Mateo 26:12 - Dios Rimashca Shimicunami

¹² Pambanapaj ñuca cuerpo allichishca cachunmi mishquijllata ashnacujtaca cai huarmica ñucapi tallishca.

Mushuj Testamento Diospaj Shimi

¹² Cai huarmica, ñuca huañujpi pambanapajmi, mishquiman ashnacujtaca, ñaupashpa ñucapi tallin.

Mateo 26:12 Iomraidhean Croise

GÉNESIS 50:2

Joseca paipaj jambijcunataca, paipaj yayapaj aichata sumaj mishquijllata ashnaj jambicunahuan churachun mandajpimi, jambijcunaca Israeltaca sumaj mishquijllata ashnaj jambicunahuan churarca.

2 CRÓNICAS 16:14

Pai huañujpica, shuj ataudpimi churarcacuna. Chai ataudpica, mishquijllata ashnaj tucui laya jambicunatami jundachircacuna. Chai jambicunaca, mishquijllata ashnaj jambicunata ruranata alli yachajcuna rurashcami carca. Ataudpi churashpaca, Asataca Davidpaj pueblopi paillataj rurachishca pambana jutcupimi churarcacuna. Chai punllaca paita yuyarishpami, huañui punllapi imata rupachina cashcata achcata rupachircacuna.

Marcos 14:8

Cai huarmica, pai tucui rurai tucushcatami rurashca. Pambanapaj ñuca cuerpo allichishca cachunmi, cashna rurashca.

Marcos 16:1

Samana punlla chishiyashpa tucurijpica, Magdalamanta Mariapish, Jacobopaj mama Mariapish, Salomepishmi mishquijllata ashnacujta, Jesuspaj cuerpopi churagringapaj randircacuna.

Lucas 23:56

Paicuna tigrashpaca, mishquijllata ashnacujcunatapish, llihuina jambicunatapishmi allichircacuna. Mandashcapi nishca shinallatajmi, samana punllapica samarircacuna.

Juan 12:7

Chaimi Jesusca: –Saquilla, ñucata pambana punllapajmi chaitaca huaquichicushca.