Mateo 22:4 - Dios Rimashca Shimicunami

⁴ Mana shamushun nijpimi, jatun mandajca paipajta ruraj shujtajcunata, cashna nishpa cutin cacharca. Cayashcacunamanca cashna nigrichij: “Micuicunataca ñami allichishca. Huagracunatapish, huira animalcunatapish ñami huañuchichini. Tucuimi ña allichishca, bodaman shamuichij nishpa pushamugrichij” nircami.

Mushuj Testamento Diospaj Shimi

⁴ Paicuna mana shamushun nijpica, mandajca cutin paipaj shujtaj runacunatami cashna nishpa cacharca: “Chai cayashcacunata cashna nigrichij: ‘Micunaca, ñamari tucui yanushca tiyacun. Huirayashca huagracunata, ovejacunatamari lluchuchircani. Tucuimi ña allichishca. Bodaman shamupaichij’ nishpa cayamugrichij” nircami.

Mateo 22:4 Iomraidhean Croise

NEHEMÍAS 9:17

Quiquin Dios paicunapaj, mancharinacunata rurashcatapish mana uyashun nircacunachu, mana yuyarishun nircacunachu. Quiquinpajta ruranatapish ch'ahuanyashpa mana rurashun nircacunachu. Ashtahuanpish c'ariyashpami, cutinllataj huatashca shina cangapaj chai llajtallamantaj tigrangapaj paicunapaj pushajcunata agllanata yuyarircacuna. Quiquinca perdonaj Dios, c'uyaj, llaquij, mana utca p'iñarijmi cangui. Chashna yallitaj c'uyaj cashpami, paicunataca mana shitashcangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

PROVERBIOS 15:17

Yuyu calditollata micushpapish, c'uyanacushpa causanamari alli. Ashtahuanpish huirayashca huagra aicha cusashcallata micushpapish, p'iñanacushpalla causashpaca ima allitaj cangari.

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

Mateo 21:36

Chagrayujca cutinmi paipajta ruraj shujtajcunata ñaupata yalli achcacunata cacharca. Paicunatapish ñaupaman cachashcacunata shinallatajmi llaquichircacuna.

Mateo 22:5

Ashtahuanpish chai cayashcacunaca, mana uyashpami: Shujca paipaj chagra ruraiman, caishujca paipaj c'atunaman rirca.

Mateo 22:8

Chaimi paipajta rurajcunataca cashna nirca: “Bodaca ña allichishcatajmi. Ashtahuanpish cayashcacunallatajmi bodaman shamunapajca mana cashcacunata ricuchincuna.

Lucas 14:17

Ña micuna hora tucujpica, paipajta rurajtaca: “Cayashcacunata, ñami tucui allichishca shamuichijlla nigrichunmi” cacharca.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 13:46

Chashna nicujpipish Pablohuan, Bernabehuanca mana manchashpami cashna nircacuna: –Cancunamanrajmi Taita Diospaj Shimitaca huillana carcanchij. Chashna cajpipish ñucanchij huillashcata mana uyashun nishpaca, huiñai causaitaca mana charinapaj cashcatami cancunallataj ricuchinguichij. Cunanca mana judiocunaman huillanaman rinchij.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?