Mateo 23:9 - Dios Rimashca Shimicunami

⁹ Cai pachapica, cancunaca pitapish ama yaya ninguichij. Cancunapaj Yayaca shujllami tiyan, paica jahua pachapimi.

Mushuj Testamento Diospaj Shimi

⁹ Shujlla Yayatami jahua pachapi charinguichij, chaimanta cai pachapica ama pitapish yaya ninguichij.

Mateo 23:9 Iomraidhean Croise

2 REYES 13:14

Eliseo ungushca ña huañunalla cajpimi, israelcunata jatun mandaj Joás paipajman uriyashpa paipaj ñaupajpica: –¡Ñuca yayalla, ñuca yayalla, canca israelcunapajca macanacuna carrocunata charishca shina, caballocunapi tiyarij soldadocunata charishca shinami carcangui!– nishpa huacarca.

2 REYES 2:12

Chaita ricushpami Eliseoca: “¡Ñuca yayalla, ñuca yayalla! ¡Canca israelcunapaj macanacuna carro shina, paicunapaj caballocunapi tiyarij soldadocuna shinamari carcangui!” nishpa caparirca. Chai q'uipaca, Eliastaca cutinca ña mana ricurcachu. Eliseoca, pai churarishca churanataca lliquishpa, ishquitami rurarca.

2 REYES 6:21

Israel llajtata jatun mandajca siriocunata ricushpami Eliseotaca: –Ñuca yayito ¿paicunataca huañuchishachu?– nirca.

MALAQUÍAS 1:6

Curacuna, tucuita Mandaj Diosca cashnami nin: “Huahuaca, paipaj yayataca cazunmi. Servij runapish, paipaj amo ima mandashcata ruranmi. Ñuca cancunapaj yaya cajpica, ¿ima nishpataj mana cazunguichigari? Ñuca cancunapaj amo cajpica, ¿ima nishpataj ñuca mandashcataca mana ruranguichigari? Cancunaca ñuca shutita yangapi churashca jahuamari: ¿Ima shinataj cambaj shutitaca yangapi churarcanchigari? ninguichij.

Mateo 23:10

Yachachijcuna nichunpish, ama munanguichij. Cancunata Yachachijca shujllami tiyan, paica Cristomi.

Mateo 6:32

Taita Diosta mana rijsijcunallami tucui chaicuna yuyailla huañurishpa causancuna. Ashtahuanpish jahua pachapi caj cancunapaj Yayaca, cancunapaj tucui ima illashcataca ñami yachan.

Mateo 7:11

Cancunaca millaicuna cashpapish, cancunapaj huahuacunamanca imatapish allicunata cunatami yachanguichij. Jahua pachapi caj cancunapaj Yayacarin, paita mañajcunamanca ashtahuan yalli allicunatamari cunga.

Hechos 22:1

“Huauquicuna, yayacuna, cunanca cancunapaj ñaupajpi ñuca ima shina cashcata huillasha, uyapaichij” nircami.

1 Corintios 4:15

Cancunaca, Cristomanta chunga huaranga yachachijcunata charishpapish, mana tauca yayacunataca charinguichijchu. Alli huillaita ñuca huillacujpi cancuna Cristo Jesuspi crishcamantaca, ñucallami cancunapaj yaya cani.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

Hebreos 12:9

Ñucanchij mana allita rurajpi ñucanchij yayacuna ima shinapish llaquichijpica, paicunataca allimi cazurcanchij. Shina cajpica, causaita cuj jahua pachapi caj Yayatacarin chaita yallitamari cazuna canchij. Chashna cashpami, causaita charishun.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.