Mateo 23:8 - Dios Rimashca Shimicunami

⁸ Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij.

Mushuj Testamento Diospaj Shimi

⁸ Ashtahuanpish cancunaca, shujtajcuna yachachij nichunca, ama munanguichij. Ñucallami cancunata Yachachij, Quishpichij Cristo cani. Cancunaca, tucuicuna huauquindijcunami canguichij.

Mateo 23:8 Iomraidhean Croise

Mateo 10:25

Yachacujpish paita yachachij shinallataj, amopajta rurajpish paipaj amo shinallataj tucushpaca, allimi canga. Yayatapish supaicunata mandaj nicujcunaca huahuacunatacarin ¡Imatapishchari ningacuna!

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 23:10

Yachachijcuna nichunpish, ama munanguichij. Cancunata Yachachijca shujllami tiyan, paica Cristomi.

Mateo 23:7

Plazacunapi tupajcunapish, allillachu cangui nishpa: “Yachachij, yachachij” nichunpishmi munancuna.

Mateo 26:25

Chaimi paita huañuchichun entregangapaj caj Judasca: –Yachachij, ¿ñucachu cani?– nijpi, Jesusca: –Canllataj ninguica– nirca.

Mateo 26:49

Jesuspajman c'uchuyamushcahuanmi: –Yachachij, ¿allillachu cangui?– nishpa mucharca.

Marcos 10:51

Jesusca: –¿Imatataj rurachun ningui?– nishpa tapujpi, mana ricujca: –Yachachij, ñuca ñahuicunata alliyachihuai– nirca.

Marcos 11:21

Chaita ricushpami Pedroca Jesús rimashcata yuyarishpaca: –Yachachij, riquiyari can amataj p'ucuchun nishca higo yuraca chaquirishcamari– nijpi,

Marcos 14:45

Ña chayamushpa, Jesuspajman c'uchuyashpaca: –¡Yachachij, Yachachij!– nishpami mucharca.

Marcos 9:5

Pedroca, Jesustaca: –¡Yachachij, ñucanchij caipi canaca allimari cashca! Can munajpica quimsa chujllacunata rurashun: Shujtaca quiquinpaj, caishujtaca Moisespaj, chaishujtaca Eliaspaj– nirca.

Lucas 22:32

Ashtahuanpish crij cashcata saquisha ama nichunmi, ñucaca canmantaca Taita Diosta mañarcani. Ña cutin ñucaman can cutirishpaca, ñucata alli catijcuna cachun cambaj huauquicunatapish alli yachachingui– nircami.

Juan 1:38

Paicuna caticujta Jesús tigrarishpa ricushpaca: –¿Imatataj mashcacunguichij?– nijpi, paicunaca: –Rabí, ¿maipitaj causangui?– nircacuna. (Rabí nishcaca: “Yachachij” nisha ninmi).

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 11:8

yachacujcunaca: –Yachachij, sarunllatajmi judiocunaca rumicunahuan shitashun nircacuna. ¿Cutinchu chaiman risha ningui?– nircacuna.

Juan 20:16

Chaimi Jesusca: –¡María!– nijpi, pai tigrarishpaca: –¡Raboni!– nirca. (Raboni nishcaca: “Yachachij” nisha ninmi).

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 3:26

Paicuna Juanpajman shamushpaca: –Rabí, canhuan Jordán yacu ch'imbanijpi cajta, ñucanchijman can huillacushca runapish bautizacunmari. Tucuicunami paipajman ricuncuna– nircacunami.

Juan 4:31

Chaicamaca Jesuspaj yachacujcunaca: –Rabí, micupaiyari– nicurcacunami.

Juan 6:25

Cuchata ch'imbashpa Jesushuan tupashpaca: –Rabí, ¿ima horataj caimanca chayamurcangui?– nishpa tapujpimi,

Juan 9:2

Paipaj yachacujcunaca: –Yachachij, cai runa chashna huacharichunca ¿paillatajchu, mana cashpaca paipaj yaya mamachu juchallishca canga?– nircacunami.

2 Corintios 1:24

Cashna chashna crishpami catina canguichij nishpaca, mana mandanchijchu ashtahuan cushicuchun nishpallami, chashnaca ninchij. Cancunaca crishcamantami sinchicuna canguichij.

2 Corintios 4:5

Ñucanchijca mana ñucanchij quiquinmantachu huillacunchij, ashtahuanpish Jesucristoca Mandaj cashcata, ñucanchijca Jesuspaj c'uyaihuan cancunapajta rurajcuna cashcatami huillacunchij.

Efesios 3:15

(Paimantami jahua pachapi, cai pachapipish tucuicuna paipaj shutita chasquincuna).

Filemón 1:16

Cunanca ña mana cambajta ruraj shinallachu. Ashtahuanpish cambajta rurajtapish yalli c'uyashca huauquimari. Ashtahuantajca ñucapajmi chashna cambajcarin cambajta ruraj cashcamantapish, Mandaj Jesusta crij cashcamantapish ashtahuan allimari.

Santiago 3:1

Ñuca huauquicunalla, imalla rurashcataca shujtajcunata yalli ashtahuan Dios ricuchina cashcata yachashcamanta, cancunapuramantaca ama achcacuna yachachijcuna tucuichijchu.

1 Pedro 5:3

Cancuna cuidacushcacunataca, ama quiquin munaita rurashpa mandanguichijchu. Ashtahuanpish canlla ovejacuna ricushpa catinallata ruranguichij.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.