Mateo 21:5 - Dios Rimashca Shimicunami

⁵ “Sionpi causajcunamanca: Cancunapaj jatun Mandajca, manso shungumi. Burropi tiyarishcami cancunapajman shamucun. Aparij burropaj huahua burropi tiyarishcami shamucun nichij” nishcami carca.

Mushuj Testamento Diospaj Shimi

⁵ «Sion pueblopi cashna huillaichij: “Riquichij, cancunata Jatun Mandajca alli shungumi. Burropi tiyarishcami, cancunapajman shamucun. Paica aparij burropaj huahua malta burropimi, tiyarishca shamucun” nichij» nishcami.

Mateo 21:5 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

2 SAMUEL 16:2

Chaipimi jatun mandajca Sibataca: –¿Imapajtaj caicunaca?– nijpi Siba runaca: –Burrocunaca, jatun mandajpaj familiacuna tiyarishpa rinapajmi. Tandacunapish, chaquichishca uvacunapish jatun mandajpajta rurajcuna micunapajmi. Vinopish shitashca pambapi shaicujcuna ubyanapajmi– nirca.

1 REYES 1:33

Chaimi jatun mandajca: –Cancunapaj amopajta rurajcunata pushashpa ñuca mulapi ñuca churi Salomonta tiyachishpa Gihonman pushaichij.

1 REYES 10:26

Salomonca carrocunata, caballopi tiyarij gentecunatapish ashtahuanmi tandachirca. Paica, 1.400 carrocunata, caballopi tiyarijcunatapish 12.000 gentecunatami charirca. Chaicunamanta shujcunataca carrocunata maillapi huaquichishca pueblocunapimi churarca. Caishujcunataca Jerusalenpimi pai jatun mandajta cuidachun churarca.

SALMOS 9:14

Cantaca alabanataj cashcata Sionpi causajcunapaj pungucunapi huillachunmi quishpichingui. Can quishpichishcamantaca, jatuntami cushicuni.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

ISAÍAS 40:9

Sionmanta huillaj, shuj jatun urcuman huichiyai. Jerusalenmanta huillaj, tucui fuerzahuan caparishpa huillayari. Mana manchashpa jatariyari. Judá llajtapi caj pueblocunamanca: “¡Caipimi cancunapaj Taita Diosca!” nichigari.

ISAÍAS 62:11

Mandaj Diosca tucui cai pachapi causajcuna uyajtami cashna caparirca: “Sionpaj ushushi: Canta Quishpichijca ñamari shamun nichigari. Canta quishpichijca chaitami ña shamun. Imalla rurashcamanta cunapish paihuanmi shamucun. Can imallata rurashcamanta cunapish paita ñaupashcami shamucun nichigari” nircami.

EZEQUIEL 34:24

Mandaj Dios ñucami paicunapaj Taita Dios casha, ñucata servij Davidca paicunata mandajmi canga. Caicunataca Mandaj Dios ñucatajmi chashna nini.

EZEQUIEL 37:24

Ñucata servij Davidmi paicunata jatun mandaj canga, tucuicunami shujlla michijta charingacuna. Paicunaca ñuca imallata rurachun nishca shinami causangacuna, ñuca quillcachishcatapish huaquichingacunami. Chaicunataca tucuitami pajtachingacuna.

OSEAS 1:7

Shina cashpapish judacunataca llaquishami. Mandaj paicunapaj Taita Dios ñucallatajmi quishpichisha. Paicunataca arcohuan, espadahuan, macanacuihuan, caballopi tiyarishca soldadocunahuanca mana quishpichishachu” nircami.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

NÚMEROS 24:19

Jacobmantaca tucuita mishajmi llujshinga. Jatun pueblopi saquirishcacunatapish chingachingami” nircami.

Mateo 11:29

Ñucataca manso, mana jatun tucushca shungu cashcata ñuca yugota aparishpa yachaichij. Chashnami cancunapaj alma samarinata japinguichij.

Mateo 2:2

–Judiocunata mandangapaj huacharishca huahuaca ¿maipitaj canga? Pai huacharishcata ricuchij lucerotami inti llujshin ladopi ricurcanchij. Chaimi paita adorangapaj shamurcanchij– nishpa tapurcacuna.

Mateo 2:6

“Judapi caj Belenlla, canca jatun nishcami cangui. Judapi mandajcunapurapica, manataj uchillaca canguichu. Canmantami shuj pushaj llujshinga. Ñucapaj caj israelcunataca, paimi michinga” ninmi– nircacunami.

Mateo 21:6

Yachacujcuna rishpaca, Jesús mandashca shinami rurarcacuna.

Lucas 24:27

Moisés quillcashcamanta callarishpa, tucui profetacuna quillcashcacamami, Quillcachishcacunapi pai imalla tucuna cashcata huillacushcata yuyachirca.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

2 Corintios 10:1

Ñucaca Pablomi cani. Cristo llaquij alli shungu cashca shinami ñucapish, cancunataca uyapaichij nini. Ñucaca cancunahuan cashpaca, mana jatun tucushca carcanichu. Ashtahuanpish cancunamanta carupi cashpaca, c'ari c'arimi tucushcani.

DEUTERONOMIO 17:16

Ashtahuanpish chai jatun mandajca caballocunata ama achcata charichun. Caballocunata apanamanpish Egiptomanca pita ama tigrachishpa cachachun. Mandaj Diosmi cancunataca: “Cai ñantaca amataj tigranguichijchu” nishca carca.

JUECES 12:14

Paica chuscu chunga churicunata, quimsa chunga nietocunatami charirca. Paicunaca tucuicunami tiyarishpa puringapajca shuj shuj burrota charircacuna. Abdonca israelcunataca pusaj huatatami mandarca.

JUECES 5:10

Yuraj burrocunapi tiyarishca purijcunapish, llaquicunata allichijcunapish, maimanpish chaquillahuan purijcunapish Mandaj Diosta alabaichij.