Mateo 18:3 - Dios Rimashca Shimicunami

³ –Diospajman mana cutirishpa, huahuacuna shina mana tucushpaca, jahua pachamanta mandacunpica manataj yaicunguichijchu. Chashnatajmi canga.

Mushuj Testamento Diospaj Shimi

³ —Cancuna Diospajman cutirishpamari, huahuacuna shina tucuna canguichij. Mana chashna tucushpaca, jahua pacha Dios mandacunmanca mana yaicui tucunguichijchu, chashnami canga.

Mateo 18:3 Iomraidhean Croise

SALMOS 131:2

Ashtahuanpish ñuca almaca mama huahuata chuchuchijpi shinami upallan. Huahuaca mamata chuchushca huashaca upajlla sirinllami.

ISAÍAS 6:10

Paicunapaj shungutapish rumiyachi. Rinrintapish mana uyajta rurai. Ñahuitapish mana ricujta rurai. Ñahuihuanpish ama ricuchun, rinrinhuanpish ama uyachun, shunguhuanpish ama entendichun, ñuca ama alliyachichun ñucaman ama cutirichun chashna rurai” nircami.

Mateo 13:15

Cai llajtapi causajcunapaj shunguca rumiyashcami. Paicunapaj rinrinca tapashca shinami. Paicunapaj ñahuicunapish huichcashca shinami tucushca. Chaimanta uyashpapish mana uyashca shina tucuchun. Paicunapaj shungutapish ama cutirichun mana entendijta ruragri. Paicuna chashna tucujpimi, ñucaca mana alliyachisha” nircami. Chaimi pajtashca.

Mateo 18:2

Chaimi Jesusca shuj huahuata cayashpa, paicunapaj chaupipi churashpaca,

Mateo 18:4

Maijanpish cai huahua shina cumurijmi, jahua pachamanta mandacunpica jatun nishca canga.

Mateo 19:14

Chaimi Jesusca: –Huahuacuna ñucapajman shamuchun saquichij, ama jarcaichijchu. Cai huahuacuna shina tucujcunatami jahua pacha Diosca mandacun– nircami.

Mateo 19:23

Chaimi Jesusca, paipaj yachacujcunataca: –Jahua pachamanta mandacujpica, achcata charijca mana jahualla yaicui tucungachu. Chaica chashnatajmi canga.

Mateo 5:18

Jahua pachapish, cai pachapish manaraj tucurijpimi mandashcacunamanta huillashcacunaca shuj puntollapish, shuj tildellapish mana chingarishpa, chashnataj pajtanga. Chaica chashnatajmi canga.

Mateo 5:20

Chaimanta cashnami nini: Mandashcata quillcajcunata, fariseocunata yalli cashcata rurashpa mana causashpaca, jahua pachamanta mandacunpica mana yaicunguichu.

Mateo 6:16

Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.

Mateo 6:2

Cancuna huajchacunaman imata cushpaca mishqui shimi jayaj shungucuna, runacunapaj ñaupajpi alli ricuringa raiculla cushpa sinagogacunapi, ñancunapi tocachij shinaca canca cambaj ñaupajpi trompetapi ama tocachingui. Chashna rurashpaca runacuna alli nishcallatami ña japincuna. Chaica chashnatajmi.

Mateo 6:5

Taita Diosta mañacushpaca, mishqui shimi jayaj shungucuna rurashca shinaca ama ruranguichij. Paicunaca runacunapi alli ricuringa raiculla mañacushcamanta sinagogacunapi, ñan muyurincunapi shayarishpa mañanatami munancuna. Chashna rurashcamantaca runacuna alli nishcallatami paicuna japina cashcataca ña japincuna. Chaica chashnatajmi.

Marcos 4:12

Paicunaca ricushpapish mana ricushca shinami tucun. Uyashpapish mana uyashca shinallatajmi tucun. Chaimantami Taita Diosmanpish mana cutirincuna, paicunapaj juchacunata perdonashca canatapish mana chasquincuna” nircami.

Lucas 13:24

–Quichqui punguta yaicunata yuyaichij. Achcacunami yaicunata yuyangacuna. Ashtahuanpish mana yaicui tucungacunachu. Chaica chashnatajmi.

Lucas 22:32

Ashtahuanpish crij cashcata saquisha ama nichunmi, ñucaca canmantaca Taita Diosta mañarcani. Ña cutin ñucaman can cutirishpaca, ñucata alli catijcuna cachun cambaj huauquicunatapish alli yachachingui– nircami.

Juan 1:51

Cashnapish nircami: –Cunanmanta pachami cancunaca jahua pacha pascarishcata, Runa Aichayujpajman Taita Diospaj angelcuna huichiyacujta, uriyacujtapish ricunguichij. Chashnatajmi canga– nircami.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Juan 3:5

Chaimi Jesusca: –Pipish yacuhuan, Taita Diospaj Espirituhuan mana huacharijca, Taita Dios mandacujpica mana yaicui tucungachu. Chashnatajmi canga.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

Hechos 28:27

Cai llajtapi causajcunapaj shunguca rumiyashcami. Paicunapaj rinrinca tapashca shinami. Paicunapaj ñahuipish huichcashca shinami tucushca. Chaimanta uyashpapish ama uyashca shina tucuchun. Ricushpapish mana ricushca shina tucuchun. Paicunapaj shungutapish ñucapajman ama cutirichun mana entendijta ruragri. Paicuna chashna tucujpimi, ñucaca mana alliyachisha” nishcami nircami.

Hechos 3:19

Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

1 Pedro 2:2

Ashtahuanpish cunanlla huacharishca huahuacuna shina, imahuan mana chagrushca Diospajlla lecheta munaichij. Chashna cashpami quishpichishcapica huiñanguichij.

2 Pedro 1:11

Chashna cajpimi, cancunataca pi mana jarcaipaj cajpi, ñucanchijta Quishpichij Jesucristo huiñaita mandacunmanca yaicuchingalla.