga– nircami.

Lucas 3:16

Chaipimi Juanca, tucuicunaman cashna nishpa cutichirca: –Cancunataca ñucaca yacullapimi bautizani. Ashtahuanpish ñucapaj q'uipa shamujmi Espirituhuan ninahuanpish bautizanga. Paica ñucata yalli poderyujmi. Ñucaca paipaj pargatellatapish mana pascaipajmi cani.

Lucas 3:3

Chaimi Juanca, Jordán yacu c'uchulla tucui llajtacunata rishpa, Diosman cutirishpa bautizarichij. Juchacunata perdonachun nishpa huillarca.

Juan 1:15

Bautizaj Juan Jesusmanta huillashpaca: “Ñucapaj q'uipa shuj shamucunmi nishcaca paimari. Paica ñucapaj q'uipa shamushpapish ñucapaj ñaupa ña tiyashcamanta ñucata yalli jatunmari” nishpami caparirca.

Juan 1:30

Paitamari ñucaca: “Ñucapaj q'uipa shamujca, ñucapaj ñaupa ña tiyashcamanta ñucata yalli jatunmari” nicurcani.

Hechos 1:5

Juanca yacullahuanmi bautizarca. Ashtahuanpish cancunaca jucha illaj Espirituhuanmi asha punllacuna q'uipaca, bautizashca canguichij– nircami.

Hechos 19:4

Chaimi Pabloca: –Juanca Diosman cutirijpimi bautizarca. Chaipica paica, paipaj q'uipa shujtaj shamunata, paita crina cashcatami huillarca. Chashna nishpaca Quishpichij Cristo Jesusmantami chashnaca– nirca.

Hechos 8:36

Parlanacuihuan ñanta ricushpaca yacu tiyan c'uchuta pasagrishpami eunuco runaca: –Caipica yacu tiyanmari. ¿Manachu ñucaca cunanllataj bautizari tucuni?– nijpi,

Hechos 8:38

Chaimi carretata shayachichun mandashpaca, ishquindijtaj yacuman uriyashpa, Felipeca eunuco runata bautizarca.

1 Corintios 12:13

Shuj cuerpolla canapajmi tucuicuna shuj Espiritullapi bautizashca carcanchij. Judiocuna cajpi, griegocuna cajpi, amopajta ruraj cajpi, amopajta mana ruraj cajpipish, tucuicunamanmi chai Espiritullamantataj ubyachirca.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

1 Pedro 5:5

Shinallataj q'uipa huiñaicunapish ancianocunata cazuichij. Tucuicuna caishujmanta chaishujmanta cazunacuichij. Mana jatun tucushca cana yuyaita churarichij. “Jatun tucushcacunataca, Diosca mana ricunachinchu. Mana jatun tucushcacunamanca paipaj mana c'uyaipajta c'uyaj canatami cun”.