Mateo 23:16 - Dios Rimashca Shimicunami

¹⁶ Cancunaca ñahui mana ricuj pushajcunami canguichij. ¡Aij cancunalla! “Imata rurangapaj Diosta adorana huasipaj shutipi ari nishpaca, mana pajtachingapajpish rimanallami ninguichijmi. Imata rurangapaj Diosta adorana huasipi tiyaj curipaj shutipi ari nishpaca pajtachinatajmi” nishpami yachachinguichij.

Mushuj Testamento Diospaj Shimi

¹⁶ Ñahui mana ricuj pushajcunami canguichij. ¡Ai, imachari tucunguichij! “Imata rurana tucushpa ‘Diospaj huasimantami rurasha’ nishpaca, mana pajtachingapajpish rimanallami. Imata rurana tucushpa, ‘Diospaj huasipi tiyaj curimantami rurasha’ nishpaca, pajtachinatajmi” nishpami yachachinguichij.

Mateo 23:16 Iomraidhean Croise

ISAÍAS 9:16

Cai gentecunata mandajcunaca umajcunami. Chaimi paicuna mandacushcaca chingarin.

Mateo 15:14

Chaicunataca saquichijlla. Paicunaca mana ricujcuna. Mana ricujcunallatataj pushajcunami. Mana ricujllataj caishuj mana ricujta pushajca, ishquindijtajmi jutcupi urmangacuna– nircami.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Mateo 23:17

¡Yuyai illajcuna, mana ricujcuna! Curichu mana cashpaca, curita Diospajllata ruraj Diospaj huasichu ¿maijantaj ashtahuan yalli alli?

Mateo 23:19

¡Yuyai illajcuna, mana ricujcuna! ¿Ofrendachu, mana cashpaca ofrendata Diospajllata ruraj altarchu, maijantaj ashtahuan yalli alli?

Mateo 23:24

¡Mana ricuj pushajcuna, chuspitaca anchuchishpami ubyanguichij. Ashtahuanpish camellondijca millpunguichijllami!

Mateo 23:26

¡Ñahui mana ricuj fariseo! Jahuapish ucupish chuya cachunca vasotapish, platotapish ucutaraj maillayari.

Gálatas 5:3

Maijanpish circuncisionta rurachijmanca, tucuicunamanmi cutin huillani. Paica tucui Mandashcatami pajtachinataj tucun.

Santiago 5:12

Ñuca huauquicunalla, cai tucuipaj q'uipaca jahua pacha nishpa, cai pacha nishpa, ima shujtajta nishpapish ama rimarichijchu. Chaipaj randica ama llaquichishca cangapaj, cancuna “ari nishcaca” ari cachun “mana nishcaca” mana cachun.