Mateo 26:10 - Dios Rimashca Shimicunami

¹⁰ Chaita Jesús yachashpaca: –¿Ima nishpataj cai huarmitaca chashna rimanguichij? Paica, ñucapajca allitamari ruran.

Mushuj Testamento Diospaj Shimi

¹⁰ Jesús chaita uyashpaca, cashnami nirca: —¿Ima nishpataj cai huarmitaca, chashna pʼiñashpa rimanguichij? Paica, ñucapajca allitamari ruran.

Mateo 26:10 Iomraidhean Croise

NEHEMÍAS 2:18

Ñuca Diospaj maqui ñuca jahuapi cashpa ñucapaj allita rurashcatapish, jatun mandaj ñucata imallata nishcatapish tucuita parlajpimi paicunaca: –C'amachij jatarishpa chai pircata pircashunchij– ninacushpami, tucuicuna fuerzarishpa rurai callarircacuna.

JOB 13:7

¿Taita Diosmantaca millaita rimanguichijmanchu? ¿Paimantaca pita umanguichijmanchu?

Mateo 26:11

Huajchacunaca mana illangachu. Ashtahuanpish ñucaca, ña mana cancunahuan causacushallachu.

Mateo 26:9

Chaitaca, achca cullquipi c'atushpa, huajchacunaman cushpachari alli canman carca– nircacuna.

Marcos 14:6

Chaimi Jesusca cashna nirca: –Saquichij ¿ima nishpataj chai huarmitaca chashna rimanguichij? Paica ñucapajca allitamari ruran.

Lucas 8:49

Jesús rimacujpirajmi, sinagogapi pushajpaj huasimanta shuj shamushpaca: –Cambaj ushushica ñami huañun. Yachachijtaca ama ashtahuan p'iñachichu, saquilla– nirca.

2 Corintios 9:8

Diosca tucuita rurai tucuj cashcamantami, tucui allicunata cancunamanca yallijta cunga. Chashna cujpimi cancunaca punllanta tucuipi ima mana illaj cashpa, imatapish allita rurangapajca yalli yallita charinguichij.

Gálatas 1:7

Shujtaj alli huillaica mana tiyanchu. Ashtahuanpish maijancunaca, Cristopaj alli huillaitami shujtajyachishpa pandachisha nicuncuna.

Gálatas 5:12

¡Cancunata pandachijcunaca paicunallataj tucui p'itirishpachari alli canman!

Gálatas 6:17

Cunanmanta pacha ñucataca, pi ama p'iñachichun. Ñuca aichapica, Mandaj Jesusmanta chugrichishcacuna alliyashcatami charini.

Efesios 2:10

Ñucanchijca Dios rurashcami canchij. Allicunata rurachun Cristo Jesuspi mushujyachishcacunami canchij. Chashna allicunata rurashpa purichunmi, Diosca ñaupaman allichirca.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

2 Tesalonicenses 2:17

Cancunapaj shungucunatapish cushichishpa tucui ima allita ruranapipish, rimanapipish chaitataj rurachichun rimachichun ninchijmi.

1 Timoteo 3:1

Cai shimica cashnatajmi: “Maijanpish obispo casha nishpaca, allita ruranatami munan”.

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.

2 Timoteo 2:21

Shinallataj maijanpish chai mana allicunamanta maillarijca, Mandaj Jesuspaj allipaj vaso, paipajta ruranapaj chuyayachishca, imapipish Mandaj Jesuspajta ruranallami canga.

Tito 1:16

Diostaca rijsinchijmi nincunami. Ashtahuanpish rurashcacunahuanca Diosta mana rijsij cashcatami ricuchincuna. Millananacuna, mana cazujcuna cashpami, ima allita ruranapajca mana alli cashcata ricuchincuna.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Tito 3:1

Llajtata mandajcunata, pueblopi mandajcunatapish cazujcuna cachun, tucui ima allita ruranapajpish chaparacujcuna cachun yuyachingui.

Tito 3:14

Can chashna rurajta ricushpami ñucanchijpura crijcunapish allita ruranata, ima illajcunamanpish cunata yachangacuna. Chashnami paicunapish Diospaj ñaupajpica p'ucushca granoyuj cangacuna.

Tito 3:8

Cai shimicunaca chashnatajmi. Chaimanta Diosta crijcunamanca paicunapaj imatapish allicunata rurana yuyailla cachun, ama manchashpa huillachunmi munani. Tucui caicunaca tucui gentecunapaj valijmi, allimi.

Hebreos 13:21

Tucui imatapish pai munashca shina allita rurajcuna cachunca, Diosllataj cancunataca yachachichun. Jesucristomantami tucui cancunataca paillataj pai munashca shinata rurachicun. Pai Jesucristotaca huiñai huiñaita jatunyachishca cachun. Chashna cachun.

1 Pedro 2:12

Diosta mana rijsijcunapaj ñaupajpi alli causaichij. Chashna cajpimi, millaita rurajcunata shina cunan rimacujcunaca cancuna allita rurashcamantaca, imalla rurashcata Dios ricuchi punllapi paicunaca Diostaca allimari cangui ningacuna.