Mateo 17:4 - Dios Rimashca Shimicunami

⁴ Chaita ricushpami Pedroca, Jesustaca: “Amito, ñucanchij caipi canaca allimari cashca. Can munajpica, quimsa chugllacunata rurashun: Shujtaca cambaj, caishujtaca Moisespaj, chaishujtaca Eliaspaj” nircami.

Mushuj Testamento Diospaj Shimi

⁴ Chaita ricushpami Pedroca, Jesustaca: —Apunchij Jesús, caipi saquirinaca allimari canga. Can ‘Rurai’ nijpica, cambaj shuj, Moisespaj shuj, Eliaspaj shuj, quimsa chugllacunata caipi rurashun— nircami.

Mateo 17:4 Iomraidhean Croise

Lucas 9:33

Chai ishqui runacuna Jesusmanta caruyashpa rijpica, Pedroca, Jesustaca: –Yachachij, ñucanchijca allitajchari caipi canchij. Quimsa chujllacunata rurashun. Shujtaca cambaj, caishujtaca Moisespaj, chaishujtaca Eliaspaj– nirca. Ashtahuanpish Pedroca imata rimacushcatapish mana yacharcachu.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

ISAÍAS 33:17

Jatun mandajtaca cancunapaj ñahuihuantajmi paipaj sumaj achij nicujpi tiyacujta ricunguichij. Shitarishca carupi caj cancunapaj allpatamari cutin ricunguichij.

SALMOS 16:11

Ñucamanca causaiman apaj ñantami ricuchingui. Cambaj alli ladopica huiñaita sumajmari. Cambaj ñaupajpica cushicucunallami canga.

SALMOS 4:6

Achcacunamari: “¿Pitaj allicunata rurashpa ricuchingari?” nincuna. Mandaj Dioslla, cambaj achijyachij ñahuita ñucanchijman ricuchihuayari.

Apocalipsis 21:23

Dios sumaj cashcahuan achijyachijpi, Ovejapish paillataj achijyachij luz cashcamantaca intitapish lunatapish chai puebloca ña mana minishtinchu.

1 Juan 3:2

C'uyashcacuna, ñami Diospaj huahuacuna canchij. Ñucanchij ima shina canataca manaraj ricuchishcachu. Ashtahuanpish pai ricurijpi, pai ima shina caj shinallataj tucuna cashcataca yachanchijmi.

Filipenses 1:23

Chai ishquindij yuyaicunami ñucataca llapiracun. Shina cajpipish, Cristohuan cangapaj huañushpa rinami ñucapajca yallitaj alli.

ZACARÍAS 9:17

Paicunapaj c'uyaica achcami canga, paicunaca sumaj ñahui runacunami canga. Trigoca mosocunata, vinoca solteracunatami cushichinga.

Mateo 17:3

Chaipica Moisespish, Eliaspish Jesushuan parlanacucujmi ricurirca.

Juan 7:2

Ñaupa yayacuna carpa huasicunallata shayachishpa causamushcata judiocuna yuyarina fiestami chayamucurca.