Mateo 27:1 - Dios Rimashca Shimicunami

¹ Ña pacarijpimi, curacunata mandajcunapish, israelcunapaj cunaj yuyajcunapish tucuicuna Jesusta huañuchingapaj, shuj yuyailla tucurcacuna.

Mushuj Testamento Diospaj Shimi

¹ Tutamanta ñalla pacaricujpimi, curacunata mandajcunapish, israelcunata cunaj yuyajcunapish Jesusta huañuchishun ninacushpa, shuj yuyailla tucurcacuna.

Mateo 27:1 Iomraidhean Croise

SALMOS 2:2

Cai allpapi caj jatun mandajcunapish jataringami. Mandajcunapish tandanacushpa jatarishpami, Mandaj Diostapish, pai churashca mandajtapish:

SALMOS 31:13

Achcacuna llullashpa ñucata llaquichisha nicujtami uyani. Maipi ñuca cajpipish manchaimi japin. Ñucata llaquichingapajmi tandanacushpa parlanacuncuna. Huañuchinatapishmi yuyancuna.

SALMOS 71:10

Ñucata p'iñajcunaca ñucamantami parlanacucun. Ñucata huañuchishun nicujcunaca paicunapurami yuyarinacucuncuna.

MIQUEAS 2:1

Millaita rurajcunaca camapi siricushpapish, millaita ruranallatami yuyancuna. Cayandijtaca paicuna yuyashca shinatajmi rurancuna. Mandanata paicunapaj maquipi charicushcamantami, chashna rurancuna. ¡Aij paicunaca imachari tucungacuna!

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Marcos 15:1

Ñalla pacarimugrijpimi, curacunata mandajcunaca, cunaj yuyajcunahuan, mandashcacunata quillcajcunahuan, mandajcunapuralla tandanacushcacunahuanpish tandanacushpa parlanacurcacuna. Chai q'uipami Jesustaca huatashcata Pilatopajman pusharcacuna.

Lucas 13:1

Jesús chashna yachachicujpica, taucacuna paipajman shamushpami: –Galileamanta runacuna Taita Diosman sacrificiota cucujpica, Pilatoca paicunatapish huañuchishpami, paicunapaj yahuartaca chai animalcunapaj yahuarhuan chagrurca– nishpami parlarcacuna.

Lucas 22:66

Ña pacarijpica israelcunapaj cunaj yuyajcuna, curacunata pushajcuna, mandashcacunata quillcajcunapish tandanacushpami, Jesustaca mandajcunapuralla tandanacushcapaj ñaupajman pushashpa cashna nircacuna:

Juan 18:28

Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.

Hechos 5:21

Chaita uyashpaca manaraj alli pacarijpimi, Taita Diospaj huasiman rishpa yachachircacuna. Chaicamaca curacunata jatun pushajca, tucui paihuan cajcunandij mandajcunapuralla tandanacushcapi tandanacungapajmi israelcunata, cunaj yuyajcunata tandachirca. Chai q'uipami, apostolcunata carcelmanta pushamuchun cacharca.

JUECES 16:2

Gazapi causajcunaca Sansonmi caiman shamushca nishcata yachashpami, chai tutaca chai huasi muyundijtapish pueblo pungupipish chaparcacuna. Paicunaca: “Achijyajpi caya tutamanta huañuchishunllami” nishpami upajlla chaipi carcacuna.

1 SAMUEL 19:11

Chai q'uipami Saulca, huillashpa purijcunata Davidpaj huasiman rishpa tutaca cuidashpa pacarishpa cayandij tutamantaca Davidta huañuchichun cacharca. Chaimi paipaj huarmi Micalca: –Cunan tuta cambaj causaita mana quishpichishpaca, caya tutamantaca huañushcami cangui– nishpa Davidman huillarca.