Mateo 26:41 - Dios Rimashca Shimicunami

⁴¹ Llaquicunata mishangapaj chaparaichij, mañaraichij. Espirituca mañanata yuyanmi, ashtahuanpish aichaca shaicushcami– nircami.

Mushuj Testamento Diospaj Shimi

⁴¹ Mana allita rurana yuyaicuna ama japichun rijcharichij, Diosta mañacuichij. Cancunapaj espirituca mañanata yuyanmari, ashtahuanpish aichapica shaicushcamari canguichij» nircami.

Mateo 26:41 Iomraidhean Croise

SALMOS 119:1

Alli ñanllapi purijcunaca cushichishcacunami. Mandaj Diospaj mandashcallapi purijcunaca cushichishcacunami.

SALMOS 119:115

¡Millaicuna, ñucamanta anchurichij! Ñucaca ñuca Taita Dios mandashcacunatami pajtachisha.

SALMOS 119:117

Quiquin charirajpica, quishpirishcami casha. Quiquin chaitataj pajtachichun nishcapimi punllanta cushicusha.

SALMOS 119:32

Quiquin mandashcacunapimi callpashpa purisha. Ñuca shunguta quiquin cushichijpimi chashna purisha.

Mateo 24:42

Cancunata Mandaj ima hora shamunata mana yachashcamanta, chaparacuichij.

Mateo 25:13

Ima punlla, ima hora Runa Aichayuj shamunata mana yachashcamanta, chaparacuichij.

Mateo 26:38

–Ñuca almaca, huañunalla achca llaquillami. Cancunaca caipi saquirishpa, ñuca shinallataj ama dormishpa yuyaihuan caichij– nircami.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Marcos 14:38

Llaquicunapi ama urmangapaj chaparaichij, mañaraichij. Espirituca mañanata yuyanmi, ashtahuanpish aichaca shaicushcami– nirca.

Lucas 11:4

Ima shinami shujtajcuna ñucanchijta ima mana allita rurashcacunata perdonanchij, shinallataj ñucanchij juchacunatapish perdonapai. Ima mana allipi urmachun, ama saquihuangui. Tucui millaimanta huaquichihuangui” –nircami.

Lucas 21:36

Punllanta Taita Diosta mañashpa yuyaipi caichij. Chaimi chai llaquicuna shamujpica quishpiri tucunguichij. Runa Aichayuj shamujpipish paipaj ñaupajpi shayari tucunguichij” nircami.

Lucas 22:40

Chaiman chayashpaca: –Llaquicunata mishangapaj Taita Diosta mañaichij– nirca.

Lucas 22:46

Chaimi Jesusca: –¿Ima nishpataj dormicunguichij? Llaquicunata mishangapaj jatarishpa Taita Diosta mañaichij– nirca.

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

1 Corintios 10:13

Shujtajcunata japij millai munaicunallatajmi cancunatapish japirca, ashtahuan yallica mana japircachu. Ashtahuanpish Diosca pajtachij cashcamantami, chai millai munaicunataca cancuna apai tucunallata saquinga. Paillatajmi chai millai munaimanta llujshichun mishachinga.

1 Corintios 16:13

Chaparaichij, crishcapi sinchi caichij. C'ari c'ari sinchicuna caichij.

1 Corintios 9:27

Ashtahuanpish ñuca cuerpotaca huajtashpatajmi cazuchini. Caishujcunaman huillacushca jahua, ñucallataj ama anchuchishca cangapajmi chashna rurani.

Gálatas 5:24

Ashtahuanpish Cristopaj cajcunaca paicunapaj aichataca ruraicunandij, munaicunandijmi chacatashca.

Efesios 6:18

Chaipajca, punllanta Diosta mañaichij. Espíritu yuyachishca shina tucuimanta mañashpa rogaichij. Chai yuyai chaparaichij. Jucha illajcunamantapish tucuicunamanta mañaichij.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

2 Pedro 2:9

Tucui chaicunata rurashpaca, Jatun Diosca pai yuyailla cajcunataca llaquimanta quishpichij cashcata, shinallataj millaita rurajcunataca jatun llaquiman cachanapaj chai punllacama ch'icanchishpa charicuj cashcatami ricuchin.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.