Mateo 27:2 - Dios Rimashca Shimicunami

² Jesustaca huatashcatami, mandaj Poncio Pilatopajman pusharcacuna.

Mushuj Testamento Diospaj Shimi

² Chaimantaca, mandaj Poncio Pilatopajmanmi, Jesustaca huatashcata pusharcacuna.

Mateo 27:2 Iomraidhean Croise

GÉNESIS 22:9

Taita Dios ricuchishca urcuman ña chayashpaca, Abrahamca shuj altarta rurashpami, yantatapish allichishpa chai altar jahuapi churarca. Paipaj churi Isaactapish tsagnashpami chai yanta jahuapi churarca.

Mateo 20:19

mana israelcunaman cujpimi, chaicunaca chanzata rurangacuna, azotingacuna, chacatangacuna. Ashtahuanpish huañuchijpipish quimsa punllapica causaringallami” nircami.

Mateo 28:14

Mandaj Pilato caita yachajpica, cancunata ama imata nichun, ñucanchij paihuan rimashunllami” nircacunami.

Lucas 13:1

Jesús chashna yachachicujpica, taucacuna paipajman shamushpami: –Galileamanta runacuna Taita Diosman sacrificiota cucujpica, Pilatoca paicunatapish huañuchishpami, paicunapaj yahuartaca chai animalcunapaj yahuarhuan chagrurca– nishpami parlarcacuna.

Lucas 20:20

Chaimantami ima mana allita nijpica, juchachishpa chai llajtata mandajman huillashpa japichishunpishchari yuyashpa, yachangapaj alli tapucuj shina Jesusta tapuchun runacunata cacharcacuna.

Lucas 23:1

Chai q'uipami tucuicuna huaica jatarishpa, Jesustaca Pilatopajman pusharcacuna.

Lucas 23:12

Pilatohuan, Herodeshuanca p'iñanacushca cashcamantaca chai punllapimi alli tucurcacuna.

Lucas 3:1

Tiberio shuti César chunga pichca huatata mandacujpica, Poncio Pilatoca Judea llajtata, Herodesca Galilea llajtata, paipaj huauqui Felipeca Iturea llajtata, Traconite llajtatapishmi mandacurca. Lisaniasca Abilinia llajtatami mandacurca.

Juan 18:12

Chaipica, achca soldadocunapish, soldadocunata mandajpish, judiocuna cachashcacunapishmi Jesusta japishpa huatarcacuna.

Juan 18:24

Chai q'uipami Anasca Jesustaca huatashcallatataj, curacunata mandaj Caifaspajman cacharca.

Juan 18:28

Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.

Hechos 12:6

Cayami gentecunaman ricuchingapaj llujshichisha nishpa Herodes yuyacui tutaca Pedroca ishqui cadenahuan huatashcami, ishqui soldadocunapaj chaupipi dormicurca. Shujtaj soldadocunapish cárcel pungupimi cuidashpa shayacurca.

Hechos 21:33

Huaranga soldadocunata mandaj chayashpaca, Pablota japishpa ishqui cadenacunahuan huatachunmi mandarca. Chai q'uipami: –¿Pitagari, imatataj rurashcari? nishpa,

Hechos 22:25

Chaipi paita macangapaj huatacujpimi, Pabloca patsaj soldadocunata mandajtaca: –¿Romano runataca, imata manaraj alli tapushpaca azotinalla ninchari?– nircami.

Hechos 22:29

Shina nincami, macashun nicujcunaca Pablomanta anchurircacuna. Shinallataj huaranga soldadocunata mandajpish romano runa cashcata yachashpami, paita huatachishcamantaca achca manchaihuan carca.

Hechos 24:27

Ishqui huata q'uipa, Felixca pai mandacushcamanta llujshijpi Porcio Festomi mandaj tucurca. Chai Felixca, judiocunapi alli ricuringapajmi Pablotaca prezullapitaj saquirca.

Hechos 28:20

Tucui judiocuna shuyacushcata ñucapish crishcallamantami, caipi cashna cadenahuan huatashca cani. Chaita parlangapajmi cancunataca cayarcani– nircami

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hechos 4:27

Chashna nishca shinallatajmi cai pueblopica, Herodesca, Poncio Pilatohuan, israelcunaca mana israelcunahuan tandanacurcacuna. Paicunaca Quishpichij cachun churashca cambaj jucha illaj Churi Jesusta p'iñashpami, shuj yuyailla tucurcacuna.

Hechos 9:2

paitaca: Damasco pueblopi caj sinagogacunaman yaicungapajmi quillcacunata mañarca. Jesusta caticujcunata c'aricunatapish, huarmicunatapish Jerusalenman prezu apamungapajmi chashna mañarca.

1 Timoteo 6:13

Tucuiman causaita cuj Taita Diospaj ñaupajpi, Poncio Pilatoman imapaj shamushcata huillaj Jesucristopaj ñaupajpipishmi, cantaca mandani.

2 Timoteo 2:9

Chaimantami llaquicunata apacuni, millaita ruraj shina prezushcapish cani. Ashtahuanpish Diospaj shimica mana prezuchu.

Hebreos 13:3

Prezu cajcunataca cancunapish paicunahuan tandalla prezu cashcata yuyashpa yuyaringuichij. Shinallataj llaquichishcacunatapish cancunapaj aichapi llaquita apacushca shinata yuyanguichij.

JUECES 15:12

Shina nijpi paicunaca: –Ñucanchijca canta japishpa, filisteocunapaj maquipi churangapajmi shamunchij– nijpi Sansonca: –Cancunallataj ñucata huañuchishun nicunguichijman, ama llullashpalla huillaichij– nirca.