Mateo 2:16 - Dios Rimashca Shimicunami

¹⁶ Herodesca yachaj runacuna paita chanzata rurashcata yachashpaca yallitaj p'iñarishpami Belenpipish, chai muyundij llajtacunapipish, manaraj ishqui huatata charij tucui c'ari huahuacunata huañuchichun mandarca. Yachaj runacunata tapushca punllamanta yupashpami chashna rurarca.

Mushuj Testamento Diospaj Shimi

¹⁶ Herodesca, chai yachaj runacuna paita umashcata yachashpaca, yallitajmi pʼiñarirca. Chaimantami, yachaj runacuna parlashca punllamanta ishqui huatata pajtachigrij tucui cʼari huahuacunata Belenpipish, muyundij llajtacunapipish huañuchichirca.

Mateo 2:16 Iomraidhean Croise

GÉNESIS 39:14

chai huarmica huasipi imatapish rurajcunata cayashpaca: –Riquichij, cai hebreo runataca ñucanchijta chanzata rurachunmari apamushca. Ñuca tiyacun ucuman yaicushpa ñucahuan dormishun nijpimi, ñucaca sinchita caparircani.

GÉNESIS 39:17

Cusa chayajpica, huasipi cajcunaman huillashca shinallatajmi: –Ñucanchijpajta rurachun can apamushca hebreo runaca ñucapajman shamushpami, ñucata japirisha nirca.

GÉNESIS 49:7

Paicuna p'iñarishcaca yallitaj millai cashcamanta mana alli nishcami. Paicuna p'iñarishcaca yallitaj sinchimi carca. Jacobpajpurapica caipi chaipi causachunmi churasha. Israelpica urata janajtami cachasha.

2 REYES 8:12

Hazaelca Eliseotaca: –Ñuca amito ¿ima nishpataj huacangui?– nijpimi Eliseoca: –Israelcunata can llaquichinata yachashcamantami huacani. Torrecunataca canmari rupachingui, q'uipa huiñaicunatapish espadahuanmi huañuchingui. Huahuacunatapish pircacunapi huajtashpami huañuchingui, chichu huarmicunatapish huijsatamari lliquingui– nirca.

JOB 12:4

Ñucaca, ñucahuan alli apanacujllataj chanzata rurashpa asishcami cani. Taita Diosta mañajpica, paica cunllami. Cashcata ruraj cajpipish, ima pandata mana ruraj cajpipish, chanzata ruranllacunami.

PROVERBIOS 28:15

Diosta mana manchaj mandajca, huajchacunapajca manchananata huacaricuj león shina, yaricaihuan huañucuj oso shinami.

PROVERBIOS 28:17

Huañuchij runaca huañuna punllacama miticushpallami purin. Chai runataca huañunamanta pi mana jarcaipajmi.

ISAÍAS 26:21

Riquichij, Mandaj Diosca cai pachapi causajcunataca paita p'iñachishpa millaita rurashcamanta llaquichingapajmari, pai causacunmanta llujshigrin. Allpapish huañuchishpa paipi jichashca yahuartaca, ricuchingami. Huañushcacuna paipi tiyacujtapish ña mana ashtahuan pacangachu.

ISAÍAS 59:7

Paicunapaj chaquicunaca millaita ruranallamanmi callpan. Ima juchachina illajlla runacunata huañuchingapajmi callpancuna. Paicunapaj yuyaicunaca millaita ruranallatami yuyancuna. Paicunapaj ñancunapica, chingachina llaquichinallami tiyan.

DANIEL 3:13

Chaita uyashpaca, Nabucodonosorca yallitaj jatunta p'iñarishpami Sadractapish, Mesactapish, Abed-negotapish paipajman pushamuchun cacharca. Paicunataca chashna nincami jatun mandajpajman pusharcacuna.

OSEAS 10:14

Cancunapurapica jatun bullami jataringa. Sinchi torrecunapish tucui chingachishcami canga. Jatun mandaj Salmán, Bet-arbel pueblota chingachishca shinami canga. Macanacui punllapi mamacunata, huahuacunata mirga mirgata rurashpa chingachishca shinami canga.

NÚMEROS 22:29

Chaimi, Balaamca chai burrotaca: –¿Ima nishpataj ñucataca chanzata rurangui? Shuj espadata ñuca maquipi charicushpaca cunantajmi huañuchiman– nirca.

NÚMEROS 24:10

Shina nijpimi, Balacca, Balaamhuan nina sindirij shina p'iñarishpa maquicunapi huajtarishpa cashna nirca: –Cantaca, ñucata p'iñajcunata imapish tucushca canman nichunmi pushamurcani. Ashtahuanpish canca ñucata p'iñajcunataca, ñamari quimsa cutin alli cashca cachun ningui.

Mateo 2:1

Herodes mandacui punllacunapi Judeapi caj Belenpi Jesús huacharijpica, yachaj runacunami inti llujshinmanta Jerusalenman chayamushpaca,

Mateo 2:17

Chaica, profeta Jeremías cashna nishca shinallatajmi pajtarca. Paica:

Mateo 2:7

Chaimi Herodesca, yachaj runacunata pacalla cayashpa, ima punllamanta lucerota ricushcata callarishpa allitaj tapushpaca,

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 17:6

Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.

JUECES 16:10

Cutinllatajmi Dalila huarmica Sansontaca: –Canca ñucataca umashcanguimari, llullashpallamari ñucamanca chashna nishcangui. Ima shina canta huatana cashcataca cunantajca ama pacashpa huillachunmi rogani– nirca.