Mateo 19:5 - Dios Rimashca Shimicunami

⁵ cashnapishmi nirca: “Chaimanta c'arica, yaya mamata saquishpa, paipaj huarmihuan tandanacushpa, ishquindijmanta shuj aichallami tucunga” nircami.

Mushuj Testamento Diospaj Shimi

⁵ Diosca caitapishmi nirca: “Chaimantami cʼarica yaya mamamanta chʼicanyashpa, paipaj huarmihuan tandanacushpa causanga. Caźarashpaca cʼaripish, huarmipish shuj aichallami tucun” nircami.

Mateo 19:5 Iomraidhean Croise

GÉNESIS 34:3

Siquemca Leapaj ushushi Dinapi shunguta churashpa yallitaj munashcamantami, Dinapish paita c'uyachun nishpa sumajta rimarca.

2 SAMUEL 1:26

Ñuca huauqui Jonatanlla, canmantaca llaquihuan huañucunimi. Ñucataca yallitaj c'uyajmi carcangui. Cambaj c'uyaica yallitaj mancharinami ñucapajca carca. Cambaj c'uyaica huarmicunapaj c'uyaitapish yallimi carca.

1 REYES 11:2

Mandaj Diosca israelcunataca: “Chai mana Israel huarmicunahuanca ama shujlla tucunguichij. Paicunapish cancunahuanca ama shujlla tucuchun, paicunaca paicunapaj dioscunapajman rishpa chai dioscunata adorana yuyaita cushpatajmi alli cangacuna” nishpami mandashca carca. Chashna nishca cajpipish Salomonca chai huarmicunata c'uyashpami paicunahuan tandanacurca.

SALMOS 45:10

Ñuca ushushi uyaiyari. Riqui, alli uyaiyari. Cambaj llajta gentecunata, cambaj yayapaj familiacunatapish cungarilla.

SALMOS 63:8

Ñuca almaca quiquinpi llutarishca shinami. Quiquinpaj alli lado maquimi ñucataca charirahuan.

MALAQUÍAS 2:15

¿Manachu cancuna chairaj cashpa cazarashca huarmihuanca, pai Diosllataj shujlla aichata, shujlla yuyaita rurarca? ¿Imapajshi chashna rurashca canga yuyanguichijchari? Cancunapaj huahua huahuacunapish, paipajlla cachunmari chashna rurarca. Chashna cashcamantaca ama cancunapaj yuyaita mapayachichijchu, ama cancunapaj quiquin huarmita shitaichijchu.

Mateo 19:6

Chaimanta ña mana ishquichu, shuj aichallami. Dios tandachishcataca, ni pi amataj ch'icanyachichun– nircami.

Romanos 12:9

Ama nij tucushpalla tucui shunguhuan c'uyanacuichij. Millaitaca p'iñaichij, allitaca catichij.

1 Corintios 6:16

Huainayashpa causaj huarmihuan maijanpish chayarinacujca, paihuan shuj cuerpolla tucushcataca ¿manachu yachanguichij? ¿Manachu Quillcachishcapica: “Ishquindij shuj aichallami tucun” nin?

1 Corintios 7:2

Shina cajpipish huainayana munaicuna tiyashcamanta, c'arica quiquin huarmita charichun, huarmipish quiquin cusata charichun.

1 Corintios 7:4

Huarmica paipaj cuerpotaca mana paillatajca cushichinchu, cusami cushichin. Shinallataj cusapish paipaj cuerpotaca mana paillatajca cushichinchu, huarmimi cushichin.

Efesios 5:31

Shinallatajmi c'arica, yaya mamata saquishpa, paipaj huarmihuan tandanacunga. Ishqui cashcamanta shujlla aichami tucunga.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

DEUTERONOMIO 11:22

Tucui cai mandashcacunata pajtachichun cunan ñuca quillcashcataca tucui pajtachijpi, shinallataj Mandaj Dios cancunapaj Taita Diosta c'uyashpa paipaj ñancunapi purishpa paita catijpica,

DEUTERONOMIO 4:4

Ashtahuanpish Mandaj Dios cancunapaj Taita Diosta catijcunaca tucuicunami cunancama causacunguichij.

1 SAMUEL 18:1

Davidhuan Saúl ña tucui parlanacujpica, Jonatanpaj yuyaihuan Davidpaj yuyaihuanca shuj shinallami tucurca. Jonatanca Davidtaca pai quiquinta shinallatajmi c'uyarca.

1 SAMUEL 25:43

Davidca, Jezreelmanta caj Ahinoam huarmitapishmi paipaj huarmi cachun japirca. Chai ishquindijmi Davidpaj huarmicuna carca.