Mateo 20:2 - Dios Rimashca Shimicunami

² Pallajcunahuanca shuj punlla trabajashcamantaca shuj denario cullquitami pagasha nishpa ari ninacushpaca paicunataca, paipaj uvas chagramanmi cacharca.

Mushuj Testamento Diospaj Shimi

² Risha nijcunamanca, chai punlla pallashcamantaca shuj denario cullquillatami cuna tucurca. Chashna ari ninacushpami, paipaj chagrapi uvasta pallanaman cacharca.

Mateo 20:2 Iomraidhean Croise

1 REYES 18:12

Ashtahuanpish ñuca caimanta rishpa Acabman huillashpa tigranapajca, Mandaj Diospaj Espiritumi cantaca ñuca mana yachai tucuipaj mai shujtajman apanga. Chaipica canta mana japishpaca ñucatamari huañuchinga. Cambajta ruraj ñucaca, huambramantapachamari Mandaj Diosta tucui shunguhuan manchashpa causani.

2 CRÓNICAS 34:3

Josiasca, ña pusaj huatata mandacushpapish, chairaj huambrarajmi carca. Chashna huambraraj cashpami, ña chai huatapica paipaj ñaupa yaya Davidpaj Diosta mashcai callarirca. Pai ña chunga ishqui huatata mandacushpami Judapi, Jerusalenpi causajcuna Diospajlla tucuchunca, lomacunapi tiyaj altarcunatapish, Asera huarmi diosman rijchajcunatapish, shujtaj dioscunatapish, fierrota yacuyachishpa rurashca dioscunatapish tucui anchuchi callarirca.

ECLESIASTÉS 12:1

Chairaj cashpami, canta Ruraj Diostaca yuyarina cangui. Llaquilla cana huatacuna manaraj chayamujpi yuyariyari. Chai huatacunapica: “Cai causaitaca ña mana munananchu” ninguimi.

Mateo 18:28

Ashtahuanpish paipajta ruraj chaimanta llujshishpaca, chai amopaj shujtaj servij paiman patsaj denario cullquita debijhuan tupashpami, paitaca cungapi sipishpa: “Ñucaman debishcata pagai” nirca.

Mateo 20:1

Jahua pachamanta mandacunca, chagrayuj shuj runa paipaj chagrapi uvascunata pallachun mashcanaman utca llujshij shinami.

Mateo 20:13

Chaipimi chagrayujca, chashna nijcunapuramanta shujtaca: “Riqui, amigo. Cantaca mana imata llaquichicunichu. ¿Manachu shuj denariota cusha nijpica, ari nircangui?

Mateo 20:3

Chagrayujca iscun horas tucucujpi cutin rishpaca, imata mana ruranata charijcuna plazapi tiyacujta ricushpami,

Mateo 20:9

Pichca horas chishita pallai callarijcunaraj cayajpi shamushpaca, tucuicunami shuj denario, shuj denario chasquircacuna.

Mateo 22:19

Tributopaj cullquita ricuchichij– nijpica, shuj denario cullquitami ricuchircacuna.

Mateo 9:37

Chaimantami paipaj yachacujcunataca: “Granocunata tandanaca achcami, ashtahuanpish tandajcunaca ashallami.

Marcos 12:15

Jesusca paicunataca mishqui shimi jayaj shungucuna cajta yachashpami: –¿Ima nishpataj ñucataca umashun nicunguichij? Shuj denariota ricungapaj apamuichij– nircami.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Lucas 10:35

Cayandij punllata ña rigrishpaca, ishqui denariota pozadayujman cushpami: “Alli cuidapangui, cai cullqui mana pajtajpipish, tigramushpa cushallami” nishpa saquirca.

Lucas 20:24

Cullquita ricuchichij. ¿Pipaj ñahuitaj, pipaj shutitaj caipica tiyacun?– nijpica: –Cesarpajmi– nircacunami.

2 Timoteo 3:15

Canca huahuamanta pachami, Diospaj Quillcacunataca yachangui. Chaicunami Cristo Jesusta crishpa quishpirichun, cantaca yachajta rurai tucun.

Apocalipsis 6:6

Causaiyuj chuscupaj chaupimantaca: “Ishqui libra trigoca shuj denariomi valin, sujta libra cebadapish shuj denariomi valin. Chashna cajpipish aceiteta, vinotaca ama imata rurangui” nishpa rimajtami uyarcani.

1 SAMUEL 2:18

Ashtahuanpish Samuel huambraca linomanta rurashca efodta churashcami, Mandaj Dios munashca shina paipajta rurashpa causarca.

1 SAMUEL 2:26

Ashtahuanpish Samuel mosoca ashtahuan huiñashpami, Mandaj Diospaj ñaupajpipish, runacunapaj ñaupajpipish ashtahuan Dios munashca tucushpa catirca.

1 SAMUEL 3:1

Samuel mosoca Elí curapaj ñaupajpimi Mandaj Diospajta rurashpa causarca. Chai punllacunapica Mandaj Diosca, huaquinllapimi huillachij carca. Muscuipi shinapish huaquinllapimi ricurirca.

1 SAMUEL 3:21

Mandaj Diosca, Silo pueblopimi ricuricujlla carca. Chaipimi Samuelmanca pai imata rurasha nishcata huillarca.