Mateo 2:6 - Dios Rimashca Shimicunami

⁶ “Judapi caj Belenlla, canca jatun nishcami cangui. Judapi mandajcunapurapica, manataj uchillaca canguichu. Canmantami shuj pushaj llujshinga. Ñucapaj caj israelcunataca, paimi michinga” ninmi– nircacunami.

Mushuj Testamento Diospaj Shimi

⁶ “Judá llajtapi caj Belenlla, canpish Judapica mandajcunapuramari cangui, mana yallitaj uchilla canguichu. Canmantamari, shuj Mandajca llujshinga. Paimi, ñuca agllashca israelcunata Michij canga” ninmi— nircacunami.

Mateo 2:6 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

2 SAMUEL 5:2

Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj Diosmi cantaca: Ñuca israelcunataca can michingui. Canmi tucui israelcunata mandaj cangui nishcami carca” nircami.

1 CRÓNICAS 2:51

Salmanami carca. Salmanaca Belenpaj yayami carca. Harefmi carca. Harefca Bet-gaderpaj yayami carca.

1 CRÓNICAS 5:2

Ashtahuanpish Judami, tucui huauquicunapaj punta huauqui tucushpa catishpa tucui paicunata mandaj tucurca. Shina cashpapish, punta churi japina cashcataca, Josemanmi curca.

ESDRAS 2:21

Belenmantaca 123 runacunami carca.

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

NÚMEROS 24:19

Jacobmantaca tucuita mishajmi llujshinga. Jatun pueblopi saquirishcacunatapish chingachingami” nircami.

Mateo 2:1

Herodes mandacui punllacunapi Judeapi caj Belenpi Jesús huacharijpica, yachaj runacunami inti llujshinmanta Jerusalenman chayamushpaca,

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Juan 21:16

Jesusca cutinmi: –Jonaspaj churi Simón, ¿Ñucataca c'uyanguitajchu?– nijpi, Pedroca: –Ari Mandaj Jesús, quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata michingui– nirca.

Juan 7:42

¿Manachu Quillcachishcapica: David causashca Belén pueblomanta paipaj huahua huahuapuramantami Cristoca shamunga nin?” nircacunami.

Efesios 1:22

Shinallataj tucui imatapish Cristo cazuchichunmi, paipaj chaquicuna ucupi churarca. Tandanacushca crijcunapajpish uma cachunmi, paillatataj churarca.

Colosenses 1:18

Tandanacushca crijcunaca Cristopaj cuerpomi, paica umami. Paica callarinapaj ña tiyajmi. Huañushcacunapaj chaupimanta punta causarijmi. Tucuipi punta cangapajmi chashna tucurca.

Hebreos 7:14

Ñucanchijta Mandaj Jesusca, Judá aillumanta shamushcataca tucuicunami yachanchij. Moisespish Judá aillumanta cura tucunataca imata mana nircachu.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 2:27

Ñuca Yaya ñucata mandajta rurashca shinallatajmi, paicunaca llajtacunataca allpa mangata ñutuj shina fierro varahuan mandanga.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.