Mateo 2:10 - Dios Rimashca Shimicunami

¹⁰ Chai lucerota ricushpaca, jatuntami cushicurcacuna.

Mushuj Testamento Diospaj Shimi

¹⁰ Chai luźero cutin ricurijpica, cushicushpami catircacuna.

Mateo 2:10 Iomraidhean Croise

SALMOS 105:3

Jucha illaj Diospaj shutipi cushicuichigari. Mandaj Diosta mashcajcunapaj shungu cushicuchun.

SALMOS 67:4

Llajtacunataca cashcata rurashpami mandangui. Cai pacha llajtacunataca michinguimi. Chaimanta cushicuichij, llajtacuna cushicuichij. Selah

Mateo 2:11

Huasiman yaicushpaca, huahuataca paipaj mama Mariahuan cajta ricushpami, cungurishpa adorarcacuna. Paicuna cungapaj apamushcacunata pascashpami achca valij curitapish, inciensotapish, mirratapish curcacuna.

Mateo 2:9

Jatun mandaj chashna nishcata uyashpaca, paicunaca rircallacunami. Inti llujshinpi ricurishca lucerollatajmi paicunata ñaupashca rishpa chaipi chayashpaca, chai luceroca maipimi huahua carca chai jahuapi shayarirca.

Lucas 2:10

Chaimi angelca: –Ama manchaichijchu. Ñucaca tucuicuna jatunta cushicuna alli mushuj huillaitami, cancunamanca huillaj shamuni:

Lucas 2:20

Michijcunaca paicunaman huillashcata uyashca shinallatataj ricushpaca, tucui chaicunamanta Diostaca allimari cangui, sumajmari cangui nishpami tigrarcacuna.

DEUTERONOMIO 32:13

Jahua llajtacunamanmi huichiyachirca. Cai allpacunapi p'ucushca granocunatami cararca. Peñamantami sacha chuspipaj mishquitapish cararca. Rumilla sinchi allpacunamantami aceiteta cararca.