Mateo 23:4 - Dios Rimashca Shimicunami

⁴ Paicunaca pi mana apai tucuipaj jatun quipitami gentecunamanca apachincuna. Ashtahuanpish paicunaca shuj dedollahuanpish mana tuparincunachu.

Mushuj Testamento Diospaj Shimi

⁴ Shujtajcunamanca pi mana cuyuchipaj jatun quipita apachij shinami, maita mana ruraipajta yachachincuna. Chai quipita mana japirisha nij shinami, paicunallataj yachachishcataca mana ruranata munancuna.

Mateo 23:4 Iomraidhean Croise

ISAÍAS 46:1

Bel nishca diosca, uri singamari urmashca. Nebo diosca pambapimari urmashca. Chai dioscunaman rijchajta rurashcacunatapish animalcunamanmi apachishpa apancuna. Aparij animalcunamanmi apachishpa apancuna. Cancuna apashpa purinalla dioscunataca aparij animalcunami shaicuita aparishca rincuna.

Mateo 23:23

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Mentata, anista, cominotapish chungamanta shujta cujcunami canguichij. Ashtahuanpish cashcata ruranata, llaquij canata, crinatapish, chai ashtahuan alli Mandashcatarajmari saquishcanguichij. Diosman cunatapish mana saquishpami, chai Mandashcacunataraj rurana carcanguichij.

Mateo 23:3

Chaimanta paicuna imallata yachachishcataca ama cungarishpa ruranguichij. Shina cashpapish paicuna rurashca shinataca, ama catinguichij. Paicunaca allita yachachishpapish, paicuna yachachishca shinaca mana rurancunachu.

Lucas 11:46

Chaimi Jesusca: –Mandashcacuna ima nisha nishcata yachachijcuna ¡aij cancunalla! Runacunamanca mana apari tucuipajtami apachinguichij. Ashtahuanpish cancunaca, shuj dedollahuanpish mana tuparinguichijchu.

Hechos 15:10

Chaimanta cunanca ñucanchij ñaupa yayacunapish, ñucanchijpish mana pajtachi tucushcataca cunanlla crijcunatapish rurachun nishpaca, Taita Diostami p'iñachicunguichij.

Hechos 15:28

Jucha illaj Espiritupish yuyachijpi, ñucanchij yuyaipipish chashna rurana alli cajpimi, cancunataca cai mandashcacunamanta ashtahuan shujtaj mana ruranata podipajcunataca mana rurachun mandashun ninchij. Ashtahuanpish cancuna yachaipajcunallatami nishun ninchij:

Gálatas 6:13

Circuncisionta rurachijcunallatajpish, Mandashcataca mana huaquichincunachu. Ashtahuanpish cancuna circuncisionta rurachijpi, cancunapaj circuncisionmanta jatunyangapajllami chashna nincuna.

1 Juan 5:3

Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

Apocalipsis 2:24

Tiatirapi caj maijancunaca chai mana alli yachanataca mana chasquishcanguichijchu. Satanaspaj tucuimanta yalli jatun yachanami nishcatapish cancunaca mana yachagrishcanguichijchu. Chaimanta cancunamanca: Ima shujtaj mana rurai tucuipajtaca mana mandanichu.