Mateo 27:3 - Dios Rimashca Shimicunami

³ Jesusta huañuchichun entregaj Judasca, Jesustaca ña huañuchinapaj cajta ricushpami, achcata llaquirishpa pai chasquishca quimsa chunga cullquitaca curacunata mandajcunaman, cunaj yuyajcunaman,

Mushuj Testamento Diospaj Shimi

³ Jesusta japichij Judasca, Jesusta huañuchina tucujta ricushpami anchata llaquirirca. Chaimantami, Jesusta japichingapaj chasquishca quimsa chunga cullquitaca, curacunata pushaj curacunaman, cunaj yuyajcunaman tigrachigrirca.

Mateo 27:3 Iomraidhean Croise

JOB 20:5

Millai runacunapaj cushicunaca utca tucurijllami, Diosta mana manchajcunapish ashacamallami cushicun.

ÉXODO 21:32

Shujtajpajta ruraj c'arita cashpa, huarmita cashpapish huagra sagmashpa huañuchijpica chai huagrataca rumicunahuan shitashpa huañuchichun. Huagrayujca shujtajpajta rurajmantaca quimsa chunga siclo cullquita pagachun.

ZACARÍAS 11:13

Chaimantami Mandaj Diosca ñucataca cashna nirca: “Chai cullquitaca ima charinacunata huaquichinapi huaquichilla. ¡Chai cullquipimi ñucataca c'atuncuna!” nircami. Shina nijpimi chai quimsa chunga cullquita japishpaca, Mandaj Diospaj huasipi charinacunata huaquichinapi huaquichircani.

Juan 13:2

Jesusca paipaj yachacujcunandijmi micucurca. Simonpaj churi Judas Iscariotepaj shungupica, ñaupamanmi diabloca Jesusta huañuchichun japichina yuyaita churashca carca.

Juan 13:27

Chai tandata japincami Satanasca Judaspi yaicurca. Chaimi Jesusca: –Imata ruracushcataca ña utca ruragrilla– nirca.

Juan 18:3

Chaimi Judasca, curacunata mandajcuna, fariseocunapish cachashca achca soldadocunatapish, Taita Diospaj huasita cuidajcunatapish pushashpa shamurca. Paicunaca linternacunahuan, nina sindicunahuan, macanacunatapish apashcami shamurcacuna.

Hechos 1:18

Judas millaita rurashpa japishca cullquihuanca, allpatami randirca. Judasca jahuamanta urisingaman urmashpami, huijsa tugyajpi chunllullicunapish tallirirca.

2 Corintios 7:10

Diosmanta shamuj llaquica mana allita ruracushcata saquishpa paiman cutirishpa quishpirishcapi ashtahuan alli tucunapajmi shamun. Chaimantaca mana imata llaquirinachu, ashtahuanpish cai pachamanta llaquimi, huañuiman pushan.