Mateo 2:2 - Dios Rimashca Shimicunami

² –Judiocunata mandangapaj huacharishca huahuaca ¿maipitaj canga? Pai huacharishcata ricuchij lucerotami inti llujshin ladopi ricurcanchij. Chaimi paita adorangapaj shamurcanchij– nishpa tapurcacuna.

Mushuj Testamento Diospaj Shimi

² Paicunami cashna tapurca: —Judiocunata Jatun Mandaj cunanlla huacharishcatamari yachanchij. ¿Chai huahuaca maipitaj? Pai huacharishcata huillaj luźero Inti llujshin ladopi ricurijpimi, Paita adorangapaj shamuparcanchij— nircacunami.

Mateo 2:2 Iomraidhean Croise

SALMOS 2:6

“Ñucapajlla caj Sión urcu jahuapi mandachunca ñuca churashca jatun mandajtami churarcani.”

SALMOS 45:11

Can sumaj huarmitaca jatun mandajmari munanga. Paica cambaj mandaj cashcamanta paitami cazuna cangui.

ISAÍAS 60:3

Llajtacunapi causajcunaca cambaj luzpimi puringacuna. Canpi caj luz achijllata pacarichishcapimi jatun mandajcunaca puringacuna.

JEREMÍAS 23:5

Mandaj Diosca cashnapishmi nin: “Shamuj punllacunapica, Davidpaj huahuapuramantami cashcata ruraj mandajta churasha. Paimi cai llajtata Jatun Mandaj canga. Paica cushicushpami cai llajtapica alli mandanga, tucuicunapajmi cashcata ruranga.

JEREMÍAS 30:9

Ashtahuanpish chai punllaca, ñuca paicunata Mandaj Diostapish, paicunata mandachun ñuca churashca jatun mandaj Davidtapishmi servingacuna” ninmi.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

NÚMEROS 24:17

Imalla tucunataca ricunimari. Chaica mana cunan punllachu chashna tucunga. Shamuj punllapi imalla tucunataca ashallatamari ricuni. Chaica caimi: Jacobmantaca LUZEROMI llujshinga. Israelmantaca mandana varami llujshinga. Moabtaca rinrin jahuanijllapimi chugrichinga. Setpaj huahua huahuacunataca tucuimi chingachinga.

Mateo 2:3

Chaita uyashpaca jatun mandaj Herodespish, Jerusalenpi tucui causajcunapish achcatami mancharircacuna.

Mateo 21:5

“Sionpi causajcunamanca: Cancunapaj jatun Mandajca, manso shungumi. Burropi tiyarishcami cancunapajman shamucun. Aparij burropaj huahua burropi tiyarishcami shamucun nichij” nishcami carca.

Mateo 27:11

Mandaj Pilatopaj ñaupajpi Jesús shayacujpimi, Pilatoca Jesustaca: –¿Canca, judiocunata jatun mandajchu cangui?– nijpi, Jesusca: –Ari, canllataj ña chashna ninguica– nirca.

Lucas 19:38

–¡Jatun Diospaj shutipi shamucuj Jatun Mandajtami alli ninchij! ¡Jahua pachapipish sumaj cachun, jahua pacha Jatun Diostaca sumajmari cangui nishca cachun!– nishpami caparircacuna.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Lucas 23:3

Chaimi Pilatoca: –¿Canca, judiocunapaj jatun Mandajchu cangui?– nijpi, Jesusca: –Ari, canllataj ña chashna ninguica– nirca.

Lucas 23:38

Jesusta chacatashca uma jahua nijpica: “Caica, judiocunapaj jatun Mandajmi” nishpa, griegopi, latinpi, hebreopi quillcashcami tiyacurca.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 12:13

Chaimantami yura ramacunata p'itishpa, Jesusta tupanaman llujshimushpaca: –¡Hosanna! ¡Israelcunapaj Jatun Mandaj, Jatun Diospaj shutipi shamucujtaca alli nishca cachun!– nishpa caparircacuna.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 19:19

Pilatoca: “Caica Nazaretmanta Jesusmi, judiocunata jatun Mandajmi” nishpa quillcashcatami, cruz jahuapi churachirca.

Juan 20:28

Tomasca: –¡Ñucata Mandaj, ñuca Taita Dioslla!– nirca.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Juan 9:38

–Amito, crinimi– nishpa paipaj ñaupajpi cungurishpa adorarca.

Hebreos 1:6

Cashnapishmi nirca. Paipaj shujlla Churita cai pachaman cachashpaca: “Diospaj tucui angelcuna, paita adoraichij” nircami.

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.