Mateo 2:1 - Dios Rimashca Shimicunami

¹ Herodes mandacui punllacunapi Judeapi caj Belenpi Jesús huacharijpica, yachaj runacunami inti llujshinmanta Jerusalenman chayamushpaca,

Mushuj Testamento Diospaj Shimi

¹ Judea llajtapi caj Belén pueblopi Jesús huachari punllacunapica, jatun mandaj Herodesmi Judea llajtataca mandacurca. Chai punllacunami, inti llujshin ladomanta yachaj runacuna Jerusalenman shamurcacuna.

Mateo 2:1 Iomraidhean Croise

GÉNESIS 10:30

Paicunaca Mesa llajtamanta callarishpaca, Sefarman rina ñanta catishpa inti llujshin ladoman caj urcucunacamami causarcacuna.

GÉNESIS 25:6

Paipaj caishuj huarmicunapaj huahuacunamanpish tucuicunamanmi asha ashata convidarca. Abrahamca pai causacushparajmi paipaj caishuj churicunataca paipaj churi Isaacmanta ch'icanyachishpa inti llujshin ladoman caj llajtacunapi causachun cacharca.

GÉNESIS 41:8

Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

1 REYES 4:30

Salomonpaj yachaica inti llujshin ladoman caj jatun yachajcunapaj yachaitapish yalli, egipciocunapaj tucui jatun yachajcunapaj yachaitapish yallimi carca.

1 CRÓNICAS 2:51

Salmanami carca. Salmanaca Belenpaj yayami carca. Harefmi carca. Harefca Bet-gaderpaj yayami carca.

JOB 1:3

Paipaj haciendapica, 7.000 ovejacunatapish, 3.000 camellocunatapish, 500 yunta huagracunatapish, 500 burrocunatapish, cullqui jahua servijcunatapishmi yallitaj achcata charirca. Inti llujshin ladopi causajcunapuramantaca, paillami yallitaj charij carca.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

Mateo 1:25

Chaipipish punta churita María huachangacama, Joseca manaraj chayarircachu. Chai huahuataca, JESÚS shutitami shutichirca.

Mateo 2:16

Herodesca yachaj runacuna paita chanzata rurashcata yachashpaca yallitaj p'iñarishpami Belenpipish, chai muyundij llajtacunapipish, manaraj ishqui huatata charij tucui c'ari huahuacunata huañuchichun mandarca. Yachaj runacunata tapushca punllamanta yupashpami chashna rurarca.

Mateo 2:19

Herodes huañushca q'uipami, Jatun Diospaj shuj ángel Egiptopi, Joseman muscuipi ricurishpaca:

Mateo 2:3

Chaita uyashpaca jatun mandaj Herodespish, Jerusalenpi tucui causajcunapish achcatami mancharircacuna.

Mateo 2:5

Paicunaca: –Judeapi caj Belenpimi huacharinga ninmi. Profeta quillcashcapica:

Mateo 2:7

Chaimi Herodesca, yachaj runacunata pacalla cayashpa, ima punllamanta lucerota ricushcata callarishpa allitaj tapushpaca,

Lucas 1:5

Judea llajtata jatun mandaj Herodes mandacui punllacunapimi, Zacarías shuti cura causarca. Paica Abías curapaj huahua huahuacunapurami carca. Paipaj huarmica, Aaronpaj huahua huahuapuramanta Elisabetmi carca.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Lucas 2:15

Chai angelcuna jahua pachaman ña rijpica, michijcunaca caishuj chaishujmi: –Jatun Dios ñucanchijman huillachishca imalla tucushcata ricungapaj Belenman chayajta jacuchij– nircacuna.

Juan 7:42

¿Manachu Quillcachishcapica: David causashca Belén pueblomanta paipaj huahua huahuapuramantami Cristoca shamunga nin?” nircacunami.

JUECES 17:7

Judá llajtapi caj Belenpica, shuj mosomi tiyarca. Paica levitapurami carca. Shujtaj llajtamanta shinallami causarca.